لا تتلاعب بي 🖤

.......... البارت السادس..........

كثيرا مانراهن ع أشياء ف حياتنا.. يخوننا فيها القدر.. ولكن ي ترى اهي خيانه ف صالحنا ام لا؟؟.. كانت حور لاتزال تنظر إلى أدهم بصدمة كبيره.. زوجته كيف؟.. منذ خمس سنوات؟.. وقطع تفكيرها صوت سليم وهو يقل بغضب للماذون:ماتقولهاش.. فاهم ماتقولهاش.. حور مراتي انا وبس..فاهم ولا لا.. وانتي تعالي هنا..
وكان ع وشك الإمساك بيد حور ولكنه وجد قبضه من حديد تمسك بيده وقد كانت قبضه الصياد.. الذي وقف أمامه باعين تشع غضب واذا كان الغضب اسهما.. لأصبح سليم قتيلا الان.. ظل ينظر اليه وقال له بصوته الاجش:حسك عينك تفكر انك تلمسها ولا حتى تبصلها.. انت تشكر ربنا اني ساكت ع تلزيقك وكلامك معاها طول الخمس سنين دول.. لكن انك تفكر تتجوزها.. لا ي روح امك انا افوقك بقا..
وقام بضربه براسه بقوة بدون اي مقدمات.. وهذا قد أسقط سليم ع الاريكة خلفه واتجه له الجميع وكانت حور ع وشك التوجه اليه أيضا ولكنها وجدت القبضه الحديديه ممسكة بها..وبدون أن يعطيها اي فرصه.. قام باخذها الي الخارج وهي تحاول الافلات منه.. حتى هبطا الي الاسفل ووضعها بالقوة ف السياره وبدأ ف قياده السياره حتى وصلا الي مكان ما.. وحدث ذلك دون أن يتفوه اي منهما ببنت شفاه..وظلا هكذا للحظات حتى قطع أدهم ذلك الصمت قائلا:هتفضلي ساكته كدا كتير؟..
حور بصوت مبحوح من كتمانها البكاء:اقول ايه يعني؟.. وحتى لو قلت.. مااظنش هتفرق..
ادهم بسخريه:لسانك كان مترين الصبح ودلوقتي مش عارفة تقولي ايه..
اغمضت حور عيونها بوجع وقالت بكل غضب:انت عايز مني ايه دلوقتى؟.. عايز تدمر فيا ايه تاني؟.. ماكفكش كل الي انت عملته فيا؟.. وجاي بعد كل دا تقول بكل بجاحة دي مراتي.. مراتك منين ان شاء الله.. وكنت فين طول الخمس سنين دول؟.. ولا غرورك وجعك لما لاقيتني خلاص هعيش حياتي..
أدهم بوجه خالي من التعبير:اممم وايه كمان؟..
زاد بروده هذا غضب حور بشده وقالت بانفعال:انت ايه ي اخي؟.. مصنوع من ايه انت؟.. لا عندك دم ولا قلب ولا احساس.. عايش تدمر ف حياه الناس وخلاص..بس ع فكره انا مش هسكت المرة دي..
ادهم ولازال ع حالته:هتعملي ايه بقا؟..
حور بغضب:هرفع عليك قضيه.. هطلب الطلاق.. وحقي انا مش عايزه ابقى معاك..
أدهم بثقه:وتفتكر انا مش هعرف اخلي القضيه تترفض او حتى تبقى لصالحي؟.. ولا نسيتي انا شغال ايه؟..
اغمضت حور عيونها بغضب وقالت:انت عايز مني ايه دلوقتى..
امسكها أدهم بقوة من يدها وجذبها اليه وهنا تلاقت الأعين وقال بلهجة امر:عايزك تعرفي انك بتاعتي..وقلبك دا ملكي.. والحب الاول الي حس بيه كان ليا.. ودا هيفضل لآخر العمر.. وطلاق مش هيحصل لو ع جثتي..اعتبريها بقا انانيه حقارة.. مش فارق معايا.. لكن انتي مراتي.. قدام القانون وكل الناس مراتي..
حور بدموع ووجع:ومافكرتش ف مشاعر مامتك ومراتك؟؟.. ولا حتى ف شكلي قدام مامتك ومراتك هيبقى ايه؟.. ناس وثقت فيا ودخلوني بيتهم.. هيبقى ردهم عامل ازاي لما يعرفوا اني مراتك؟.. مامتك الي بسببها عرفت يعني ايه حنان الأم لأول مرة ف حياتي.. ومراتك و.. وابنك الي مالهومش ذنب.. ليه ابقي انا سبب كسرتهم؟.. ليه عايز تخليني ظالمه؟.. ليه عايز تحملني كل الذنب دا؟..
أدهم وكأن ذلك الكلام لم يؤثر فيه:والمطلوب؟..
حور بوجع:مافيش قدامي حل تاني غير اني اقبل إني ابقى مراتك.. بس من بعيد.. ع الورق وبس.. واظن يعني انت مش فارق معاك.. ماانت فضلت جوزي من بعيد طول الخمس سنين دول..
ادهم:امممم فكرة مش بطاله برضو..عامة انا كان اهم حاجة عندي انك تعرفي ان ليكي راجل عشان تظبطي نفسك ومعاملاتك بعد كدا..
حور:ليه أن شاء الله؟.. شايفني ماشيه ع حل شعري؟..
أدهم بسخريه:لا العفو.. انا بس بقولك.. واعرفي كويس اوي اني حواليكي.. يعني فجأة هتلاقيني قدامك..
حور:مايفرقش معايا.. ماعنديش حاجة اخاف منها..
ادهم:هنشوف ي مدام..خدي..
واخرج علبه قطيفه سوداء اللون وقام باعطائها اياها.. فقامت حور بفتحها ووجدت هذا..