انتقام الوحش

البارت ال١٧

متنساش تصلي على النبي كدة قبل م تبدا
و طبعا بعتذرلكم لاني مش بوفي بوعودي بس و الله العظيم كان غصب عني انا تعبانة نفسيا جدا الفترة دي و مع ذلك تحاملت على نفسي و كتبتلكم البارت دة و بس كدة و يلا نبدأ 🙃🙃💥✌️✨

يوم وصول خالة الياس و بنتها الساعة ٨ الصبح في الفيلا في اوضة صلاح و سعاد :-

سعاد في الفون : حمدالله على السلامة يا حبيبتي...... اه اه اه طبعا الياس هييجي انتوا هتوصلوا الساعة كام ...... طيب يا حبيبتي توصلوا بالسلامة و اول م توصلوا ان شاء الله هتلاقوا الياس في انتظاركم ..... لا يا حبيبتي لا تعب ولا حاجة..... ايه اللي انت بتقوليه دة بس ...... اكيد يا حبيبتي تنورينا ..... مع الف سلامة يا حبيبتي
صلاح : خلاص جايين النهاردة
سعاد : اه هيركبوا و ييجوا اهو
صلاح : يوصلوا بالسلامة ... و ناوية تعملي ايه مع الياس
سعاد : هعمل ايه يعني اديك شايف بحاول اقنعه
صلاح : انت ليه عايزاه ل بنت خالته بالرغم انك عارفة انها لا تصلح ليه و هو مش بيطيقها و الياس عصبي اوي
سعاد بتنهيدة حزن : مش عارفة مش عايزاه يفضل وحيد كدة
صلاح : هو مش وحيد احنا جمبه و معاه اصحابه و بعدين هو اصلا لسة مجاش لسن التلاتين حتى علشان تقولي كدة
سعاد : مش عارفة و الله يا صلاح
صلاح بمداعبة : صلاح حاف كدة على الصبح مش هتصبحي عليا
سعاد بضحك : شوف الراجل انا بقول ايه و هو بيقول ايه ... يلا انا هقوم بقا اصحيه علشان يلحق يجهز و يروح المطار

في اوضة الياس :-

سعاد دخلت ل الياس علشان تصحيه و يروح يجيبهم من المطار

الياس بضيق : ايه يا ماما عالصبح كدة في ايه
سعاد : يلا يا حبيبي قوم
الياس : في ايه بس يا امي طيب
سعاد : في ان خالتك و بنتها ياخويا جايين في الطيارة ف يلا بقا قوم البس علشان تلحق تروحلهم المطار بدل م يستنوا كتير
الياس و هو يعود للنوم : خلي اياد يروح يجيبهم انا مش عايز تكون نرمين اول واحدة اصتبح بوشها كدة السوم مش هيعدي على خير
سعاد و هي بتحاول تكتم ضحكتها : ولد عيب تقول كدة مهما كانت برضه دي بنت خالتك و بعدين انت اللي هتروح تجيلهم مش اياد .... يلا قوم بقا م انا مش هطلع من هنا غير لما تقوم
الياس بتأفف و هو ينهض : خلاص يا ماما خلاص اهو اديني صحيت ممكن بقا تطلعي و تسيبيني شوية لحاد م اجهز
سعاد و هي تقبله في خده : حبيب قلب مامي صباح العسل و الجمال يا روحي .... و سابته و طلعت

في المطار :-

نرمين : بجد يا مامي مش مصدقة خالص اني هقابل ليوسي
سارة (الام) : لاء صدقي يا قلب مامي .... بعد وصول الطائرة :-

نرمين بسعادة : مامي مامي الياس هناك اهو... و جريت عليه و لسة هتحضنه .. لكن الياس ب اشارة من يده منعها
سارة بضحك : انت لسة زي م انت كدة يا لولو
الياس باشمئزاز من اللقب : لولو حضرتك يا سارة هانم انا رائد في المخابرات لولو دي تقوليها لابن بنتك
نرمين : صح يا مامي مش تقوليله يا لولو تاني هو كبير على الاسم دة خلاص مبقاش صغير
سارة : امممم اوك يا حبيبتي مش هقوله لولو دي تاني
الياس شاله منهم الشنط : طب يلا نروح اكيد مش هنفضل واقفين هنا كتير