انتقام الوحش

البارت ال١٣

بارتين ورا بعض اهو مدلعاكم خالص اهو اي خدمة 🙃🙃😉😉💘💜

عند الياس و سامر :-

الياس : قصدك ايه انا مش فاهم
سامر بجدية : بص يا الياس فيه حاجات كتير اوي انت عايز تعرفها بس هي لسة مش وقتها و عايز تعرف حاجات كتير اوي و فيه حاجات مينفعش اصلا تتعرف
الياس : انا بس مجرد فضول
سامر بسخرية : عليا انا الكلام دة ماشي يا سيدي هنمشيها فعلا فضول مع اني انا و انت عارفين و متأكدين انه مش مجرد فضول و خلاص لاء الموضوع اكبر من كدة بس نصيحة مني اصرف نظر
الياس : على فكرة انت بتقول كلام في الهوا و خلاص
سامر : اه م انا عارف ..... وصلوا الفيلا و نزلوا و دخلوا و قعدوا شوية بعدها قاموا يقعدوا على السفرة علشان يتعشوا و قبل م يخلصوا اكل ب شوية ملاك دخلت عليهم
ملاك بهدوء : السلام عليكم
الكل : و عليكم السلام و رحمة الله و بركاته.... فارس اول م شافها جري عليها و حضنها و شالته
سعاد : تعالي يا حبيبتي كلي تلاقيكي مكلتيش
ملاك : شكرا يا طنط انا جيت بس اتطمن على فارس و اسلم عليه و امشي على طول
سعاد : تمشي !! تمشي تروحي فين انت هتفضلي قاعدة هنا
اياد : هتروح فين بس يا قمر خليك معانا يا جميل دة احنا هنريحوك
صلاح : بس يا زفت
اياد : احم انا اسف احاج
صلاح بجدية ل ملاك : انت مش هتمشي من هنا على الاقل دلوقتي و بعدين بقا نبقا نشوف الحوار دة
ملاك : بس
صلاح بجدية لا تسمح للنقاش : من غير بس انا قلت اللي عندي و كلامي يتنفذ
ملاك باستسلام : حاضر
اياد : هو انت مش ناوية تنزلي فارس ولا ايه هو مش تقيل عليكي
ملاك بسخرية : انا بشيل كل يوم قد فارس خمس ست مرات
فارس : مامي مامي اتفقت مع الياس انه هيوديني دريم بارك بكرة ممكن تيجي معايا
ملاك : لاء يا حبيبي معلش مش هقدر
فارس بحزن : بليز يا مامي عايزك تبقي معايا بكرة نفسي اخرج معاكي من زمان لان كان اديلي فترة طويلة مشوفتكيش و مقعدتش معاكي كتير .. ثم تابع و قد اغرورقت عينيه بدموع : حتى لما جيتي مش عارف اقعد معاكي على طول مشغولة و برة
ملاك و قد احست بالذنب : خلاص حاضر يا حبيبي و انا اسفة و الاه مش قصدي اني مقعدش معاك حقك عليا و ليك عليا يا سيدي هقعد معاك الاسبوع دة ايه رايك مرضي كدة ياباشا
فارس : مرضي يا اسد باشا
ملاك بضحك و هي بتزغزغه : اه منك انت يا بكاش .. و صوت ضحكهم ملا القصر
الحارس بمقاطعة : احم احم صلاح باشا احنا لقينا البوكس دة في الجنينة بتاعت القصر و شكل كدة حد باعته
صلاح باستغراب : حد مين دة اللي بعته
الحارس : احنا مش عارفين اي حاجة و الله يا باشا كل اللي اعرفه قلته ل حضرتك
صلاح : وريني كدة ... الحارس اداله البوكس و طلع برة تاني
صلاح فضل يبص عليه كدة من برة شوية معرفش برضه اي حاجة
اياد : بس يبقا مبعوت ل مين دة يا بابا
صلاح بحيرة : مش عارف
الياس بهدوء : ثواني كدة بعد اذنك يا بابا ...... الياس اخد البوكس و فضل يتفحصه عدل لحاد م لقا مكتوب عليه بخط صغير : الى الاسد
الياس : اسد البوكس دة ليكي
ملاك باستغراب و هي تعقد حاجبها و تنزل فارس و بتاخد البوكي من الياس : ليا انا
اياد : ايوة يا عم و عاملالنا فيها مش مرتبطة ولا بتحبي و بتاع اخ منك انت اخخخ
ملاك : بس يلا .... و بدات تفتح البوكس لقت فيه اسطوانة
ملاك باستغراب اكتر : لقيت دة عايزة حاجة اشغله فيه
الياس : استني اجبلك اللاب توب بتاعي
اياد بغمزة : طب م تخليه تفتحه لوحدها و ناخد فارس معانا بدل م يتفرج على حاجات الكبار دي
ملاك بنرفزة : حد يسكت الزفت دة او يغور من قدامي
الياس جاب اللاب بتاعه و اداهولها و شغلته و الكل كان قاعد جمبها بيتفرج
(الفيديو كان عبارة عن شوية صور لراجل و ست كبيرة و معاهم شاب كدة و واخد واحدة شابة كدة صغيرة برضه شبه في حضنه و ملاك معاهم في الصورة دي و الضحكة مالية وشوشهم كلهم) ملاك كانت حابسة دموعها بالعافية و سامر كان بيبصلها بحزن
فارس : مامي هما مين دول اللي انت معاهم في الصور
الفيديو خلص و ملاك سابتهم بهدوء و طلعت الاوضة فوق و اول م دخلت فضلت تعيط و تفتكر اهلها و اخوها
فارس بحزن على ملاك : خالو هي مامي مالها
سامر بحزن لكن يحاول يخفيه : متقلقش يا حبيبي ماما كويسة
فارس سابه و طلع وراها للاوضة
الياس : دول اهلها صح
سامر و هو بيبص في الارض : اه
اياد بحزن : و هما طبعا متوفيين و الفيديو دة فكرها بيهم
سامر بشرود : محدش عارف حاجة
عند ملاك في الاوضة :-
ملاك كانت نايمة على السرير و دافنة وشها في المخدة و بتعيط .. و فارس طلع فتح الباب و قفله تاني وراه و دخل قعد جمبها
فارس بحزن : مامي .. مامي
ملاك بعياط : فارس سيبني بعد اذنك
فارس و هو بيحضنها : لاء مش هسيبك .... ملاك قامت و قعدت قدامه على السرير و دموعها لسة بتنزل غصب عنها .. راحت ماسكة وشه بين ايديها و قالت بين دموعها : انت عارف انت طلعت نسخة منه في كل حاجة حتى كمان الشكل فيك كتير اوي منه
فارس و هو بيمسك ايدها و بيبوسها : قصدك على بابي صح
ملاك : اه .. و سابته و قامت تجيب البوم كله صور ليها و ل عيلتها
فارس : طبعا دول باباكي و مامتك .. قال كدة و هو بيشاور عليهم في الصورة
ملاك : بالظبط كدة
فارس : اومال مين الراجل التاني دة يا ماما
ملاك : دة باباك يا فارس
فارس بصدمة : بجد .. و اكمل باستغراب : بس مين اللي حاضنها دي
ملاك و هي بتاخد نفس عميق : دي مامتك يا فارس
فارس فضل يضحك لحاد م عينه دمعت : مش قادر خلاص مش قادر بس حقيقي مكنتش اعرف ان دمك خفيف اوي كدة يا ملاكي دلوقتي بس اتأكدت ان عندك انفصام في الشخصية من شوية كنت بتعيطي و دلوقتي بتهزري
ملاك بهدوء : فارس انا مش بهزر
فارس توقف عن الضحك : خلاص بقا يا موكة يلا بقى قوليلي مين القمر دي اللي في حضن ابويا
ملاك : فارس انا بتكلم بجد دي مامتك الحقيقية اللي ولدتك
فارس : اومال انت تبقي مين خالتي
ملاك بهدوء و جدية : لاء عمتك

--------------------------------------

بنت صغيرة : مامي هو احنا هنطلع من هنا امتى
الام بحزن : مش عارفة يا حبيبتي
الاب بمرح ليزيل جو الحزن دة : انا بقا عارف
البنت : بجد يا بابي طب امتى
الاب بتفكير : امممم مش عارف بالظبط امتى بس ممكن شهر او شهرين كمان
البنت : بس كدة كتير اوي يا بابي
الاب : لا كتير ولا حاجة قارني المدة اللي قلتلك عليها بالمدة اللي انت قضيتيها هنا
البنت بتفكير : تصدق معاك حق انا قعدت هنا ٥ سنين مش هيجرا حاجة لما اقعد كمان شهرين او حتى تلاتة بس صحيح يا بابي انت عرفت ازاي
الاب بمرح : العصفورة قالتلي
البنت : بس تعرف يا بابي انت و مامي ايه اكتر حاجة مفرحاني
الام بحنان : ايه يا قلب مامي
البنت : اني اخيرا هشوف اخويا اللي انتوا فضلتوا تحكولي عنه .. ثم اكملت بضحك : و انتوا اصلا متعرفوش عنه حاجة
الاب : اممم ايه كمان يا لماضة هانم
البنت : الله يسامحك يا بابي

💗💗💗💗💗💗💗💗💗💗

استووووووووب كفاية كدة عليكم🙃😉💜