🦅🌼العُقَابُ الأسطوري🌼🦅| مكتملة✨️ (باللهجة المغربية)

10

🤴🗿أمير في عصرنا3🤴
🌼🦅العُقَابُ الأسطوري🦅🌼
للكاتبة✒: Victoria Kaelin
💜📖الجزء 49📖💜

▪︎جزيرة لابرادوريت - مكتب الحاكم▪︎

كان آزاد خدام فاللابتوب ديالو..واخا ساحر ولكن كاينين أمور تيفضل يستعمل فيهم هاد التقنيات لي صنعوها البشر عكس المشعوذين لي مادخلوش التيكنولوجيا عليهم ابدا باقي تيستعملو أقلام الريش و الحبر و كلشي يدوي و ورقي عندهم...

تسمع الدقان فالباب وسط من تركيزو و عطا الإذن بالدخول...

دخلات بيلادونا تضور فعينيها حتى وقفات عليه: سمح ليا الى صدعتك ا ولدي

آزاد بلا مايشوف فيها: ماشي مشكل

بيلادونا: جيت بغيت نسول كيف بقات عروسنا (زييرات على يدها) واخا داكشي لي دارت فبنتي انا ا ولدي مانديرش فيها عقلي تتبقا فالاخير غير بنيتة صغيرة حتى واحد فينا ماعارفش باش عمرو ليها واليديها راسها

آزاد مركز فخدمتو: جوهر تحسنات حالتها غير كوني هانية من ناحيتها عمرها غتآدا و هي معايا

بيلادونا عوجات فمها بشوية تتكتم فالسم: و ديك داريا؟ شنو مصيرها فاش ماطبقاتش كلامك و قررات يتم الإختبار فنفس النهار؟

آزاد: باقة محبوسة حتى نسالي ليها و نستجوبها بنفسي! تتبقا فالأخير زعيمة القبيلة و ماشي ساهل نعيينو زعيم آخر تاني!

بيلادونا: اااه بصاح عندك الحق

بقات واقفة تضور فعينيها و تتجمع فالشجاعة حتى نطقات...

بيلادونا بتردد: بغيت نسولك واحد السؤال ا ولدي

آزاد هز فيها راسو: تفضلي

بيلادونا: من شحال هادي قالت ليا المرحومة فاش كنتي صغير بلي غتجي واحد الوقت و واحد اللحظة غيخصك تلقا رفيقة الروح ديالك..(بتوتر) كيفما الأب ديالك الحاكم الراحل لقا ختي كورديليا...

آزاد شبك اصابعو مع بعض: اه هادشي صحيح فعمر 18سنة تيبدا الإحساس ديال رفيق الروح

بيلادونا: ا ااه عارفة لي بغييت نعرفوو و ماتديرهااش مني قلة الصواب..(بتوتر) احمم واش مراتك جوهر هي الرفيقة ديالك؟

آزاد سكت لثواني تيشوف فالفضول لي فعينيها و نطق: اه هي رفيقة الروح المقدرة ليا

بيلادونا حاولات ما أمكن تخبي الدهشة ديالها: ي يعني غتبقا ديما معاك؟..زعمةة قصديي هي مرتبطة ديماا بيك؟؟

آزاد ربع يديه تيرمقها بنضرات حادة: 13عام و انا تنتسنا فيها امتى تكبر و نتي باقي تتسولي واش غتبقا معايا!؟ حتى المووت مغتقدرش تفرقنيي عليهاا و اناا مستعد نقتل رااسي بااش نعيشش معاهااا حتى ما بعد الحياة!!!...

بيلادونا بصدمة: 13عام؟؟!! واش كنتي عارفها من ديك الوقت؟؟

آزاد حدر عينيه: ااه و هي ماعارفانيش..مهم هاد الهضرة مابغيتهاش تخرج من هاد المكتب و الى سمعتها فشي بلاصة اخرى فراه نتي الوحيدة الملامة!!