انتقام الوحش

البارت التاسع

طبعا بعتذر عن التأخير بس تقريبا كلنا عارفين السبب 🙂🙂
العيد قرب بقا و كل سنة و انتوا طيبين و بخير يارب ف بمناسبة العيد زيي زي اي بيت مصري و لاني بنت بتسحل بقا و كدة يعني ف اعذروني دة غير الرواية اللي كنت بقراها و بصراحة كنت عايزة اخلصها لانها كانت جامدة الصراحة و هي لقلبك جزاء و انانيتي نصيب هتلاقوها في قائمة القراءة عندي 🙂😅😅 و هي مش دعاية و الله يا جماعة 👌😅😂😂
و برضه التفاعل لسة زي م هو ف تمام جدا 😓👌
و طبعا حابة اشكركم على التفاعل اللي مش موجود زيادة عن ١٠٠ واحد بيشوف البارت و اعلى بارت جايب ٩ فوت 😃🌟
♥️♥️♥️♥️♥️♥️♥️♥️♥️♥️♥️♥️
عند الفريق :-
قبل م يطلعوا بالعربيات و يروحوا المديرية:-
سامر : استنوا استنوا انا افتكرت حاجة مهمة اوي معلش اسبقوني انتوا على المديرية و انا ساعة الا ربع بالظبط هكون عندكم يلا باي باي
و سابهم و نزل من العربية من غير م يسمع رد اي حد منهم و كلهم بصوا ل ملاك :-
ملاك : مالكم بتبصولي كدة ليه انا معرفش هو رايح فين ولا وراه ايه اصلا و الله
ادم بغمزة : متأكدة
ملاك بصتله بقرف و سكتت (سوري يا ادم هزقتك كتير 🙂😂😂😂)
عمر بضحك : مش مستنضفة ترد عليك
صقر : طب ممكن بقا كفاية كلام و تتحرك يا الياس علشان اللواء مستنينا
الياس : فكرة حلوة
في المديرية :-
و هما داخلين بهيبتهم و الكل بيضربلهم التحية لحاد م وصلوا ل مكتب اللواء و خبطوا على الباب و دخلوا اللواء اول م شاف ملاك قام و حضنها على طول و طنش الباقي :-
اللواء بخوف حقيقي : كدة يا ملاك كدة تقلقيني عليكي
ملاك بابتسامة بسيطة : مكانتش حاجة جامدة و الله و بعدين دة انا الاسد برضه و انهت كلامها بغمزة
اللواء بضحك : مع اني عارف انت عايزة تقولي ايه بس ماشي هعديهالك
ادم : احم احم نحن هنا
اللواء: و اعملكم ايه يعني مش فاهم
الفريق مقدرش يمسك نفسه من الضحك و فضلوا يتحكوا
اللواء بجدية : يلا تعالوا في غرفة الاجتماعات مش هينفع الكلام هنا و احنا واقفين علشان في حاجة مهمة اقولكم عليها
و توجهوا جميعا ل غرفة الاجتماعات :-
اللواء قاعد على راس الترابيزة و على ايده اليمين ملاك و الكرسي اللي جمبها فاضي و جمبها ادم و على ايده الشمال الياس و صقر و عمر
اللواء : اومال فين الزفت اتاخر ليه
ملاك بعد م بصت في ساعتها اتكلمت بابتسامة جانبية و بتبص قدامها : لاء هو وصل بس هنقول ايه ديل الكلب عمره م يتعدل
الياس افتكر انها قاصدة عليه : الله و انا مالي يا لمبي
ملاك : هو انا جيت جمبك
شخص واقف ورا ملاك : طب ليه الغلط طيب
كل اللي قاعدين اتخضوا ماعدا ملاك
ملاك : مش هتبطل ام العادة الخر*ا دي
سامر و هو بيقعد على الكرسي اللي جمبها : اللي في خصلة مبيبطلهاش مش كدة يا سراج باشا
سراج بجدية : خلاص بقا و يلا اقعد علشان فيه قرار مهم لازم ابلغكم بيه
الكل : اتفضل يا فندم
اللواء بتوتر و هو ينظر ل ملاك : احم فيه شخص جديد هينضم معاكم في المهمة دي
الياس بصدمة : نعاام
اللواء : اهدوا يا شباب مش لما تعرفوا هي مين الاول
عمر بتمتمة : ليه هي المشرحة ناقصة قتلة
اللواء: سمعتك على فكرة
ملاك بسخرية : بص فيه واحد برة معدي شكله عايز يدخل المهمة دي ف دخله بالمرة م اصل اي حد بيعوز يدخل المهمة دي بندخله طالعين رحلة احنا
اللواء بصرامة : ملاك ثم اكمل بجدية : المهمة دي خطيرة ف لازم تبقوا عدد كافي علشان تقدروا على أسامة الحديدي
صقر : يا فندم اللي يسمع حضرتك كدة يقول ان احنا مش قدها لاء دة احنا قدها و قدود كمان متنساش حضرتك احنا مين
عمر مكملا : صح هو حضرتك مش بتفتح تشوف الاخبار دة احنا باقينا تريند اول على مستوى العالم و الفريق بقا مشهور ب "وحوش العالم"
الياس : و بعدين ثواني كفاية علينا سامر دخل معانا مع اني لسة معرفهوش بس الاسد يعرفه و اسد مبيعرفش اي حد
سامر بضحك : تشكر يا زوق
اللواء : خلاص خلصته انا اللي عندي قلته و دة قرار واجب التنفيذ دة غير ان القرار دة جاي من جهات عليا يعني مش مني انا
خلص كلامه و العسكري دخل عليهم بيقول بعد م ضرب التحية العسكرية : تمام يا فندم وصلت برة
اللواء : طب تمام دخلها
ملاك بصدمة بتحاول تخففها : و كمان بنت
ادم بهمس مضحك : يارب تطلع بنت فعلا اهي تطريلنا المهمة شوية بدل عم جعفر اللي معانا دة
سامر بهمس ليه لانه سمعه : اهو جعفر دة لو سمعك و الله العظيم لتبيتك مع الاسود
ادم بصدمة : نعم هي عندها اسود
سامر : يس
ادم و هو بيبلع ريقه بتوتر : ربنا يطلعني من المهمة دي حي
اللواء : خلاص خلصته همس انتوا الاتنين و بعد كدة وجه كلامه للعسكري : خليها تدخل يا ابني
العسكري: حاضر يا فندم
و بعدها ب ثواني دخلت بنت جميلة و كيوت :-
البنت و هي بتضرب التحية العسكرية : تمام يا فندم
اللواء : اتفضلي اقعدي ثم همس ل ملاك : تقريبا عرفتي مين دي صح
ملاك بامتغاض و صوت واطي : ايوة
اللواء : طيب اعرفكم بقا ...و لسة هيتكلم الفون رن
اللواء و هو بيتكلم في الفون : الو ......... يعني ايه الاجتماع دلوقتي دة كان الساعة ٤ونص........... في جديد ولا ايه........... طيب تمام انا جاي حالا
اللواء و هو بيوجه كلامه للفريق : طيب اتعرفه انتوا بقا على بعض لاني مش فاضي و ربنا معاكم يا ابطال ..و سابهم و مشي
الكل بص للبنت الجديدة دي :-
البنت بتوتر : مالكم بتبصولي كدة ليه
ادم : مالك يا جميل متوتر ليه قوليلي القمر اسمه ايه
ملاك بضيق : يا عم هو انت اي تاء تأنيث و خلاص
البنت بفرحة : ايه دة الله معانا بنت الحمدلله اني مش البنت الوحيدة هنا
ملاك بسخرية : ليه يا قطة خايفة ياكلوكي
ادم : طب يا جماعة انا شايف ان احنا نقوم من هنا و نروح مطعم علشان انا جعان و بالمرة نتعرف على القمر دة و الاخ اللي معانا
عمر بصدمة : يخربيت سنينك انت ايه يا ابني دة انت لسة طافح اوام م جوعت
ادم بضيق : جرا ايه يا عم هو انا باكل من تلاجة بيتكوا علشان تعد عليا اللقمة اليتيمة اللي باكلها
الياس و هو بيقف : طب انا شايف ان فكرة المطعم دة وحشة لان مش هنكون على راحتنا ف انا رأيي نروح مكان مش بيبقا فيه ناس او بيبقا فيه بس قليلين
ملاك و هي تنهض : انا كمان رأيي من رأيك
صقر و هو ينهض : صح معاكم حق لان ادم كدة مش هيخلص
ادم : نروح اي مكان بس اكل
سامر بانزعاج : خلاص يا عم هنطفحك يبقا ناخد اكل تيك اواي و ناكل كلنا بالمرة
ادم : حلو اوي كدة ..ثم وجه كلامه للبنت : و القمر يركب معايا و اوصله و انهى كلامه بغمزة
البنت : لاء مش هركب معاك انا هركب مع القمر دي بس الف سلامة عليكي
ملاك ببرود او نقول رجعت لشخصيتها تاني : الله يسلمك ..يلا بينا ..و سابتهم و مشت و الكل طلع وراها و ركبوا العربيات و راحوا ل جنينة كدة بس مفتوحة و الناس فيها قليلة اوي
✨✨✨✨✨✨✨✨✨✨✨
عند ياسمين و يارا :-
روحوا بيتهم و غيروا هدومهم و نزلوا علشان يتقابلوا مع الشباب و يروحوا المطعم و هكذا الحال مع الشباب و نزلوا علشان يقابلوا البنات ....في المطعم :-
حمادة : ها تطلبوا ايه ولا الاول كلتوا ولا ناكل الاول اصل بصراحة انا و احمد جعانين ف ها نطلبلكم ايه معانا
يارا : خلاص تمام انا هاخد ******و****** ....و انت يا ياسمين
ياسمين : ممكن اخد ******و*******
حمادة : خلاص كدة اشطا ......و شاور للجرسون و ملاه طلبتهم
حمادة : ها يلا عرفونا بقا عن نفسكم ولا اقولكم ابدا انا .. اسمي حمادة الحديدي ٢١ سنة كلية فنون جميلة معاكم في القسم عايش مع ماما ... يلا دور واحدة فيكم
يارا : اسمي يارا يوسف المحمدي ٢١ سنة عايشة مع ماما برضه
حمادة : دورك يا احمد
احمد : هقول ايه زيادة متنساش اننا توأم
ياسمين بسخرية : معلش اصل عايزين نسمع جمال صوتك
حمادة بضحك : معلش يا جماعة هو اه توأمي بس فيه حاجات كتيرة اوي عكس بعض فيها يعني انا اجتماعي و احب اتعرف هو بقا عكسي بس و الله قلبه طيب اوي لما تعرفوه و تعاشروه هتحبوه
يارا : مفيش مشكلة على العموم تشرفنا يا حمادة انت و اخوك احمد يلا يا ياسمين
ياسمين : اسمي ياسمين سعد العازمي ٢١ سنة ثم اكملت بحزن : عايشة لوحدي لان بابا و ماما توفوا و انا صغيرة و خالتي اللي ربتني مع بنتها
حمادة : طب و ايه اللي خلاكي تسيبيها
ياسمين : علاقتنا بخالتي مكانتش قوية و مكنتش بتحب ماما و انا لما جيت برضه محبتنيش و علمت بنتها انها تكرهني
احمد : طب متزهقتيش من الوحدة
ياسمين بتنهيدة : مفيش حد بيحبها او مبيزهقش منها بس اهو بتعايش و بعدين انا خلاص اتعودت
يارا بحزن على صديقتها و لكن اخفت هذا بمرح : بس ياض انت يااه هو ايه دة اللي وحدة اومال انا بعمل ايه و ضربتها على كتفها و بتقول : و انت كمان م صدقتي علشان تكتئبي اومال انا روحت فين سيادتك دة انت بعتيني في لحظة
حمادة بضحك : طب ينفع بقا تضيفوني انا و الاخ دة معاكم في القايمة و نبقا شلة كلنا ايه رايكم
يارا : و الله فكرة مش بطالة ولا ايه رايك يا سماسيمو
ياسمين بمرح : اللي تشوفيه يا قلب سماسيمو
حمادة بضحك : شكلنا كدة هنبقا اصحاب جامد
و بعد كدة الاكل جه و فضول ياكلوا و يتكلموا في مواضيع مختلفة و ياسمين و احمد بدأوا يندمجوا في الكلام معاهم و يضحكوا و يهزروا مع بعض و قضوا يوم جميل مع بعض و كل واحد روح ل بيته بعد انتهاء اليوم
💘💘💘💘💘💘💘💘💘💘💘💘
عند الفريق :-
بعد م جابوا الاكل و راحوا ل جنينة و قعدوا على ترابيزة تكفيهم كلهم و بدأوا يتكلموا :-
الياس : ها عرفينا بقا عن نفسك
البنت : اسمي جنة اسلام ٢٥ سنة( كاتبة رواية مجانين في مهمة سرية 😂😂✋) معروفة بالعقرب و عايشة مع عيلتي بابا و ماما و اختي اكبر مني ب سنة يعني انا الصغيرة
صقر بصدمة : لحظة هو انت العقرب
جنة : اه ليه
عمر : اصل مش باين عليكي خالص
جنة بابتسامة : اه م انا عارفة
ادم بغمزة : بس حقيقي مكنتش متوقع ان البطل دة يطلع العقرب
الياس : فكك منه و وجه كلامه ل سامر : ها و انت يا عم سامر ايه حكايتك
سامر : سامر محمود العيسوي ٣٠ سنة الشهرة شبح المخابرات و تخصص هكر مش زيكم بس برضه اعرف الفنون القتالية كويس و بتدرب برضه و كدة ثم اكمل و هو ينظر ل ملاك : منه لله بقا اللي كان السبب و مرمطني كدة و خلاني اتدرب معاه
ملاك : بتقول حاجة يا سامر شكل العلقة وحشتك
سامر : لاء يا حبيبتي بقول الف سلامة عليكي و تقوميلنا كدة بالسلامة
جنة : طب يلا دوركم انا عرفتكم عن نفسي و انتوا بقا بس استنوا انا كدة عرفتكم كلكم ماعدا ملاك لاني كدة كدة عارفة فريق رباعي الانفجار اللي هما الياس الكينج و ادم التعلب و صقر الصقر و عمر المارد و سامر الشبح لانه لسة معرف نفسه دلوقتي ..الكل بص ل ملاك علشان تتكلم :-
ملاك : مبحبش اسم ملاك ف قولولي اسد عند...
جنة بصويت : لحظة لحظة لحظة هو انت تبقي الاسد
ملاك باستغراب : اه
جنة و هي بتقوم و تقعد جمبها : الله دة انا من معجبينك يا بنتي و الله و بحبك جدا جدا جدا جدا و كنت بتمنى كتير اوي اني اشتغل معاكي انت اصلا مثلي الاعلى و كنت دايما بتابع اخبارك من السوشيال و المهمات ولا كل المهمات كوم ولا مهمة رجل المافيا الاخيرة انت كنت جامدة اوى
ملاك اكتفت بابتسامة بسيطة : شكرا
💞💞💞💞💞💞💞💞💞💞💞💞💞
في قصر كبييير اوي في مكان مقطوع اول مرة نروحه :-
الزعيم دخل اوضة محددة مقفولة بالمفتاح فيها رجل و ست و بنت صغيرة ٥ سنين :-
الزعيم : متخافوش مش هعملكم حاجة طول م انتم محترمين دة غير ان نهايتكم قربت اوي و نهايتها هي كمان
الرجل : مش هتقدر تعملها حاجة انت اضعف من انك تعملها حاجة انت عارف انت شخص جبان اوي و عارف انها هتدمرك تاني زي مدمرتك زمان بس خدها مني كلمتين و حطهم حلقة في ودانك المرة اللي فاتت هي دمرتك بس انما المرة دي هتنهي عليك نهائي بالرغم من انها متعرفش الحقيقة كاملة
الزعيم بغل : مش هتقدر تعملي حاجة هي دمرتني زمان و خسرتني اهم صفقة غير انها كشفتني و انا دمرتها في اعز م تملك زي م دمرتني في اعز ما املك
الرجل : انت غلطان هي مدمرتكش انت اللي دمرت نفسك بنفسك بسبب انانيتك و حقدك بس صدقني انت متعرفهاش اكتر مني دي حتى لو عرفت اني لسة عايش برضه هتنهي عليك و هتعمل فيك زي م عملت فيها زمان
الزعيم : هنشوف بس انا بقا هقهرها مرتين مرة زمان و مرة تاني في المستقبل اول م تقع تحت ايدي
و سابهم و مشي .
😈😈😈😈😈😈😈😈😈😈😈😈
كفاية بقا كدة و بارت طويل اهو كتعويض و طبعا مش هعرف انزل خالص الاسبوع دة بسبب العيد بس هحاول متأخرش و انزلكم تاني او تالت يوم او ممكن اول يوم بس بالليل خالص و كل سنة و انتوا طيبين يا حبايبي 🙈🥳💃♥️😘
و يارب ارجع الاقي الدعم بقا قوي شوية 🥺💔
توقعاتكم و متتجاهلوش 🥺👌💔 :-
مين الرجل و الست دول ؟
هل الطفلة اللي معاهم بنتهم ولا طفلة الزعيم خاطفها ؟
كانوا قصدهم ايه على التدمير و القهرة ؟
مين دي اللي بيتكلموا عنها ؟
ايه قصة ياسمين ؟
يارا وراها سر كبيير اوي هي لسة متعرفهوش ولا احنا بس هنعرفه بعدين 😂😂✋
هل جنة فعلا طيبة كدة زي م باين ولا لاء ؟
و بس كدة 🙃🙃
و متنساش الفوت و انت طالع 🙃🌟

سلامووووووز يا حلوين 🙃😘💓💘💞♥️