"ဒေါ်ကြီးတို့ ဘာမှ မဖြစ်ဘူးမှတ်လား..."
Brightလည်း ကြိုးတွေဖြေပေးပြီး မေးလိုက်မိ၏။အမေဖြစ်သူကိုတော့ သူ့ကြောင့်ထိခိုက်သွားရတာမို့ စေ့စေ့မကြည့်ရဲ..။
"ထိခိုက်စေမိလို့ တောင်းပန်ပါတယ် အမေ...နောက်ခါ ကာကွယ်ပေးနိုင်အောင် ကြိုးစားပေးပါ့မယ်..."
"နောက်ခါ မဖြစ်စေနဲ့...ဟိုမှာ မင်း သူငယ်ချင်းတွေ စောင့်နေပြီမှတ်လား...လုပ်စရာရှိတာကို သေချာလုပ်ခဲ့..."
အမေဖြစ်သူဆီက နူးနူးညံ့ညံ့နဲ့ ထွက်လာတဲ့ စကားမို့ Bright လည်း မယုံနိုင်ခြင်းများစွာနဲ့ မော့ကြည့်မိ၏။
"အမေ..."
"အင်း...မင်း အားတဲ့နေ့တော့ စကားတွေ သေချာပြောချင်သေးတယ်...မင်းချစ်သူကောင်လေးနဲ့လည်း မိတ်ဆက်ပေးဖို့ မမေ့နဲ့..."
"အာ...အမေ..."
အံ့သြဝမ်းသာလွန်းလို့ ငိုချမိမတတ်ဘဲ...ဒီအခြေအနေဟာ..အိမ်မက်မဟုတ်ဘူး မှတ်လား...ဒေါ်ကြီးကလည်း ပြုံးကာ ခေါင်းငြိမ့်ပြ၏။
"သွား...ငါတို့ကို စိတ်ပူမနေနဲ့ ဒီကောင်တွေ ထပ်မလာရဲဘူး..."
"ကျေး...ကျေးဇူးအများကြီး တင်ပါတယ် အမေ..."
"အင်း...ဂရုစိုက်..."
အမေ့ရဲ့ အပြုံးမျက်နှာကို မြင်လိုက်ရတာဟာ တလောကလုံးကို အောင်နိုင်သွားသလိုဘဲ...ဒီလိုအခြေအနေမျိုးဆိုတာ ဘယ်တုန်းထဲကမှ မမျှော်လင့်ခဲ့တာ...ငယ်သိရင်လည်း သိပ်ကို ဝမ်းသာမှာ...အမေ့ရှေ့မှာတုန်းက မငိုခဲ့တဲ့ Bright ဟာ သူ့သူငယ်ချင်းတွေကို မြင်တဲ့အချိန်မှာတော့ ချုံးပွဲချငိုတော့၏။
"Bright...ဘာဖြစ်လာတာလဲ..."
"အမေ...အမေက ငါ့ကို ဂရုစိုက်တဲ့..."
"ဒါ..ဒါဆို...ဟား...Bright..."
အကြောင်းသိနေတဲ့ သူငယ်ချင်းတွေက ဝမ်းသာပေးကြ၏။
အခြေအနေအားလုံးကို အစအလည်အဆုံး သိနေကြတဲ့သူတွေ မဟုတ်လား... ။Foei လည်းရောက်လာပြီမို့ Top Tap တို့နောက် လိုက်ဖို့ ပြင်ရ၏။Bright ကတော့ ရဲတွေကို စက်ရုံအကြောင်း သတင်းပေးဖို့နဲ့ ဖောက်ခွဲပစ်ဖို့ စီစဥ်စရာတွေ စီစဥ်ရန် ဂိုဏ်းသားအချို့နဲ့ ထွက်သွား၏။Foei တို့ Mike တို့ကတော့ Top Tap တို့ သွားရာနောက်ကို လိုက်ကြရတော့၏။
ESTÁS LEYENDO
Always With You (Completed)
Fanficပထမဦးဆုံး ရိုးသားစွာ ဝန်ခံပါစေ ဒီ Fic ရေးဖို့ကို idea ဘယ်ကရလာလဲ ဆိုတာပါ.. ကိုယ် ပြီးခဲ့တဲ့ရက်တွေတုန်းက Tokyo Revengers ကြည့်ခဲ့တယ်.. အဲ့ထဲမှာ Toman ဂိုဏ်းချုပ် Mikey နဲ့ ဒုဂိုဏ်းချုပ် Draken တို့ရဲ့ relationship လေးကို တကယ် သဘောကျသွားတာ...အဲ့ဒါနဲ့ဘ...
