انتقام الوحش

البارت ال٢٢

صلوا على النبي محمد صلى الله عليه وسلم 💖💖

البارت ال٢٢ :-

فاكرين اللي انا قلته في اخر بارت ؟؟!لما قلت البارت الجاي هتكلم عن اللي حصل مع عمر و الياس و كل واحد ودع اهله ازاي يعني هيبقا زي الفلاش باك كدة اشطا ؟!

عند الياس و عمر :-

بعد مرور بعض الوقت من صراخ عمر و بكاء الياس بصمت على صديقه انتهى عمر و هدأ و جلس على الشط بهدوء و مسح الياس دموعه و ذهب و جلس بجانبه على الرمال امام البحر .. بعد صمت دام ل دقائق قاطعه الياس
و قال :طب و بعدين ؟!
عمر : لا رد
الياس : هتفضل ساكت طيب كدة كتير
عمر بدموع تنزل بصمت : تعبت .. تعبت اوي كمان و الله العظيم شوف كام سنة مستحملها غير كل دة كانت هي السبب الاول و الرئيسي في طلاق امي مش قادر انسى
الياس : عرف انها لسة.....
قاطعه عمر : لاء
الياس : طب و بعدين
عمر : ولا قبلين لما نخلص المهمة ان شاء الله اللعب هيبقا ع المكشوف 
الياس : طب و حازم هتوديه عندهم
عمر : لاء مش هعرف الموضوع محتاج سغر و رايح جاي و طيارة و حوارات كتير
الياس : خلاص اشطا هاته ييجي يقعد مع فارس و اهو يسلوا بعض بالمرة
عمر : اشطا اهو برضه هيبقا في امان و مش هتعرف توصله
الياس : ناوي على ايه
عمر بغضب : ناوي على كل خير ان شاء الله
الياس : العبها بذكاء
عمر : عيب عليك
حازم من ورائهم بعد ان استيقظ : ابيه
التفت له كل من عمر و الياس
الياس بصدمة : ايه دة ماله دراعك يا حبيبي
حازم بوجع : مش عارف بس بيوجعني اوي
نهض له عمر و الياس ثم حمله عمر : بيوجعك اوي يا حبيبي
حازم : يعني مش اوي
عمر و هو يقبله من خده : الف سلامة عليك يا حبيبي
الياس بمشاكسة لاخراجهم من هذا الجو الكئيب : يلا يا عم حازم ابسط هتروح تقعد مع الواد فارس .. و انهى جملته بغمزة ..... و انت كمان يا عم عمر نزل الواد دة مش نوغة هو علشان تشيله كدة
حازم و هو يطلع له لسانه : ملكش دعوة مالك غيران كدة ليه
الياس ل عمر : طب نزل بقا الواد و شيلني انا عندا فيه و غيظه ... و اخرج له لسانه
حازم بصدمة : طبعا ميقدرش انت تقيل اوي
عمر : ايه ميقدرش دي ياااه انت مستهون بعضلاتي ولا ايه
حازم ببرائة : مش حكاية مستهون بس هو تقيل اوي و انا خايف عليك
عمر انزله : خايف عليا ... طب استنى بقا كدة علشان اوريك ... و استعد ل حمل الياس و نجح في حمله و لكنه كان ثقيل الى حد ما
عمر : هاا .. ايه كلامك دلوقتي
حازم مذهول من قوة عمر : واااو  انت ازاي قدرت تشيله
عمر بغرور مصطنع : عيب عليك مش اي حد احنا برضه ..... بعد مرور بعض الوقت من المشاكسة و الضحك وقد خرج عمر قليلا من حزنه هو و حازم
الياس : مش يلا بقا كدة هنتأخر
عمر : اه يلا نروح حازم بس الاول
حازم بصدمة و عياط : لاءة لاءة و النبي يا ابيه مش عايز اروح هناك تاني بالله عليك يا ابيه لو بتحبني
عمر و الياس و هم يحاولون تهدئته : بس يا حبيبي اهدى
عمر : و الله مش هنروحك عندها  و بعدين مفيش حد هيقربلك تاني و الله العظيم
الياس : اهدى يا حبيبي احنا مش هنروحك عندها احنا هنروحك عندي في البيت مع بابا صلاح و ماما سعاد و فارس هيبقا معاك و يسليك و تلعبوا مع بعض مش انت فاكر فارس
حازم و قد هدأ قليلا من البكاء ف هز رأسه بمعنى نعم
عمر : طيب شوفت بقا هتروح هناك تقعد مع فارس لحاد م اجي
حازم : انت هتروح فين
عمر بمشاكسة و ضحك : بقا عايز تعرف انا هروح فين يا زوما كدة خلاص اتطمنت طالما استفسرت يبقا انت بقيت تمام
الياس بضحك : يعني الواد غلطان يعني انه بيتطمن الله ناس زي القطط تاكل و تنكر
حازم بضحك  : اه و الله فعلا معاك حق
عمر : الله الله بقيتوا انتوا الاتنين عليا و طلعت انا اللي غلطان في الآخر يعني
حازم و الياس بضحك و في صوت واحد : اه ... انهوا كلامهم و انفجروا بالضحك
الياس : طب يلا بقا و كفاية دلع
عمر : اشطا يلا ... عند وصولهم للسيارات
الياس بخبث و هو ينظر ل عمر : بتفكر في اللي بفكر فيه
عمر و هو يفكر ...... : اااه فهمتك .. و اكمل بخبث : يلا طبعا *.....* ركب كلا منهم سيارته و حازم كان مع الياس