انتقام الوحش

البارت الخامس

متنسوش بقا الفوت او النجمة و كومنت حلو تشجعني فيه و الله العظيم تعبت جامد في البارت دة بالذات لانه اتمسح مني بعد م كنت قربت اخلصه 🥺💔 و مع ذلك كتبته تاني من اوله جديد علشان متاخرش اكتر من كدة 🥺💓💞

البارت الخامس:-

عند صقر :-
يعد م نزل من العربية علشان يشوف ايه الحاجة السودة اللي موجودة على جمب الطريق دي لقا شخصين مرميين و جمبهم عربية متفحمة قرب شوية علشان يشوف مين دول و اتصدم جدا لما عرف مين
صقر في نفسه : هي مش دي اسد ينهار اسود جه علشان يشوف نبضها مسك ايدها لقا النبض ضعيف راح علشان يشوف الشخص التاني و مكانش غير حسن طبعا لقا فيه نبض بس اقوى من اسد شوية راح لعربيته بسرعة علشان يقولهم يفضوا مكان في العربية (طبعا الكل كان متوقع ان الياس هو اللي ينقذها زي م احنا متعودين ان البطل يصادف يمشي في الطريق و يشوفها و ينقذها بس نحن نختلف عن الاخرون يا باشا)
صقر بسرعة : ماما و النبي اطلعي اقعدي في الكرسي اللي قدام و خدي رعد و قمر على رجلك بسرعة
صفاء : حاضر يا ابني
و سابهم و رجع لاسد و حسن شال اسد الاول و وداها على العربية و ركبها في الكنبة اللي ورا
صقر : قمر تعالي اسنديها تقعد علشان يبقا فيه مكان للتاني
قمر : حاضر
و راح يشيل حسن و ركبه العربية على الكنبة جمب قمر
صقر : رعد تعالى اسنده
رعد : حاضر
و هو طلع قعد على كرسي السواق و ساق العربية ب اقصى سرعة للمستشفى
في المستشفى :-
اسد دخلت العمليات علشان الطلقة اللي خدتها في دراعها و العربية اتشقلبت بيهم كذا مرة و مكانتش لابسة حزام الامان و حسن دخل العمليات ل نفس السبب (من غير رصاصة طبعا) بعد مرور بعض الوقت طلع الدكتور من غرفة العمليات اللي كان فيها حسن
صقر : لو سمحت يا دكتور ايه النظام هما كويسين
الدكتور : اه الحمدلله العملية دي كانت و هو متأذاش اوي كدمة في رجله الشمال بس قوية شوية التواء في الدراع اليمين
صقر : طب و بالنسبة للبنت اللي كانت معاه
الدكتور : لاء اسد لسة قدامها شوية تقريبا لانها اتأذت كتير شوية و الدكتور المسئول عن حالتها هيطلع و هو هيقولك تفاصيل اكتر
صقر : شكرا يا دكتور
الدكتور : الشكر لله يا فندم دة واجبي
صفاء : ها يا حبيبي الدكتور قالك ايه
صقر : حسن الحمدلله جات بسيطة بس اسد اللي باين عليها اتأذت اوي
صفاء : خير يا ابني ان شاء الله
صقر : ان شاء الله
خلصوا كلام من هنا و الدكتور اللي كان في غرفة عمليات اسد طلع :-
صقر : خير يا دكتور طمني
الدكتور : متقلقش هي الحمدلله عدت مرحلة الخطر لان جسمها ماشاءالله كان قوي واحدة غيرها كان لقدر الله حصلها مضاعفات هي واخدة طلقة في دراعها الشمال دة غير الحاجة الحادة اللي كانت هتغرز في راسها بس الحمدلله ربنا سترها و عملت جرح سطحي بس و كدمة في رجلها الشمال مع التواء كاحل
صقر : الحمدلله شكرا لحضرتك يا دكتور بس هي هتفوق امتى
الدكتور : ممكن بعد ساعتين كدة او ساعتين و نص بسبب البنج و الجرح اللي في راسها 
صقر : طب نقدر ندخلها و نتطمن عليه
الدكتور : اه طبعا هما زمنهم نقلوها غرفة عادية
صقر : شكرا يا دكتور
الدكتور : العفو دة واجبي عن اذنك
صفاء : يا حبيبتي يا بنتي كل دة حصلها
صقر : انت سمعتي الدكتور قال ايه
صفاء : طبعا سمعت و منهم لله اللي كانوا السبب (متقلقيش يا طنط دي هتاكولهم بعدين) يلا يا حبيبي ندخلهم و نتطمن عليهم
صقر : يلا بعدين لف ل رعد و قمر يلا ندخل نتطمن عليهم و تمشوا
صفاء : نمشي طبعا لاء انا هفضل هنا مع البنت الغلبانة دي اه صح م ترن على اهلها لحسن يكون زمنهم قلقانين عليها ولا حاجة
صقر : تقريبا يتيمة يا امي
صفاء : كمان و كنت عايزني امشي انا هبات معاها هنا النهاردة
صقر : طب يلا ندخلها طيب
و فعلا دخلوا هما الاربعة لقوا حسن و اسد كل واحد هلى سرير في اوضة واحدة صفاء قعدت جمب ملاك على الكرسي اللي جمب سريرها و الباقيين قعدوا على الكنبة و بعدها على طول لقوا اللي صحي و بيتكلم
حسن : ااه انا فين و ايه اللي حصل يا اسد باشا
صقر راح وقف جمب السرير : حمدالله على السلامة
حسن : الله يسلمك بس انت مين و فين اسد باشا
صقر : اهدى شوية دة غلط كدة عليك انت في المستشفى علشان عملتوا حادثة و اسد في السرير اهيه و شاورله عليها بس هي لسة مفاقتش المهم انت حاسس بوجع او اي حاجة
حسن : شوية صداع و رجلي دراعي واجعني
صقر : اه م انت عندك  كدمة في رجلك الشمال بس قوية شوية و  التواء في الدراع اليمين
حسن : شكرا بس انت برضه لحاد دلوقتي مقولتليش انت مين
صقر : انا صقر ظابط في المخابرات و المفروض اني هشتغل مع اسد في مهمة واحدة
حسن بهمس لكن صقر سمعه : هي الحادثة اثرت على السمع ولا ايه معقول اسد هتشتغل مع حد مش قادر اصدق بجد
صقر عمل نفسه مسمعش حاجة : على العموم حمدالله على السلامة
حسن : الله يسلمك و شكرا جدا لحضرتك على اللي عملته
صقر : مفيش داعي للشكر و الدكتور دخل و قال : حمدالله على السلامة عامل ايه دلوقتي
حسن : الحمدلله يا دكتور
الدكتور : حاسس بحاجة
حسن : رجلي و دراعي واجعني شوية و عندي صداع جامد اوي
الدكتور : رجلك و دراعك بسبب الكدمات اما بالنسبة للصداع ف دة بسبب البنج و الحادثة مكنتش هينة برضه انت لولا اللي عملك كدة حزام الامان اللي كنت حاطه
حسن : طب و اسد يا دكتور هي عاملة ايه
الدكتور : ادعيلها تقوم بالسلامة بس
صقر و حسن : شكرا لحضرتك يا دكتور
الدكتور مشي بعد م كتب العلاج و الحاجات اللازمة ل حسن بعدها بشوية صقر قام وقف و قال : انا رايح اجيب اكل لينا كلنا حد عايز حاجة معينة
الكل : لاء شكرا
قمر بلماضة : اتكلموا على نفسكم انا اه بص بقا انا هاتلي بيتزا
صقر : حاضر حاجة تاني يا ست هانم
قمر بغرور مصطنع و هي تجلس و تحط رجل على رجل : لاء متشكرة يلا روح انت بقا
صقر بتجاهل : عايزة حاجة يا معينة يا ماما
صفاء : لاء يا حبيبي تسلملي
رعد بهدوء : انا كمان عايز بيتزا
صقر : خلاص نجيب كلنا بيتزا و انت يا حسن مش عايز حاجة معينة
حسن : لاء شكرا
صقر راح يجيب الاكل و حسن قعد لحاد م نام تاني و قمر مسكت فونها تلعب عليه و رعد مسك فونه علشان يقرا و صفاء قاعدة جمب ملاك لسة متحركتش صقر و هو مستني الاكل فونه رن و مكانش غير الياس :-
صقر : الو يا الياس
الياس : ايه يا عم فينك كدة كلنا متجمعين هنا ثم اكمل بضحك : و انت فايتك شوية شلل اا قصدي شوية ضحك
صقر : اشمعنا يعني
الياس : اصل ادهم اخو ادم معانا هنا بس حقيقي هيجيبلي شلل اطفال
صقر بضحكة زادته وسامة : ليه يعني ايه اللي حصل
الياس بزعل و لوي مصطنع : اضحك يا اخويا اضحك م انت لو كنت مكاني مكنتش ضحكت كدة
صقر و هو بيسمع شوية كلام من ادهم و ضحك عمر و ادم عليهم و الياس عمال يتخانق مع ادهم و بيضحك : لاء شكل فعلا فايتني ضحك كتير
و كان فيه بنتين معديين من قدام صقر :-
البنت الاولى : يلهوي على الضحكة دة انا لو مريضة قلب و سمعت الضحكة دي و الله اخف
البنت التانية : انت بتقولي فيها دة الواد ولا شاروخان
البنت الاولى : دة يابخت اللي هتتجوزه حقيقي انا بحسدها
البنت التانية و هي بتركز في صوابعه : يا بت دة باين عليه اصلا مش خاطب علشان يتجوز
البنت الاولى : تصدقي فعلا عندك انا هروحله
البنت التانية : ماشي بس امسحي الروج اللي انت حاطاه دة و حطي الاحمر احلى
البنت الاولى : صح معاكي حق (دي البت صدقت نفسها)
ياسمين(البنت الاولى) بدلع مقرف : احم احم لو سمحت
صقر بجمود : ايوة (ملحوظة : صقر بيكلمها و الياس لسة على الفون)
ياسمين : ممكن اعرف فين غرفة رقم***
صقر : هو مش تقريبا برضه لما بنعوز نسال عن رقم غرفة بنسال الريسبشن ولا متعرفيش
ياسمين باحراج : اه م انا عارفة بس انا ملقتهوش
صقر بسخرية : اه تلاقيه طار كدة ولا حاجة زي جبهتك كدة
و سابها و مشي من غير اي كلمة زيادة بعد م خاد الاكل
الياس بضحك في الفون : مش قادر يخربيت سنينك ايه قصف الجبهة ثلاثي الابعاد دة
صقر : يا عم فكك انا كنت سامعها اصلا و هي عمالة تعاكسني هي و صاحبتها من بدري
الياس : اه مانا خدت بالي الا صحيح ياد يا صقر انت فين كدة
صقر : في المستشفى
الياس بخضة : ايه ليه ايه اللي حصل و في مستشفى ايه م ترد يابني
صقر : م انت لو تديني فرصة ارد هرد و الله العظيم على العموم متقلقش مش انا اللي اتصابت دة خد تاني و انا رايح ازور المقابر لقيتها عاملة حادثة
الياس : لقيتها هي بنت
صقر : اه دي اسد
الياس بخضة : اسد اللي نعرفه دة
صقر : اه
الياس : طب انت في مستشفى ايه انا جايلك حالا
صقر : انا في مستشفى******
الياس قفل الخط على طول من غير ميقول اي حاجة تاني و طلع جري علشان يركب عربيته و اصحابه جروا وراه علشان يعرفوا في ايه بس لقوه ركب عربيته راحوا كلهم ركبوا عربيتهم و راحوا وراه على طول(ادم ادهم عمر) لحاد م وصلوا المستشفى و صقر كان خلص اكل و دخل الوحوش
الياس و هو يدور بعينه ليبحث عنها لحاد م عينه وقعت عليها و قال ل صقر : هي ايه اللي حصلها
صقر : مش عارف ايه اللي حصل بالظبط بس انا لقيت عربيتها مقلوبة جمب الطريق
الياس لسة هيتكلم قاطعه صوت ملاك و هي بتتكلم : استنوا استنوني انتوا رحتوا كلكم ليه و سيبتوني و صحت بخضة : لاااااااء
ملاك بعد م استوعبت انه كان مجرد حلم و بدات تحس بوجع : ااااه دماغي وجعاني اوي انا فين
الياس : بسرعة انا هروح اجيب دكتور بسرعة و هو طالع شاف دكتور واقف و راحله : لو سمحت عايزين دكتور في غرفة رقم ***
الدكتور : حاضر ثواني و هاجي وراك على طول
الياس : شكرا و سابه و راح للاوضة تاني بعدها بشوية الدكتور دخل و قال : فين المريض
و شاوروا على ملاك لقاها في حضن صفاء لانها اول م شافتها كدة خايفة قامت و خدتها في حضنها و مرضتش تسيبها و ملاك مسكت فيها جامد و الدكتور بعد م شافها اتصدم جامد
عند ياسمين و صاحبتها فاكرينها :- (شايفاك ياللي بتشتم على العموم الله يسامحك):-
نورهان(البنت التانية و صاحبة ياسمين) : ها عملتي ايه
ياسمين : معملتش ياختي احرجني و خلاص
نورهان : ليه ايه اللي حصل
ياسمين : و حكتلها اللي حصل
نورهان : ولا تزعلي نفسك يا قلبي و هما بيتكلموا كان فيه اتنين شباب بيعاكسوهم و ضحكوا و الشباب لما لقوهم كدة راحوا وقفوا معاهم و اتعرفوا على بعض
نروح بقا ل غرفة ملاك علشان متقتلش :-
الدكتور بصدمة : انت ايه اللي جابك هنا
ملاك و قد انتبهت للي حوليها و استوعبت مين اللي بيكلمها قالت بتوتر و خوف حقيقي : ايه انا انا انا بس عملت حادثة بسيطة يعني مش حاجة جامدة
الدكتور و جري عليها و خدها من حضن صفاء : انت كويسة ايه اللي حصلك بس
ملاك بحنية : متقلقش عليا و الله يا حبيبي انا كويسة
الدكتور : ملا.....
ملاك بمقاطعة : بااس ايه محدش يعرف غير اسد اسد و بس
الدكتور : كالعادة يعني و قام علشان يشوف الملاحظات اللي الدكتور اللي كان مشرف على حالتها لقا كل حاجة و انها واخدة رصاصة في كتفها راح بصلها بصدمة و غضب في نفس الوقت : حادثة عادية ها ؟!
ملاك بتوتر : احم يعني
الدكتور بعصبية و زعيق : ملاك انت عارفة اني بخاف عليكي قد ايه انت ليه انانية و مش مراعية دة ليه كل يوم و التاني اشوفك كدة في المستشفى بسبب اصاباتك
ملاك بزعل حقيقي : مارو حبيبي و الله العظيم مش ببقا قاصداها اكيد بس انت و الله عارف اني بحب شغلي قد ايه و بعدين انا خلاص قربت من هدفي اوعدك اول م اخلص اي حاجة هتقولي عليها تاني هعملها
مروان (الدكتور) : ملاك انت عارفة اني فعلا بحبك و بخاف عليكي ليه مش مقدرة دة
ملاك و عينها اتملت دموع : و الله مش ببقا قاصدة و انا و الله العظيم عارفة انك بتخاف عليا و بعدين مش ملاحظ انك زعقتلي فعلا
مروان و هدي شوية و رجع قعد جمبها تاني و خدها في حضنه : معلش انا اسف بس انا لما شوفتك كدة و الله مقدرتش امنع نفسي من اني اخاف و اقلق عليكي ولا مليش حق اعمل كدة
ملاك بضحك : لاء ليك طبعا يا باشا دة انت الكل في الكل
مروان : اه ياختي كلي بعقلي حلاوة
ملاك و هي بتزقه و وقعته من على السرير : طب يلا بقا ياه علشان انت رغاي اوي و امشي من هنا يلا
مروان و هو بيتوجع على الارض : ااااه منك لله يا شيخة حتى و انت متكسرة قادرة برضه يا بنتي اتقي الله بقا و احترمي حتى فرق السن
ملاك : يا عم روح و شوحت بايدها
مروان قام وقف و قال بنبرة مفهاش نقاش : ملاك انا خلاص خدت قراري انا هتجوزك و اقعدك في البيت علشان مش هقعد كل يوم اشوفك و انت كدة
ملاك بتبص وراه بصدمة و شهقت : هيه سارة استني و الله متفهميش غلط
مروان بص وراه بسرعة ملقاش حد راح بص لملاك بغضب : بتضحكي عليا يا ملاك
ملاك : بعد كدة متبقاش تقول كلام انت مش قده يا دكتور
مروان : لاء قده على فكرة و هتجوزك
ملاك و بتتكلم جد المرة دي : طب خلاص كفاية
مروان : لاء مش كفاية و بعدين يعني انت فاكراني هخاف منها
ملاك : لاء يا حبيبي مش القصد بس تمام ماشي هنشوف الحوار دة بعدين
مروان لسة هيتكلم لقا اللي بتتكلم وراه م خلاص يا حنين قالتلك تشوف الحوار دة بعدين
مروان بصوت هامس : يارب م تكون اللي في بالي
ملاك بضحك : البس علشان تحرم بعد كدة راح مروان لف لقا سارة في وشه ضحك ببلاهة
سارة بتوعد : انت تتقل عليا بس اما اتطمن على البت الاول وسع كدة يا اخي و راحت زقته و قعدت جمب ملاك على السرير
سارة بخوف حقيقي : حبيبتي مالك ايه اللي حصل انت كويسة
ملاك بابتسامة علشان تطمنها : متقلقيش و الله يا حبيبتي انا كويسة ثم اكملت بزعل مصطنع : بس يرضيكي اللي جوزك بيعملوا فيا دة
سارة : عمل فيكي اي يا حبيبتي
ملاك بتمثيل : فضل يزعقلي يا سرسورة من ساعة م دخلي و انا لسة تعبانة يرضيكي
سارة : بغض النظر عن سرسورة اللي انا مبحبهاش دي بس اخد حقي لما تقومي بالسلامة ف انا لاء ميرضنيش خالص
ملاك : شوفتي بقا يلا خوديه من هنا علشان زعقلي جامد
سارة : لا يا حبيبتي مش انا اللي هاخد دة ربنا اللي هياخده النعاردة متقلقيش يا حبيبتي
كل دة كان تحت انظار الكل و الفريق اللي كان مصدوم و بقهم كان لمس الارض من كتر الصدمات بتاعت النهاردة و مروان بيبلع ريقه بتوتر و بيهمس للي جمبه : هي قصدها ايه بان ربنا اللي هياخدني النهاردة
ادم بضحك : يعني نقرا على روحك الفاتحة
مروان : ربنا يطمنك زي م طمنتني كدة
سارة : طيب يا حبيبتي معلش لازم امشي دلوقتي علشان سايباهم في البيت لوحدهم في البيت و الله
ملاك : لاء يا حبيبتي ولا يهمك
سارة : ولا اقولك لاء مينفعش امشي انا هبات معاكي النهاردة و اتصل ب ماما تروح تقعد معاهم و مروان كدة كدة هيروح
ملاك : لاء يا بنتي انا كويسة و الله اهو و بعدين انا عايزة اخرج في اقرب وقت اصلا
مروان بتدخل : نعاام ياختي تخرجي منين يابت
ملاك بقرف : بقا بذمتك فيه دكتور محترم يقول الكلام البيئة دة
مروان اه ياختي انا ثم اكمل بنبرة جدية : ملاك انا مش هسمحلك تعرضي حياتك للخطر تاني
ملاك : ياعم روح بقا مش كفاية حصل اللي حصلي دة قبل م اطلع المهمة ثم تداركت ما قالته لتضع يدها على فمها و ابتسمت ببلاهة ل مروان اللي كان بيبصلها بصدمة و غضب كدة : انت قلتي ايه
ملاك : ها لاء م مقولتش حاجة خالص
مروان : ملاك انت عايزة تطلعي مهمة و انت كدة
ملاك : لاء لاء لاء متقلقش خالص دة لسة عليها شوية كتير هكون خفيت و رجعت اسد من تاني اللي انت تعرفه متقلقش هاجلها متخافش
مروان : مش واثق فيكي
ملاك ببرطمة : دي حاجة اكيدة ثم اكملت بصوت يسمعه : لاء عيب عليك يا مارو انا عمري عملت حاجة زي دي
مروان : انت مبتعمليش حاجة اصلا غير دي
ملاك : احم ايه الاحراج دة لاحظ انك من ساعة م دخلت و انت مهزقني على الاخر تقدر تقولي بقا دول هيحترموني ازاي تاني دلوقتي
مروان و اخيرا انتبهلهم : احم مش تقولي اننا مش لوحدنا
ملاك بصدمة حقيقية : نعم انت كل دة و مكنتش واخد بالك منهم
مروان : لاء
ملاك : سارة مشي الواد دة من هنا و النبي دة هيجبلي الجلطة
سارة : هو كدة كدة هيمشي اصلا و انا هفضل معاكي هنا
ملاك و بدات تتعب فعلا : سارة بالاه عليكي مش قادرة اناهد انا مش محتاجة حد هنا لاني هنام اصلا و انت هتقعدي مش هتعملي حاجة و بعدين في ممرضين كتير اوي هنا لو عوزت حاجة هقولهم
سارة : و لو انا لازم افضل جمبك
ملاك : يا بنتي سيبيني انا مش هيحصلي حاجة بس انت ولادك لوحدهم في البيت
صفاء بتدخل : احم تسمحولي اقول حاجة
ملاك بابتسامة حنونة : طبعا يا طنط هو حضرتك بتستأذني
صفاء و هي بتوجه كلامها ل سارة : بصي يا حبيبتي امشي انت دلوقتي علشان ولادك اللي في البيت دول و انا اوعدك اني هفضل معاها هنا و مش هسيبها ابدا
سارة : على ايه بس يا طنط نتعب حضرتك معانا
صفاء : لا تعب ولا حاجة يا حبيبتي دي زي بنتي برضه
سارة : بس
صفاء بمقاطعة من غير بس يلا يا حبيبتي متقلقيش عليها و انا و الله مش متضايقة ولا حاجة
سارة : شكرا جدا لحضرتك يا طنط بس هو حضرتك مين
صفاء : انا مامت صقر
سارة بغباء : ازاي يعني مامت صقر مش فاهمة
ملاك : بلاش غباء مامت صقر و صقر يبقا الاخ اللي واقف دة و هو برضه اللي انقذني لولاه يا عالم كنت هفضل كدة لحاد امتى
سارة بصتله و اتصدمت من حلاوته و فضلت مبحلقة فيه
مروان بغيرة و اتضايق : سارة يلا امشي انت بقا خلاص كدة اتطمنتي عليها يلا اتفضلي بقا
سارة حست في نبرته الزعل : احم حاضر يلا حبيبتي همشي انا بقا و باست ملاك من راسها و مشت
مروان بضيق : طيب يا حبيبتي و لسة مكملش كلامه لقا الباب بيخبط سمحوله بالدخول و كانت المساعدة بتاعته : دكتور مروان عايزين حضرتك لان فيه حالات برة
مروان : حاضر جاي دلوقتي معلش بقا يا حبيبتي لازم اروح و قبل م امشي هاجي اتطمن عليكي
ملاك : ماشي يا حبيبي مع السلامة و باسها من دماغه و مشي (و طبعا كل دة كان تحت عيون بطلنا)
استوووووب نعرف بقا الاتنين الجداد دول :-
اولا: مروان عبدالله الهلالي :-
دكتور جراحة عامة مشهور اوي في مصر و من اشطر الدكاترة اللي في مصر عنده ٣٢ سنة بيحب ملاك جدا زي اخته الصغيرة بالظبط و يبقا صديق اخو ملاك الروح بالروح (اه ملاك كان عندها اخ اكبر منها🙂) و قبل م اخوها يموت وصاه عليها و هو طبعا مش هيتجوزها هو بيحب يهزر معاها كدة متجوز سارة و عنده بنتين زي القمر و هو طبعا مز اوي عينيه فضي غامق كدة شوية و بعضلات طوله ١٨٠ شعره بني فاتح شوية
ثانيا : سارة عصام الجبلي :-
بنت عادية خالص عينيه بني فاتح طولها ١٧٠ (كدة معندناش غير ملاك الوحيدة الاوزعة في الرواية) شعرها بني برضه مرات مروان بتحبه اوي و متجوزين عن قصة حب يتيمة بس بتعتبر ابو و ام مروان ابوها و امها و بتحبهم اوي و هما كمان كدة و بتعتبر ملاك اختها الصغيرة بس متعرفش اللي مرت بيه مروان بس اللي يعرف كل اللي تعرفه ان باباها و مامتها و اخوها و مرات اخوها ماتوا و بقت وحيدة و مش بتزعل منها لما بتقرب من مروان عندها ٣٠ سنة و بس كدة
يلا نكمل :- 
ادهم بصدمة : مش معقول بقا اسمك في الاخر ملاك
ملاك و كانت رجعت ل طريقتها الباردة القديمة : لاء اسمي جعفر
ادم بغمزة : بس حقيقي اسم على مسمى
ملاك : على فكرة انا ممكن اقوم دلوقتي و ارقدك جمبي عادي يعني
ادم : لاء و على ايه الطيب احسن
الياس : بس هو مين دة و تعرفيه منين
ملاك : دة مروان اخويا
الياس باستغراب: اخوكي و عايز يتجوزك
ملاك : لاء هو اكيد مش هيتجوزني هو بس بيهزر و هو في مقام اخويا بالظبط لانه كان صاحب اخويا اوي الله يرحمه
الياس : لحظة هو انت كلن عندك اخ
ملاك : اه
عند مروان بعد م خرج من غرفة ملاك لقا سارة في وشه :-
مروان بضيق و هو يحاول عدم النظر اليها : انت لسة مروحتيش ليه
سارة : مارو حبيبي انت عارف اني و الله العظيم مكنتش اقصد اي حاجة
مروان بجفا : اه م انا عارف
سارة و قربت تعيط بجد : مروان انت عارف اني مش بطيق تكلمني بالبرود دة و الله العظيم مكنتش اقصد حاجة انت عارف اني بحبك انت و على العموم يا سيدي انا اسفة و الله لو كنت زعلتك
مروان : ماشي ممكن بقا تسيبيني امشي علشان عايزني في شغل
سارة و دموعها بتنزل : لاء م انا اللي كنت بنادي عليك و قولتلها تقولك كدة علشان تطلع و انا و الله العظيم اسفة و مكنتش اقصد و الله العظيم
مروان و قد رق قلبه : خلاص محصلش حاجة و قولتلك مية مرة متعيطيش ثم اكمل بضحك : شكلك بيبقا وحش و انت بتعيطي
سارة و هي بتمسح دموعها : لا و الله طب خلاص روح بقا للي شكلها بيبقا حلو و هي بتعيط و ضربته في صدره و هو طبعا متأثرش
مروان : بس يا هبلة انت و خدها في حضنه و مشي بيها و قالها : يلا بقا علشان الولاد متفضلش لوحدها في البيت
سارة : يعني انت خلاص مش زعلان مني
مروان : لاء خلاص مش زعلان و مشيوا من المستشفى كلها.
عند ملاك في الاوضة :-
الياس : انت بتدوري على ايه
ملاك : بدور على تليفوني
صقر : تليفونك اكيد زمانه اتكسر او اتفحم اصلا
الياس : صح صقر معاه حق
ملاك : طب ممكن فون حد علشان لازم اعمل مكالمة ضروري
الياس : اه طبعا اتفضلي
ادهم : غالي و الطلب رخيص
ملاك بصتله من تحت ل فوق كدة : مين الاخ
ادهم : محسوبك ادهم المغربي
ملاك : ايه دة هو انت اخو ادم
ادهم : اه
ملاك : كان لازم اتوقع حاجة زي دي ماشاءالله نفس الدماغ القذرة و التفكير الزبالة
الياس بضحك : فكك منه دة صواميله فكة اصلا اتفضلي فوني اهو
ملاك : شكرا ثم ضغطت على بعض الارقام ليأتيها الرد من على الجانب الاخر بعد قليل :-
الشخص اللي ملاك اتصلت بيه : الو
ملاك بلهفة : الو سامر معايا
سامر : ايه دة ملاك
ملاك : اه سامر و النبي....
قاطعها صوت سامر : ملاك انت فين الحقي فارس بسرعة...
استووووووووب كفاية اوي لحاد كدة بس مش هعرف بقا مين دول هنعرفهم في البارت اللي جاي كدة كدة🙃🙃

مين سامر و فارس دول كمان ؟!

توقعاتكم بقا ها🙃😉

بارت طويل خالص اهو ك تعويض ٣٥٥٥ كلمة🥺🫂♥️
يلا باااي اشوفكم في البارت الجاي و هحاول متاخرش تاني عليكم بس انا مكنش ليا نفس اكتب اليومين اللي فاتوا دول 🙂🙂😘♥️👋