انتقام الوحش

البارت التامن

طبعا احنا في ايام مفترجة الايام دي ف عايزاكم تتدعولي معاكم 🥺♥️💘💓و كل سنة و انتوا طيبين يارب و يكون عيد اضحى سعيد عليكم 😘✨🙈💞🫂 و متنساش الفوت قبل م تبدا البارت يا رايق علشان متنساش 🙃🙃💓💘⭐

عند ادم :-
بعد م قفل السكة مع الياس اتصل على الفريق و صحاهم و بلغهم انهم يتجمعوا عند الياس بعدها قام خاد شاور و لبس و اتشيك و نزل و هو في الطريق بيسوق فونه رن برقم غريب ف رد عادي :-
الشخص اللي رن عليه : الو التعلب معايا
ادم باستغراب و هو بيوقف العربية : ايوة مين معايا
الشخص : مش مهم مين اللي معاك المهم ان في حاجة مهمة اوي لازم تعرفها
ادم : في ايه و انت مين اصلا
الشخص : م انا قلتلك مش مهم انا مين المهم اللي عايز اقولهولك هو ان اسامة الحديدي عارف كل تحركاتكم مش دي برضه المهمة اللي انتوا ماسكينها المهم انه عارف كل حاجة و دة بسبب شخص معاكم و انهى كلامه بضحكة شريرة و قفل السكة على طول
ادم : الو الو مين معايا الو لكن لا حياة لمن تنادي ادم في صدمة لحاد م فاق ل نفسه و شغل العربية تاني باسرع حاجة علشان يلحق يروح الفيلا عند الكينج 

في فيلا الكينج :-

صلاح في مكتبه بيشتغل و اياد طلع مع اصحابه و ملاك و فارس و سامر و الياس و سعاد قاعدين في غرفة المعيشة و كل واحد على فونه بعدها بشوية سمعوا جرس الباب الشغالة فتحتله و قالتله انهم قاعدين في غرفة المعيشة:-
عمر : السلام عليكم
الكل : و عليكم السلام ورحمه الله وبركاته
سعاد : عمورة حبيبي بقا كدة تقعد كل دة و متسالش عليا
عمر : معلش و الله يا ماما بس انت عارفة بقا ضغط الشغل
سعاد : عارفة يا حبيبي ثم اكملت بضحك : و عارفة ابني مفتري و بيقعدكوا لوقت متاخر
الياس بضحك : يعني الواحد يبقا قاعد و شتيمته تجيله لحاد عنده
سعاد بتجاهل : اقعد بقا كدة لحاد م احضرلك الفطار
عمر : لا يا حبيبتي متتعبيش نفسك انا مش جعان انا فطرت الحمدلله
سعاد : و هي العقربة دي يعني هتسيبك تفطر كدة من غير م تسم بدنك دة اذا سابتك تفطر يعني
عمر بحنية : لاء و الله فعلا فطرت ثم اكمل بضحك : اصل العقربة مكانتش موجودة النهاردة ف فطرت انا و بابا و زوما
ادم بضحك بتدخل : خيااانة سوسو و عمر و فين في اوضة المعيشة بقا كدة يا سوسو تعزمي عليه و متعزميش عليا انا بقا مش هعمل زي الواد دة و اكسفك
سعاد بضحك : من عنيا يا حبيبي هدخل احضرلك الفطار ثم تركتهم و دخلت المطبخ علشان تحضرله الاكل (ملحوظة بس يا جماعة : هو اه فيه شغالين في الفيلا بس هي بتحب تعمل كل حاجة بنفسها و هما بس زي مساعدين كدة او لو تعبانة مثلا ف يكونوا هما موجودين اشطا ✌🏻✨)
الياس بضحك : يا ابني انت مبتشبعش داخل كدة على الاكل على طول طب سلم طيب
ادم : و الله ياسطا مفطرتش و نازل على لحم بطني و طالما جعان مش هعرف اشتغل
فارس بتدخل : همك على بطنك يعني
عمر بضحك : بالظبط كدة ثم وجه كلامه ل ادم : شوفت اهو العيل جاب ابو اخر
فارس : متقولش عيل و خلي بالك على كلامك بعد كدة و متنساش اللي انت بتقول عليه عيل دة هو اللي قالكم على المخرج اللي في المكتب
الياس : م طبيعي انك تقول عليه لانك كنت ساكن في الفيلا دي
فارس : لاء ماما مكانتش قايلة عليه لحاد حتى انا و محدش كان يعرفه غيرها
ادم : خلاص يا سيدي متزعلش نفسك مكانتش كلمة قالوها و فكك بقا منهم قولي انت بقا عندك كام سنة
فارس : عندي ٦ سنين
الياس : الا صحيح يا فارس هو انت اسمك فارس ايه ؟!
فارس : اسمي فارس هلال عبدالله الشامي
و فجاة لقوا الباب بيخبط و صقر دخل بغضب خفيف :-
الياس بضحك : مالك يا معلم
صقر : قمر يا عم
الياس بضحك : احكي احكي مفيش حد غريب
Flash back :-
صقر بعد م خلص فطار : يلا عايزة حاجة يا ماما
صفاء : لاء يا حبيبي عايزة سلامتك
قمر : استنى هنا انت رايح فين
صقر و هو بيرفع حاجب : هو ايه اللي رايح فين اكيد رايح الشغل يعني
قمر : ايوة اللي هو فين يعني
صقر : رايح عند الياس يا قمر في حاجة
قمر : بعني مش رايح الشغل ولا حاجة ولا هو الشغل اتنقل و بقا في بيت الياس
صقر : لاء يا ام لسان بس واحدة من الفريق اللي كانت عاملة حادثة امبارح ف احنا قررنا اننا نتجمع علشان نشوف هنعمل ايه
قمر : طب تمام روح بس بشرط
صقر بنفاذ صبر : قولي يا اخرة صبري شرط ايه
قمر : تاخدني معاك
صقر بعدم استيعاب : اخدك فين
قمر : معاك عند الياس علشان اشوف طنط سعاد و الياس كمان علشان واحشني
صقر : اه و ماله يا حبيبتي بس مش النهاردة بقا و سابها و لسة هيمشي قامت جرت و نطت على ضهره
قمر و هي على ضهره : هتاخدني معاك يعني هتاخدني معاك
صقر : يلا يا ماما انزلي مفيش مجي
صفاء : يلا بقا يا قمر سيبي اخوكي يمشي بقا و يروح شغله
قمر : للاء مش هسيبه برضه
صقر : خلاص بقا تعالي معايا و مش هوديكوا بقا دريم بارك زي م كنت متفق مع رعد
قمر : احلف كدة انك كنت ناوي تودينا دريم بارك
صقر : اه حتى اسالي رعد كنت متفق معاه مش كدة يا رعد و غمزله
رعد و قد فهم : اه فعلا صقر كان متفق معايا بس بما انك مش عايزة تسيبيه يروح ف مش هيودينا بقا
و قبل م يخلص كلامه قمر كانت على الارض و بتقول ل صقر و هي ماسكة ايده و بتوصله للباب : تروح و ترجع بالف سلامة يا ابو الصقور قصدي يا سيادة الرائد صقر باشا
صقر بضحك : دلوقتي بقيت صقر باشا ماشي يا لمضة سلاام
End Flash back
الياس و هو عمال يضحك : جامد مش قادر طب و مجبتهاش معاك ليه بس يا ابو الصقور
صقر : دي حتة بت دة لولا اني قلتلها كدة هي مكانتش هتسبني انزل فعلا ثم اكمل بحسرة : و اديني اتدبست في خروجة ل دريم بارك و انا اصلا مش فاضي
فارس : لاء متقلقش كدة كدة الكينج هيوديني دريم بارك برضه ف تقدر تجبهم معاك بس قولي الاول هما يقربولك ايه
صقر : اخواتي
فارس : و عندهم كام سنة
صقر : ٦ سنين
فارس : طب كويس انا كمان عندي ٦ سنين و متأكد اننا هنبقا اصحاب
صقر : ان شاء الله بس ثواني هو الكينج هيوديك دريم بارك ليه
فارس و هو يبتسم بخبث و ينظر ل الياس : مفيش هو شافني زهقان ف قالي خلاص هوديك دريم بارك
ادم : مع اني اشك في حاجة زي دي بس اشطا
ليتذكر صقر الحادثة و يبص ل ملاك و لسة هيتكلم قاطعته ملاك و هي بتقول : متقلقش كل حاجة متظبطة هنفضل في المهمة عادي و نعمل كل حاجة و انا كدة كدة هفك دراعي بعد اسبوع و نص ولا اسبوعين كدة ولا حاجة
ادم بصدمة : انت عرفتي ازاي انه هيقول كدة
ملاك بسخرية : مخدتش اللقب من فراغ برضه ولا ايه يا تعلب لسة هيتكلم طنط سعاد جاتلهم علشان تبلغهم بالفطار و راحوا على السفرة علشان ياكلوا كل دة و فارس لسة معاهم :-
عمر اول م شم ريحة الاكل قعد و قال : لو مكنتيش تحلفي عليا بس يا سوسو
صقر : اه و الله فعلا معاك حق
ملاك بسخرية و هي بتكلم الياس : ايه مش هتنضم للحزب ولا ايه
الياس بضحك : بغض النظر عن الطفاسة بتاعتهم بس اكل امي ميتفوتش
ادم و بوقه مليان اكل : اه في خبر مهم اوي لازم ابلغكم بيه
ملاك بقرف : طب خلص اللي في بوقك الاول و بعد كدة اتكلم
ادم و بلع الاكل : اهو حلو كدة يا ستي ثم اكمل بجدية الحوار كله و انا .....
ملاك بمقاطعة: احم احم مش وقته قالت كدة و هي بتبص على فارس
صقر : صح معاكي حق مش وقته نخلص الاكل الاول
ملاك : همكوا على بطنكوا كدة دايما
بعد م خلصوا اكل و قاعدين في غرفة المعيشة :-
ملاك : فارس حبيبي يلا اطلع العب في اوضتك
فارس بلماضة : م تقولي انك عايزة توزعيني علشان تتكلموا على طول ايه لازمتها اللف و الدوران دة
و سابهم و مشي علشان يطلع اوضته
ملاك بصدمة : اوزعك و لف و دوران
سامر بضحك : تربيتك
ملاك : تربية قذرة يلا مش موضوعنا في ايه يا ادم
ادم : و انا جاي على هنا (و حكالهم اللي حصل و الشخص اللي رن عليه)
عمر : طب و هما ايه مصلحتهم انهم يعرفونا انهم يعرفوا كل تحركاتنا
صقر : واضحة زي الشمس علشان نشك في كل اللي حوالينا
الياس: او بالمعنى الاصح علشان نشك في بعض و يوقعونا في بعض ف بالتالي هنتخانق و مش هنشتغل مع بعض و يخلالهم الجو
ملاك : بالظبط كدة و في نفس الوقت ممكن يكون كلامهم صح و احنا كمان كلامنا صح
ادم : مش فاهم
ملاك : هفهمك يعني هما واثقين ان دة التحليل اللي هنوصله لانهم اكيد عارفين احنا مين و نقدر نعمل ايه كويس اوي ف بالتالي قالولنا كدة علشان بدل م نكون مشغولين بيهم هما و بس لاء يكون عنينا في وسط راسنا من الاخر كدة بيضغطوا علينا علشان يوترونا و نرتكب اي غلط مهما كان صغير و يقدروا يغلبونا بيها 
الياس : صح معاكي حق فعلا
سامر : طب يا ترى ممكن يكون مين الشخص دة
عمر : صح اصل مفيش حد مشترك معانا في المهمة دي
ملاك : اولا احنا مينفعش نشك في بعض و لو بنسبة 1% ثانيا بقا الكلام مينفعش هنا كدة ممكن اي حد يسمعنا يعني لازم يكون لينا مكان مخصص بعيد عن كل الناس و احنا بس اللي نكون عارفينه علشان وارد جدا اي حد يكون شغال لصالحهم
الياس : بالظبط و غالبا ما هيكونوا ناس احنا مش هنشك فيهم و فعلا لازم نلاقي مكان امن نتكلم فيه
عمر : عندي في البيت مينفعش نهائي بكل الجوانب و معرفش اماكن
صقر : ولا ينفع عندي لان بالقرود اللي في البيت مش هنعرف نشتغل اصلا
ادم : طب ايه رايكم عندي انا قاعد لوحدي
الياس : فكرة حلوة
ملاك : لاء طبعا مش حلوة انت ناسي اخوك صباح الفل
ادم : ياستي متشغليش بالك ب اخويا هنبقا نزحلقه
ملاك : لاء طبعا مينفعش انت ناسي ان المفروض محدش يعرف اصلا اننا في مهمة خطيرة و الا اللي هيعرفوا يبقا حياتهم في خطر
الياس : اومال هنروح فين بس
و تبدا النظرات بين ملاك و سامر بالأسئلة لحاد م يستقروا :-
سامر : انا اعرف مكان كويس جدا بعيد عن كل الناس و محدش يعرفه اصلا لانه مكانا السري
ادم : لحظة مكانكم مكان مين
سامر : انا و اسد
ملاك باستسلام : فعلا دة انسب مكان نشتغل فيه
سامر : و هناك هنقدر نعمل كل حاجة فيه من حيث الخطط و الاسلحة اللي احنا عايزينها و حتى التدريبات يعني من الاخر هنستقر هناك لحاد م المهمة دي تخلص
الياس : حلو و انا هقولهم اني طالع معسكر 
عمر و صقر : و انا كمان
سامر : اشطا كدة اتفقنا
ملاك : استنوا احنا مش هنروح المكان دة غير لما افك دراعي علشان محدش يشك فينا دة غير كمان تليفوناتكم اللي هتتقفل و تتساب لاني متأكدة مليون في المية ان اسامة الحديدي حاطط عينه علينا و مركز معانا جدا ف احنا هنتصرف عادي جدا و نفهمهم فعلا و نخليهم يقتنعوا ب اننا طالعين معسكر مش اكتر بما ان كدة كدة اللعب لسة هيبدا كمان شهر
ادم : صح ف احنا طالعين معسكر مع تدريبات مكثفة علشان نقدر عليه
صقر : بالظبط كدة

عند ياسمين و يارا في الجامعة:-
بعد م دخلوا المحاضرة و الدكتور كان لسة مجاش :-
ياسمين : مالك يا بنتي بتدوري على ايه
يارا : يا بت سمعت ان المزز معانا احنا في القسم
ياسمين بلامبالاة: طيب ياختي
يارا فجأة: اهم يا بت اهم هناك اهو و شاورتلها عليهم يلا تعالي
ياسمين و هي بتمسك ايدها : يلا فين
يارا : هنتفسح هيكون فين يعني هنروح نقعد جمبهم و نتعرف عليهم بعني اكيد
و فعلا راحوا قعدوا جمب الاتنين كان واحد و اخوه توأم بس مش شبه بعض اوي
يارا بابتسامة : هاي
حمادة (احد التوأم) : هاي يا بنات
يارا : انا يارا و دي ياسمين البيست فريند
حمادة: انا حمادة و دة اخويا التوأم احمد
يارا : هاي تشرفنا هتمانعوا لو قعدنا هنا ولا حاجة
حمادة : لاء ازاي بس دة انتوا تنوروا
و بعدها الدكتور دخل و شرح محاضرته بعد م خلصوا محاضرتهم :-
احمد : يلعوي مش قادر ايه الدكتور الرغاي دة
ياسمين: فعلا رغاي اوي
حمادة : وراكوا حاجة النهاردة
يارا : لاء خالص ليه في حاجة
حمادة : حلو ولا احنا لو كدة ايه رايكم نتغدا سوا برة النهاردة و اهو نتعرف على بعض اكتر ولا فيه مانع
يارا : و الله فكرة حلوة اوي معندناش مانع طبعا بص دة رقمي و تبادلوا ارقام بعض
حمادة : حلو كدة نتقابل الساعة ٥ كدة في ***** و نروح المطعم سوا
يارا : اوكي يلا باي باي
حمادة : بااي

عند الفريق :-

و هما بيتفقوا اللواء رن على سامر علشان عايزهم يتجمعوا في المديرية لان فيه خبر مهم اوي محتاج يقولهم عليه
سامر بعد م قفل مع اللواء : اللواء سراج عايزنا نتجمع في المديرية علشان في خبر مهم لازم يبلغنا بيه
الباقي : خلاص اشطا يلا بينا
ملاك : اسبقوني انتوا علشان عايزة ادخل الحمام الاول و بعدين احصلكم
عمر : خلاص اشطا بس متتاخريش يلا بينا احنا يا شباب
الشباب راحوا يستنوها في العربيات و ملاك طلعت اوضتها و عملت مكالمة مع شخص :-
ملاك : الو
الشخص : الو يا فندم
ملاك : ها ايه اخر الاخبار عرفتوا هو مين
الشخص : لاء يا فندم لسة بس عرفنا انه هيجيله قريب اوي و اول م نعرف هو هيجيله امتى هنراقب من برة و نعرف هو مين
ملاك بذكاء: ماشي و حاول تكتشف لو كان لابس ماسك ولا لاء علشان هما مش اغبية برضه
الشخص : حاضر يا فندم اللي تؤمري بيه
ملاك: خلاص ماشي و لو حصل اي حاجة كدة ولا كدة بلغني فورا يلا سلام
الشخص : مع السلامة يا فندم
ملاك بعد م قفلت مع الشخص دة طلعت من اوضتها و نزلت للشباب بعد م ركبت معاهم العربية انطلقوا و توجهوا نحو المديرية
        🔥🔥🔥🔥🔥🔥🔥🔥🔥🔥🔥🔥
استووووووووب كدة بقا و اقفل على كدة يا ابني 😂
طبعا لو انتوا ملاحظين فيه شخصيات كتير ظهرت بس لسة معرفتهاش لان كدة كدة هي هتعرف نفسها في البارتات اللي جاية 🙈😈😈

احم احم نتكلم بقا جد شوية يا جماعة التفاعل بجد واقع خااالص و حتى فيه ناس بتتابع الرواية من غير فولو و كله كوم و اللي بيتفرج عليها دة من غير م يصوت او يعمل فوت او نجمة دة كوم تاني خااالص يعني ياسطا مستخسر فيا دوسة 🥺🥺
يا جماعة بجد و الله بحس ان الرواية مش حلوة و الله بالتفاعل دة و بجد بتعب جدا عقبال م بكتب و بحاول على قد م اقدر متاخرش عليكم و مع ذلك مش بلاقي تقدير هما كام واحدة كدة بالعدد يتعدوا على صوابع الايد اللي بيتفاعلوا في الكومنتات و النجوم و عاملين فولو 😓😓💔
و الله ياسطا مش هتتعب يعني لو دوست على النجمة اللي تحت دي و عارفة كمان ان في ناس مش بيهمها تقرا اللي قبل او بعد البارت بس حقيقي انا محتاجة دعمكم ليا 😢😢😢💔💔🥀🥀

ف يلا بقا متنسوش الفوت او النجمة ⭐او التصويت كدة يا باشا قبل م تطلع يا رايق 🙃🙃😂😂😂💞💞💞✨✨

يلا سلاموووز 😘😘👋💘💓