انتقام الوحش

البارت ال١٦

متنسوش تصلوا على النبي و الفوت او النجمة 🌟 و فولو يا عسل ياللي مش متابعني بس متابع الرواية حافظاكم على فكرة و عارفاكم واحد واحد 🙂👌

طبعا كنت مواعداكم ب كل يوم بارت بس أنا امبارح حرفيا كنت بموت و كنت تعبانة جدااا دة غير النفسية اللي زي الزفت و مش في المود خالص بجد اني اكتب او اعمل اي حاجة خااالص ف اعذروني بجد 🥺❣️

في فيلا الياس تاني يوم الصبح :-

الياس و هو ينهض بانزعاج : هو في ايه
سعاد اللي لسة داخلة الاوضة : صباح الفل يا حبيبي صحيت امتى
الياس : هو ايه يا ماما الصوت العالي دة
سعاد : اه يا حبيبي بنضف
الياس : بس النهتردة مش الجمعة احنا لسة في نص الاسبوع
سعاد بتوتر حاولت تخفيه : اه م احنا جايلنا ضيوف بكرة
الياس : ضيوف !! ضيوف مين
سعاد و هي بتحاول تهرب منه : هتعرف بكرة يا حبيبي لما ييجوا يلا سيبني انزل بقا علشان اساعدهم
الياس : استني يا ماما متهربيش مين اللي جايلنا بكرة
سعاد بتهتهة : اا اا احم احم دي ... ثم اكملت بصوت خافت : خالتك و بنتها
الياس بصدمة و هو يقف : نععاااام انت مش كنت قلتي ان هما هيرجعوا بعد شهر كدة ولا شهرين
سعاد : مش عارفة انا لقيتها بترن عليا امبارح و قالتلي احنا جايين بعد بكرة
الياس و هو يزفر انفاسه بضيق : ماشي يا ماما ماشي
سعاد : طب يا حبيبي هنزل انا بقا ... و هوب طارت من قدامه تتفادى غضبه ف احذر يا عزيزي من غضب الالياس برغم هدوئه و ضحكه (لا تخافوا ولكن احذروا سوري اندمجت🙂😂😂👌✨)
الياس و هو يحدث نفسه و يزفر انفاسه بغضب : ياربي يعني انا كنت ناقص اعمل ايه دلوقتي بس ياربي

   😌😌😌😌😌😌😌😌😌😌😌😌😌😌

في اوضة ملاك :-

قامت من النوم على الصوت و طبعت انزعجت حاولت تكمل نومها بس معرفتش قامت تاخد شاور و لبست بيجامة بيتي و وقفت قدام المراية تسرح شعرها الطويل ... سمعت صوت الباب بيخبط

ملاك : اتفضل
الياس بضحك و هو يدخل راسه فقط من الباب : ينفع ادخل يعني
ملاك بهدوء : اتفضل يا الياس في حاجة
الياس وقف بصدمة : بسم الله ماشاء الله شعرك حلو اوي اول مرة اخد بالي
ملاك : شكرا بس كنت عايز حاجة
الياس بتوتر و هو يجلس : هو انا لو طلبت منك طلب هتوافقي تعمليهولي
ملاك : ادخل في الموضوع على طول
الياس بسرعة : ممكن تبقي خطيبتي
ملاك بهدوء : نعم مفهمتش برضه
الياس : اقصد يعني ممكن تمثلي بس على الاقل انك خطيبتي و حبيبتي
ملاك بسخرية و ابتسامة جانبية : و دة طبعا علشان السنيورة جاية بعد بكرة مش كدة
الياس بدون وعي : ايوة هو كدة .. ثم هتف بصدمة : لحظة بس انت عرفتي منين ان فيه سنيورة جاية
ملاك : شكلك لسة متعرفش قدراتي
الياس بضحك : ولا يهمك يا معلمة مسيري اعرف
ملاك ببرود : مش موافقة
الياس بصدمة : ليه كدة بس طيب
ملاك : هو كدة من غير ليه انا مقدرش اعمل حاجة زي دي
الياس : ليه بس متقدريش
ملاك و قد انتهت من تسريح شعرها و لفتله : الياس قلتلك فعلا مش هقدر ولا هقدر حتى اني اطفشها لو الفكرة دي جات في دماغك
الياس : طب معلش بصي يعني اعتبريني واحد صاحبك او زميلك زميلك و محتاج مساعدتك و بعدين احنا خلاص بقينا فريق واحد مش كدة ولا ايه
ملاك : لاء مش كدة و بعدين دة مجرد تعاون م بينا علشان في مهمة و بعد كدة كل واحد هيروح لحاله و هيرجع يشتغل لوحده زي الاول
الياس : هو انت مش ناوية تكملي معانا في الفريق
ملاك : لاء بحب اشتغل لوحدي
الياس : طب ارجوكي دة اول طلب اطلبه منك و بعدين انت متعرفيش نرمين لازقة ازاي بجد بتقعد تلزق فيا و انا مش بحب كدة
ملاك : خلاص اطلب من اي واحدة تانية غيري البنات كتير .. ثم اكملت بسخرية : و اهي على الاقل هتكون بتعرف تلبس لبس بنات و تتمنظر بيها قدامها
الياس : عارف ان فيه بنات كتير و في اللي بيتمنى نظرة مني حتى و هلاقي بنات كتير اوي لو اديتلها اي قرشين هتوافق و هتعمل اللي انا عايزه بس انا مش عايز كدة ها ممكن بقا
ملاك : هفكر في الموضوع دة
الياس بفرحة : و الله انك عسل و عارف ان قلبك ابيض و هتوافقي يلا باااي صح و متنسيش تنزلي علشان نفطر
ملاك بضحك بعد م طلع : كل الفرحة دي علشان قلتله هفكر اومال لو قلتله موافقة كان هيعمل ايه .....