انتقام الوحش

البارت التالت

الفوت او النجمة بقا ها؟!🙃🙃💞

طبعا بعتذر لان فيه شخصيات ظهرت البارت اللي فات بس نسيت اعرفها ف هقول عليها دلوقتي قبل م نبدأ البارت الجديد:-
سعاد(مامت الياس) :-
عندها ٤٨ سنة بس مش بيبان عليها ست طيبة جدا طولها متوسط و بتحب ولادها اوي(اياد و الياس) و نفسها تجوز الياس ب اي طريقة علشان شايفة انها العمر بيجري بيها و عايزة تتطمن على ابنها الكبير(زيها زي اي ام يعني عايزة تفرح ب ابنها البكري) و متجوزة صلاح عن قصة حب كان نفسها تخلف بنت بس ربنا م ارادش بتحب الهزار شويتين تلاتة كدة مكانتش موافقة ان الياس يدخل شرطة بس تحت اصراره وافقت

صلاح(ابو الياس) :-
٥٥ سنة لواء سابقا (هنعرف سابقا ليه بعدين) بيحب الضحك و الهزار متجوز سعاد عن قصة حب سايب ولاده بحريتهم بس من غير غلط و مربيهم و واثق فيهم (اه لو تعرف اللي فيها) شخص طيب اوي برضه بيحب ولاده اوي عارف امتى يحتويهم و امتى يبقا شديد معاهم و ولاده بيحبوه و بيحترموه جدا

اياد(اخو الياس) :-
عنده ٢٢ سنة امور اوي شبه اخوه شوية طويل و بعضلات شعره بني بس عيونه ملونة لونها اخضر فاتح واخدها من مامته مجنن بنات الجامعة نظرا لشكله و فلوسه ليه في البنات بس مش اوي يعني اخره يكلم بنات في الجامعة برة الجامعة معاكسات و هكذا (مش زي ادم يعني) طوله ١٧٠ و بس كدة

عند ملاك :-
في العربية:-
حسن : وصلنا يا فندم
ملاك نزلت من العربية قدام فيلا كبيرة دخلت من البوابة الحراس اللي واقفين عليها برة ضربولها تعظيم سلام
ملاك : ازيك يا عم فتحي
فتحي : اهلااا ازيك يا بنتي عاملة ايه فينك كدة كل دي غيبة برضك
ملاك : معلش و الله يا عم فتحي كنت مشغولة اوي الفترة اللي فاتت و كنت مسافرة كدة و لسة نازلة بتاع ٣ ساعات كدة و انا ياسيدي الحمدلله كويسة المهم انت عامل ايه راجل و صبوحة عاملة ايه
صباح بفرحة : الله ملاك بنتي و خدتها بالحضن ازيك يا بنتي عاملة ايه بقا كل دي غيبة يا ملاك و الله زعلت منك
ملاك : و انا اقدر برضه ازعل القمر بتاعي معلش و الله كنت
مشغولة شوية الفترة اللي فاتت
صباح : عارفة و الله يا بنتي الله يعينك ويوفقك يارب
ملاك : يارب يا صبوحة يارب ايوة كدة بقا دعواتك معانا محتاجاها
شخص من وراهم بضحك : م تسيبي البت شوية يا صبوحة
ملاك : بغض النظر عن كلمة بت اللي انت قولتها في نص الجملة دي و انا بصراحة تعبانة و مش فاضية لمناقرتك دي ثم قالت بغمزة ثم انك واحشني و الله يا ابو حميد
احمد (الشخص) و هو يذهب لاحتضانها: و انت كمان و الله وحشتيني اوي
ملاك و هي بتطلع من حضنه بضحك : طب اسيبك انا بقا علشان ادخل للحجة اللي قاعدة جوة دي و لو طلعت شافتني هنا هتعلقني على باب الفيلا
احمد بضحك هو الاخر : خلاص اشطا
استوووووب نعرف الثلاثي اللي ظهر دة :-
عم فتحي :-
راجل طيب اوي عنده ٤٧ سنة شغال الجنايني بتاع الفيلا بيحب ملاك اوي زي بنته بالظبط
صباح :-
ست طيبة اوي اوي طيبة بهبل يعني عندها ٤٥ سنة بتحب ملاك زي بنتها و متعودة تقولها يا بنتي من اصل صعايدة هي و عم فتحي
احمد :-
شاب وسيم جدا عنده ٢٩ سنة ليه جاذبية خاصة بشخصيته و بحة صوته الرجولية عيونه لونها اسود طويل و عنده عضلات خفيفة كدة و دقن خفيفة باللون الاسود بيحب ملاك زي اخته الصغيرة بالظبط و بيخاف عليها جدا و بيعتبرها بير اسراره و بيقولها على كل حاجة
و بس كدة يلا نكمل :-
ملاك بعد م دخلت الفيلا :-
ملاك : يا ناس ياللي هنا انا جيت
شخص نازل على السلم : اهلا اهلا اخيرا الهانم شرفت و افتكرت ان ليها اهل تسال عليهم
ملاك بارتباك : احم ليه بس كدة يا همستي انا اقدر برضه
همس بزعل واضح(الشخص اللي كان نازل على السلم) : اه م انت قدرتي اهو و مشوفتكيش اديلي شهر. و نص مختفية كدة
ملاك بطفولة : الله و انا مالي يا لمبي مش جوزك يا ست هو اللي بيزحلقني على طول برة مصر
جوز همس من وراها و ضربها على قفاها : فيه رائد مخابرات محترم قد الدنيا تقول يزحلقني
ملاك : مش انا قلت يبقا فيه ثم استدارت ل همس و قالت : طب ايه مش هتسلمي عليا ولا ايه
همس و هي تفتح زراعيها : طبعا هسلم هو انا اقدر برضه و ملاك اول م شافتها فتحت ذراعها جرت على حضنها و حضنتها جامد اوي و قالت همس : وحشتيني اوي و الله يا ملاكي
ملاك : و انت اكتر و الله يا همستي
جوز همس و هو بيشد همس من حضن ملاك و يقول بغيرة واضحة : طب ايه مش كفاية احضان و بعدين دي همستي انا و بس ملكيش دعوة بيها يا بت انت و يلا روحي العبي بعيد بقا ثم وجه نظره ل همس : طب ايه و انا مليش حضن ولا ايه و انهى كلامه بغمزة
همس و قد احمر وجهها من الخجل و هي تضربه على صدره : م بلاش قلة ادب بقا راعي سنك يا راجل و بعدين ملكش دعوة ب ملاكي و متكلمهاش بالطريقة دي تاني قالت هذا و هي تسحب ملاك لاحضانها ثم قالت ملاك بزعل مزيف : شوفتي يا همستي جوزك عمل فيا ايه و دة كدة بس و قدامك تعالي شوفي من وراكي بيعمل ايه
همس و قد نست جوزها اللي واقف جمبها اصلا : ماله يا قلب همستك عمل فيكي ايه الراجل دة
ملاك : يرضيكي ابقا جاية من سفر اكتر من شهر و اول م ارجع يجيبني على المديرية على طول هل دة يرضيكي
همس بزعل حقيقي : يا حبيبة قلبي اخص عليك بجد ليه تعمل فيها كدة
جوزها باستهزاء : لا و الله طب اسأليها كدة عملت ايه هناك
هو قال كدة و ملاك عملت نفسها من بنها (زينا كدة بالظبط)
همس و هي تنظر ل ملاك : عملتي ايه يا مصيبة
ملاك ببراءة : انا يا همستي تصدقي عليا حاجة زي دي
سراج ببرطمة(جوز همس)(مفاجأة صح) : شوف البت قلبت ملاك حقيقي ازاي و قربت تطير كمان من كتر البراءة ثم تحدث : تعالي ياختي احكيلك عملت ايه الغلبانة البريئة ثم حكى لها ما حصل في المديرية
همس بضحك : يخربيتك دة انت حتة بت
ثم نادى سراج بصوت عالي : فاطمة يا فاطمة
فاطمة : ايوة يا سراج باشا و لم تنتبه لتلك الواقفة
سراج : يلا حضريلنا الغدا بسرعة
فاطمة : حاضر يا فندم
همس : بس كل الاكل بقا اللي ملاك بتحبه ها؟!
فاطمة : هي ملاك هانم ..... ثم توقفت عن الحديث لرؤيتها ل ملاك فذهبت بسرعة لاحتضانها
فاطمة و هي حاضنة ملاك : حمدالله على السلامة يا بنتي كل دي غيبة
ملاك : الله يسلمك يا دادة
سراج : يلا بقا يا فاطمة احنا جعانين و هي قاعدة معانا اهيه
فاطمة : اسفة يا فندم و الله بس هي كانت وحشاني اوي و الله
سراج : عادي ولا يهمك و هي كانت وحشانا كلنا و الله
فاطمة : حالا هروح احضر الغدا للقمر بتاعنا دة
بعد ان ذهبت فاطمة و انسحبت همس ايضا للمطبخ :-
ملاك : انت قصدك ايه ب اني قاعدة معاكم
سراج : ايوة اومال هتروحي فين
ملاك : محتاج اروح اسكندرية ضروري اوي لانه واحشني جدا اديلي بتاع شهرين غايبة عنه و حتى مش عارفة اكلمه
سراج : اللي يريحك ثم اردف ب اسلوب غير قابل للنقاش : بقولك ايه تعالي المكتب علشان عايز اتكلم معاكي
ملاك : حاضر هروح اجيب الميكس بتاعي الاول و بعد كدة هاجي على طول
سراج : ماشي هسبقك
ملاك رنت على حسن :-
ملاك : بقولك يا حسن ادي الحاجات ل علي و خلي يدي الاكياس اللي انا قلتلك عليها ل عم فتحي و يدخل الباقي
حسن : حاضر يا فندم
اغلقت الفون مع حسن ثم وجدت خادمة تسير امامها ف اردفت : صفاء هاتيلي و النبي بسرعة الميكس بتاعي من التلاجة
صفاء : حاضر يا هانم
بعد مرور دقائق كانت صفاء اتية بمشروب ملاك المفضل
ملاك : شكرا و ذهبت مسرعة الى مكتب سراج الذي كان ينتظرها:-
سراج : تعالي يا ملاك اقعدي
ملاك : نعم يا فندم
سراج : ملاك الفريق هيساعدك في المهمة
ملاك و قد عادت الى برودها المعتاد : و احنا كان في بينا تحدي و انا اللي فزت
سراج : ملاك انا ممكن على فكرة امنعك من المهمة دي
ملاك بلامبالاة : عادي
سراج بخبث : بس انت متعرفيش مين المطلوب المرة دي
ملاك : هتفرق
سراج : طبعا
ملاك و قد انهت مشروبها : مين.
سراج : اسامة الحديدي
ملاك بصرمة و غضب لتقف مسرعة : انت قلت مين
سراج : اسامة الحديدي يا ملاك و ممكن جدا ابعدك عن المهمة دي
ملاك : ازاي يعني انا مستحيل اوافق ب حاجة زي دي انت عارف اني مستنية اللحظة دي من زمان اوي علشان اخيرا هحقق انتقامي
سراج : و انا موافق انك تطلعي المهمة دي بس بالشرط اللي انا قلتلك عليه
ملاك : انت بتمسكني يعني من ايدي اللي بتوجعني
سراج : و الله احسبيها زي م تحسبيها
ملاك ببعض الغضب و زعل حقيقي : تمام ماشي يا سراج باشا عن اذنك
سراج و قد رق قلبه : ملاك
ملاك : نعم
تقدم منها سراج حتى وصل امامها و امسك كتفيها بخفة. و قال: انت عارفة اني خايف عليكي صح
ملاك : لا رد
سراج : ملاك صح ولا غلط
ملاك : صح
سراج : و انت عارفة اني عامل ل مصلحتك برضه صح ولا لاء
ملاك بتنهيدة : صح و عارفة كل دة و الله بس
سراج : من غير بس يا ملاك
ملاك : حاضر
سراج : يعني خلاص مش زعلانة تاني
ملاك : اه خلاص و الله معلش بقا لازم امشي علشان الحق اسافر
سراج : طب و الغدا
ملاك : بالهنا ليك انت و همس
سراج و هو يعرف انها لا تريد اظهار ضعفها امامه ولا يريد ان يضغط عليها ايضا : خلاص يا حبيبتي اللي يريحك
ملاك : عن اذنك
و خرجت من المكتب بوجه باهت لتقابلها همس :-
همس : يلا يا حبيبتي كنت لسة هدخلكم علشان اناديكم للغدا
ملاك بابتسامة باهتة : معلش بقا تتعوض مرة تانية عن اذنك
و مشت لسة همس هتروح وراها علشان تلحقها مسكها سراج من ايديها و هز راسه برفض و هو حزين لتعلم ما في الامر و تتركها تذهب لتركب ملاك السيارة الذي عندما رآها حسن تخرج ذهب ورائها فورا في العربية :-
حسن : على فين يا فندم
ملاك : على اسكندرية
ليشغل حسن العربية و ينطلق في طريقه الى الإسكندرية و قد اسندت ملاك راسها ف تنزل دموع عينيها دون ان تلاحظها و غطت في نوم لتحلم ما تحلم به دائما
على الطريق حسن حس بحاجة مش عادية و لاحظ ان فيه عربيتين ماشيين وراهم من ساعة م طلعوا من. الفيلا و فجأة سمعوا صوت ضرب نار و ملاك قامت مفزوعة
ملاك : في ايه يا حسن
حسن زود السرعة و قال : في عربيتين يا فندم ماشيين ورانا و بيضربوا نار
ملاك طلعت المسدس من العربية و طلعت من الشباك و قبل م تطلع قالت : حسن على اعلى سرعة
و طلعت من الشباب و ظلوا يتبادلون النيران و حسن يحاول انا يتفاداهم و ملاك تحاول ان تتخلص منهم ف تخلصت من عربية واحدة بس و لسة هتتخلص من التانية واحد من اللي بيضربوا نار عليها في رصاصة جابها في دراعها و قدر انه يفرقع كوتش العربية و العربية فضلت تتشقلب بيهم لحاد م استقرت على ضهرها ثم اتى بعض الرجال الذين كانوا يطلقون عليها النيران و دقائق معدودة و كانت العربية قد انفجرت و اصبحت مفحمة ولا يوجد بها شيء سليم. ف اسرعوا بالعودة و ذهبوا