انتقام الوحش

البارت ٢٣

البارت ال٢٣ :-

عند ملاك :-

بعد خروجها من مكان العمل ذهبت الى منزلها حتى تجهز حقائبها حتى انتهت منها وضعتها في السيارة ثم توجهت الى بيت سراج و همس (يارب تكونوا فاكرينها🤦🏻‍♀️🥲👈🏻👉🏻) وصلت ملاك الى مكان الفيلا و نزلت من سيارتها و دخلت الى الفيلا و وجدت عم فتحي يسقي الزرع و يبدو عليه الهم و الزعل
اتت ملاك من خلفه بخفة و خضته : الجميل سرحان في ايه
عم فتحي : بسم الله الحفيظ
ملاك بضحك : هههههههه م تمسك نفسك يا معلم
عم فتحي و هو يأخذها بالحضن : عاملة ايه يابتي واحشاني خالص و الله
ملاك و هي تبادله بحب : انت اكتر و الله العظيم المهم عامل ايه با راجل يا طيب
فتحي و هو بيحاول يخفي زعله : اهو الحمدلله على كل شيء
ملاك : في ايه
فتحي : عادي شوية مشاكل كدة بس متشغليش بالك انت
ملاك : اممممم شكلك بتخبي و هتتعبني معاك
فتحي : لا عاش ولا كان اللي يتعبك يابنتي بس يعني الواد احمد زي م انت شايفة داخل على ال٣٠ سنة و لسة متجوزش و يوم م هيتجوز هيبقا عايز عفش و شبكة و مهر و شقة و ليلة كبيرة
ملاك : بس انا كنت متوسطة ل احمد في اكبر المستشفيات و بيشتغل و يقبض كويس الحمدلله و بيعتمد على نفسه ليه شايل همه كدة بقا
فتحي : م هو ياما شال الهم كفاية عليه دلوقتي
ملاك : ربنا يديك الصحة و طولة العمر و يديمك ليهم المهم بقا قولي فين الواد دة و فين صبوحة
فتحي : راحت تزور اهلها و احمد في المستشفى
ملاك : يرجعوا بالسلامة ان شاء الله.... ثم اخرجت الفلوس من شنطة الضهر خاصتها و اعطتهم ل عم فتحي
عم فتحي : ايه اللي انت بتعمليه دة احنا الحمدلله معانا
ملاك : امسك دول بقا يا عم فتحي و بالله عليك م تكسفني انا هسافر فترة و ياعالم هرجع امتى
عم فتحي : ربنا يرجعك بالسلامة و يسترها عليكي و يوقفلك ولاد الحلال و يبعد عنك ولاد الحرام قادر يا كريم
ملاك : امين يارب العالمين يا عم فتحي هدخل ل همستي دلوقتي
و دخلت الى الفيلا و قابلت همس و الدادة فاطمة و سراج جالسين في غرفة الطعام يأكلون
ملاك و هي تجلس و تسحب الطبق من امام سراج : يااااه يا فطومة حاسة بيا و الله العظيم دة انا هموت من الجوع
بينما تحاول همس و فاطمة كتم ضحكتهم على شكل سراج و مناغشة ملاك له
فاطمة : هقوم احضرلك يا حبيبي
ملاك : لاء و تتعبي نفسك ليه بس خليكي هو اكيد سراج شبع اصلا خلاص
فاطمة بضحكة خفيفة : يابنتي احنا لسة قاعدين محدش لحق يشبع هحطلك اكل على طول
و ذهبت الى المطبخ تغرف ل ملاك الاكل
ملاك ل همس بضحك : عسل اوي فطومة دي
ثم اكملت موجهة كلامها ل سراج : ايه دة مالك بس
سراج بغيظ : ايه اللي جابك هنا يا بت انت
ملاك ل همس باستعطاف : شوفي يا همستي بيقولي ايه يرضيكي كدة
همس : بس يا سراج ايه اللي انت بتقوله دة .. دة بيتها تيجي هنا في اي وقت
سراج بخبث و هو ينظر ل ملاك بينما يوجه كلامه ل همس : اه طبعا معاكي حق بس ملاك يا حرام للأسف يعني مش هتعرف تجيلنا هنا ل فترة و ممكن تطول اوي
ملاك كانت بتاكل و شرقت (😂😂😂 تستاهلي علشان تاخدي الطبق من قدام الراجل)
همس باستغراب ل ملاك : ايه الكلام ده يا بت انت و هتروحي فين
ملاك : احم احم مفيش و الله يا همستي بس .......
همس : بس ايه يا بت م تنطقي
ملاك بفكرة شيطانية اكملت بخبث : جوزك هيوديني الصين
همس و هي تشهق و تضرب على صدرها بيدها (حركة مصرية كل الستات بتعملها يارب تكونوا فهمتوها 🙂🙂👈🏻👉🏻)
همس و هي ترفع السكينة على سراج : عايز تودي بنتي الصين يا سراج ليييبه من قلة البلاد اللي في مصر بلاش مصر عندك الخليج لكن ليه ترميها الرمية دي
سراج بصدمة من كلام ملاك و همس : اهدي بس يا حبيبتي دة انا كنت بهزر و ملاك كمان بتهزر مش كدة يا كوكي
ملاك ببرود و خبث : نوو اومال انا هغيب ليه
همس لسة هتتكلم قاطعتها فاطمة و هي تجلب الطعام ل ملاك و اخر جديد ل سراج
همس و هي تهمس ل سراج : حسابك معايا بعدين لينا اوضة تلمنا
سراج و هو ينظر ل ملاك بشر و يمسك السكينة و يشاور على رقبته
ملاك بطفولة : شوفتي يا همستي بيعملي ايه
همس : سراج ملكش دعوة ب ملاكي الجميل
سراج بسخرية و غيظ : اه ياختي افضلي انت دلعي فيها كدة
همس و هي تحضن ملاك : اعيش و ادلعها ياخويا.. بينما ملاك اخرجت له لسانها لتغيظه
سراج بصدمة حقيقية : اخوكي بقا على اخر الزمن بقيت اخوكي
همس : يعني دة كل اللي انت خدت بالك منه في كلامي
سراج و هو ينهض من طاولة الطعام و يبعد ملاك عن همس و يشيل همس : انا بقا هعرفك انا ابقا اخوكي ازاي
همس بصدمة : نزلني يا سراج سراج : بعينك
ملاك بضحك : طب خلي بالك بقا هههههههه .... و نهضت هي الاخرى و سلمت على فاطمة و مشت
بعد مرور بعض الوقت وصلت ل فيلا صلاح (ابو الياس) و دخلت الى الفيلا حتى وجدت الجميع يجلس في الصالون (صلاح و سعاد و حازم و فارس و اياد)
ملاك : السلام عليكم
الجميع : و عليكم السلام ورحمه الله وبركاته
ملاك موجهة كلامها ل سعاد و صلاح : ازيك يا ماما .. ازيك يا بابا
سعاد : كويسين الحمدلله يا بنتي حمدالله على السلامه ... اقوم احضرلك الاكل احنا لسة مخلصين
ملاك : الله يسلمك ... لاء تسلميلي انا لسة واكلة برضه
بينما فارس جرى الى احضانها و هي رفعته عن الارض ف تشبث بها و قال : ماما هو انت برضه هتسافري مع الياس و عمر و الباقيين
ملاك باستغراب : و انت عرفت منين
فارس : اصل عمر و الياس جم من شوية كتار كدة و سابوا معانا حازم علشان هيسافروا
نظرت ملاك ل حازم الذي يظهر عليه الكسوف و قالت بابتسامة : و السكر دة يقرب ل مين
فارس لسة هيرد ملاك قاطعته و قالتله : اسكت انت عايزة اسمع الصغنن دة
حازم بكسوف : انا اقرب ل عمر و ابقا اخوه
ملاك : يلهوي السكر دة يبقا اخو عمر ... ثم اكملت بضحك: سبحان الله قادر على كل شيء
فارس : ماما هو انت بجد هتسافري
ملاك بأسف : اه يا حبيبي مضطرة و الله بس متقلقش هرجعلك بسرعة
فارس : انت كل مرة بتقوليلي كدة و في الاخر بتأخري
ملاك : طب مش يمكن و انا راجعة اجبلك هدية حلوة و تعجبك
فارس بفرحة : ايه هي
ملاك : لسة مش عارفة بس لما اروح هناك هشوف و اجبلك العاب كتييير اوي ... و نظرت لحازم : ليك انت و الصغنن دة
حازم بكسوف : مفيش داعي يا طنط شكرا
ملاك بصدمة : طنط ... على اخر الزمن انا يتقالي يا طنط
فارس بضحك : هههههههههههه طنط ايه بس يا زوما دي تقولها تعالي هنا يا بت يا موكة
ملاك و هي تضربه على مؤخرة رأسه : م تلم نفسك ياض انت يااه ... شايف الادب و الاخلاق اتعلم منه
فارس : تربيتك على فكرة
ملاك : تربية وسخة انا عارفة يا حبيبي من غير م تقول
صلاح : هو انت مروحتيش معاهم ليه
ملاك : لاء احنا مسافرين متفرقين علشان محدش ياخد باله و منثيرش اي جدل و خصوصا ان العين علينا
سعاد : يعني انت هتسافري لوحدك يا بنتي
ملاك : اه عادي ليه لاء
فارس بسخرية : اصل ملاك هانم طول عمرها بتسافر لوحدها مش هتيجي على دي يعني
ملاك : افضل انت كدة باصصلي في السفرية و يحصل حاجة
فارس بانفعال : بعد الشر عليكي طبعا
اياد : الا صحيح هو انتوا مسافرين الصين ليه
ملاك : مع انها المفروض اسرار شغل و المفروض برضه انك متعود على حاجة زي دي بس اوك مسافرين تدريبات مكثفة استعدادا للمهمة الجديدة
اياد بفضول : مهمة ايه هاا مهمة ايه
ملاك : بس يالااا
اياد : احم ايه الاحراج دة
صلاح : تستاهل علشان متدخلش تاني في حاجة زي دي .. دة انا ذات نفسي مسألتش
ملاك : اومال فين ..... قاطعها صوت صراخ نرمين و هي تنزل من على السلم
نرمين بصراخ : مش عايزة يا مامي مش عايزة ليه مش عايزة تفهميني
سارة : علشان انا عارفة مصلحتك فين
نرمين : لاء انت عايزة مصلحتك انت مش مصلحتي انا
سارة : انت لسة مجرد طفلة مراهقة مش عارفة فين مصلحتك
نرمين : انا مش طفلة يا مامي انت اللي مش عايزة تفهميني
سارة بعصبية : قلتلك مية مرة انا امك و اعرف مصلحتك عنك
نرمين بعصبية و صراخ : انت لو بالشكل دة تبقي امي ف انا مش عايزاكي تبقي امي .... و هنا لم تتحمل سارة اكثر من هذا و ضربتها على وشها جامد اوي ... وضعت نرمين يدها على وجهها و نظرت إلى والدتها بصدمة ثم تركتها و جرت إلى الخارج ... وقف الكل يشاهد بصمت و لم يستطع أحد أن يتدخل و بعدما ذهبت نرمين تحدثت
سعاد بهدوء : طب ينفع يعني اللي انت عملتيه دة
سارة بعصبية : انت مش سامعة قالتلي ايه الزبالة دي
سعاد : و لو برضه مكنش ينفع اللي انت عملتيه دة
سارة : انا كنت بربيها
سعاد : بس مش بالطريقة دي
صلاح : خلاص يا سعاد سيبيها على راحتها هي حرة في تربية بنتها
رن هاتف ملاك و ابتعدت قليلا لتتحدث في الهاتف ثم عادت إلى مكانها
ملاك : طب استأذن انا بقا لاني كدة اخرت و ورايا مشوار مهم اوي .... يلا يا حبيبي عايز حاجة
فارس : لاءة يا حبيبتي خلي بالك من نفسك كويس
ملاك : حاضر يا حبيبي و انت كمان خلي بالك من نفسك
و ذهبت ملاك بعد ان ودعتهم جميعا و ذهبت سعاد مع سارة و طلعوا فوق علشان يتكلموا ... ملاك و هي خارجة لقت نرمين قاعدة على المرجيحة و سرحانة في القمر و بتعيط و بتشهق جامد اوي ف صعبت عليها و راحت قعدت جمبها
نرمين بسخرية : ايه جاية تشمتي فيا ولا ايه
ملاك : انا مش بحب اشمت في حد انا بس حبيت اجي اهون عليكي شوية
نرمين : انا كويسة ... بعد قليل من الصمت قطعته ملاك : ممكن اعرف هو في ايه و ايه اللي حصل
نرمين : و انا ايه اللي يخليني اثق فيكي
ملاك : معاكي حق بس انا حتى لو فكرت ااذيكي مش هستفاد حاجة
نرمين بعصبية : لو انت بتعملي كل دة علشان ابعد عنك انت و الياس ف متقلقيش انا كدة كدة مش بحبه اشبعوا ببعض
ملاك : امممم افهم من كدة انك بتحبي واحد تاني
نرمين : لا اول ولا تاني خلاص على كدة
ملاك : تقدري تثقي فيا و تحكيلي و اوعدك كل كلمة هتقوليها بعد م اخلص كلام معاكي هنسى كل حاجة اكنك مقولتيش اي حاجة
نظرت نرمين في أعين ملاك قليلا و ارتاحت لها و لمحت في عيونها نظرة الصدق ... نرمين و هي تتنهد بقوة : انا مش بحب الياس زي م الكل فاهم ... ممكن اه اكون اعجبت بيه لكن مش حبيته ... و انا في فرنسا ماما كانت دايما بتحكيلي عن مواقفي انا و الياس ف اوهمتني اني بحبه ... لحاد م جه اليوم اللي بينلي اني عمري م حبيت الياس