انتقام الوحش

البارت التاني

يسطا متبخلش عليا بدوسة بقا🙃🙃💓💞

في عربية ملاك :-
ملاك : حسين اطلع على اي مول
حسن : حاضر
بعد مرور بعض الوقت:-
حسن : وصلنا يا اسد باشا
ملاك : طب تمام يلا
حسن : يلا فين يا فندم
ملاك : يلا عايزاك معايا جوة
حسن : حاضر يا فندم
في المول :-
و طبعا زيها زي اي بنت اول م بتدخل المكان دة مش بتطلع منه غير لما تدخل جميع المحلات و تلف بالساعات (بعد مرور ٤ ساعات):-
ملاك : يلا يا حسن
حسن بنهجان و تعب : يلا فين تاني يا فندم حضرتك مفيش محل دخلتيه غير لما تشتري منه دة انت حتى مسبتيش محلات لبس الرجالة في حالها غير كل دة احنا اديلنا ٤ ساعات بنلف انا تعبت و الله
ملاك بضحك : خلاص اخر محل دة اوعدك
حسن ببرطمة : انت قلتي الجملة في كل محل كنا بندخله و قال انا اللي كنت فكرك مش زي باقية البنات كالعادة بس لاء دة الظاهر ان دة طبع فيكم
ملاك : بتقول حاجة يا حسن
حسن : لاء يا فندم ولا حاجة
ملاك بضحك : طب يلا خلاص و الله العظيم دة اخر محل هندخله بعد كدة نروح محل عصير و اكل نجيب حاجة نشربها
حسن : حاضر يا فندم في نفسه: ربنا على الظالم و المفتري يا شيخة و حسبي الله ونعم الوكيل
فعلا دخله اخر محل و كان محل اطفال اشتريت منه حاجات كتير اوي بعد كدة طلعوا على محل اكل و عصير و جابوا حاجة يشربوها و كانت عازماه بعد كدة طلعوا للعربية.
في العربية:-
حسن : هتروحي على فين الاول يا فندم
ملاك : اممممم خلينا نطلع الاول على دار الايتام
حسن بابتسامة فهو يعلم انها دائما تذهب الى هناك بعد ان تشتري لهم الملابس : حاضر يا فندم
في دار الايتام :-
اول م الاطفال لمحوا دخول ملاك فضلوا يصوتوا من الفرحة و جريوا عليها كلهم مرة واحدة و وقعوها على الارض
ملاك بضحك بصوت عالي : منك لله يا حامد كل مرة اجي فيها كدة تكسرولي ضهري بالواقعة دي
حامد : انت اللي فافي اوي انا اعرف انت ازاي اصلا في شرطة و مخابرات و الكلام اللي مش قدك دة
ملاك بصدمة و هي بتشاور على نفسها : انا فافي يا عيل يا معفص انت ياض دة انت لسة بتعملها على السرير
حامد بردح : انا لسة بعملها على السرير دة تلاقيكي انت اللي لسة بتعمليها بس مخبية علينا يا اوزعة
ملاك بصدمة مما قاله : انا لسة بعملها و كمان اوزعة انت قصدك عليا انا ياااه
حامد : اومال هيكون قصدي مين يعني
ملاك لسة هترد بردح زيه : دة ا..
ايان : هاا؟! خلصتوا ولا لسة نسيبكم شوية كمان و بعدين انت يا كبيرة يا عاقلة هتعملي مخك ب مخ طفل عنده ٦ سنين دوسي على عاقلك شوية يا ماما
طبعا دة اول م اتكلم الاتنين سكتوا و كانوا خايفين منه
الاتنين (ملاك و حامد) في صوت واحد : احنا اسفين يا معلم
ملاك بابتسامة و فتحت ايديها: طب ايه هو انا موحشتكش ولا ايه
ايان و هو يجري على حضنها: طبعا وحشتيني و وحشتيني اوي كمان
حامد بتدخل : طب ايه مش ناويين تخلصوا فقرة العشق الممنوع دة
ايان نظرته كانت كفيلة بس انها تسكته
حامد : احم انا اسف يا معلم اتفضل كمل
ايان بعد م طلع من حضنها : هو انت بقا مش ناوية تجيبيه معاكي مرة نتعرف عليه انت من كتر م كنت بتحكي عنه متشوقين نشوفه
حامد بتدخل : اه و النبي يا ملاك علشان خاطري نفسي اشوفه اوي
ملاك بضحك على اسلوبهم : خلاص حاضر و الله بس انتوا عارفين اني ببقا مشغولة بس خلاص اوعدكم و الله اني هجيبه هنا في مرة و تقضوا يوم سوا ايه رايكم ؟!
حامد و ايان : طبعا موافقين
ملاك و هي تنهض من على الارض ف هي قد كانت جالسة معهم على الارض : خلاص اشطا كدة اتفقنا يلا بقا اسيبكم و امشي انا بقا
عصام و الذي كان قد دخل بعد دخولها بفترة و تابع حديثهم : ليه بس كدة م تخليكي شوية يا بنتي
ملاك : ايه دة انت جيت امتى
عصام : دخلت بعديكي بشوية
ملاك : طب تمام اسيبكم و امشي انا بقا
عصام : م تخليكي شوية
ملاك : لاء معلش و الله مشغولة و لسة ورايا كام حاجة كدة اعملها
عصام : طب تمام خلي بالك من نفسك
ملاك بغمزة : مش عيب عليك برضه تقول جملة زي دي لرائد في المخابرات
عصام بضحك : و الله يا بنتي على راي حامد دة انت كلك يا بنتي متر و نص
ملاك بعصبية طفلة : متقولش عليا متر و نص
عصام بضحك : خلاص يا ست مش هقولك متر و نص تاني
ملاك : ايوة كدة ناس مبتجيش غير بالعين الحمرا يلا اسيبك انا بقا و امشي اه صح بالحق يا حسن دخلت الحاجات
حسن : ايوة كل واحد الحاجات بتاعته في اوضته
ملاك : طب تمام يلا احنا بقا
حسن : يلا يا فندم
ملاك : يلا باي باي يا عصام
عصام : باااي
بعد م طلعوا :-
حامد : بخ مالك يا عم عصام ايه هي السنارة غمزت ولا ايه
عصام بسرحان : يا عم سنارة ايه و سمكة ايه بس
حامد بجدية : اومال في ايه حاسك كدة مش مظبوط
عصام : مش عارف و الله يا حامد بس حاسس كدة ان قلبي مقبوض و ان فيه حاجة وحشة هتحصل
حامد و قد بدأ هو الاخر في ان يشعر بالقلق و لكنه اخفاه بالضحك : يا عم في ايه انت اوڤر كدة ليه يا ابني دي اسد انت مستهون بيها كدة ليه
عصام و هو يهدأ قليلا و بدا الهزار معه : ماشي يا ابو نص لسان انت و شاله و بدا يزغزغه و حامد يضحك
استوووووب ثواني بقا كدة اعرفلكم الشخصيات الجديدة :-
عصام : دة صاحب الملجأ سنجل عنده ٣٠ سنة لسة بيدور على اللي قلبه يدقلها هو مش وسيم اوي بس برضه حلو بيتميز بشعره الاسود و الدقن السودة و العين الحادة لونها بني اه و دة صاحب الملجأ اللي ملاك كل شوية بتزوره
حامد : او زي م عصام و ملاك مسميينه ابو نص لسان عنده ٦ سنين بالرغم من انه في ملجأ للايتام بس هو مش يتيم و ليه حكاية حزينة شوية بس هنحكيها بعدين بيتميز بالعيون الملونة عنده عين لونها اخضر و عين لونها ازرق و دة بيديله جمال اكتر على جماله بس الناس اللي عقولها مريضة كانت بتتنمر عليه علشان عيونه بس هنا في الملجأ مفيش الكلام دة شعره بني فاتح طويل شوية شخصية مرحة اوي بيحب الضحك و الهزار بيعيط بسرعة و مش بيثق في الناس بسهولة ولا واثق في نفسه للدرجة اللي هي
ايان : عنده ١٠ بالرغم من سنه الصغير دة الا ان عقله اكبر من سنه بارد الشخصية شوية و دة طبعا بسبب اللي اتعرضله برضه ليه ماضي ممكن يقتل لو حد بس قرب من اللي بيحبهم بيكون شرس اوي عيونه بني غامق زي شعره و اطول من سنه
و بس كدة نرجع تاني :-
عند ادم :- (فاكرينه؟!)
ادم بعد اللي حصل دة في المديرية كان مصدوم شوية و دة طبعا لانه سمع كتير عن اسد دة بس مكانش متخيل انها تكون بالقوة دي (انت لسة شوفت منها حاجة دة انا هخليها تشعلقك و تبطل تبقا بتاع بنات بس الصبر عليا) بعد م روح غير هدومه لبيجامة بيت عادية و اتمدد على السرير و هو اصلا نسي اسد خلاص لسة هينام لقى فونه بيرن رد من غير م يشوف الاسم :-
ادم بنعاس : الو
الشخص : الو يا حبيبي وحشتني خالص
ادم بص على الفون لقى اسمها
ادم : الو يا ناريمان
ناريمان بدلع : ناريمان حاف كدة اخص عليك يا دومي
ادم : معلش و الله يا نيرو يا قلبي بس تعبان النهاردة شوية بسبب الشغل
ناريمان : ايه دة يا دومي يعني مش هنخرج النهاردة زي م اتفقنا
ادم و قد نسيها هي اصلا (طبعا م هما من كترهم على قلبك يا بتاع البنات يا حقير) : لاء لاء لاء ازاي بس انا اقدر برضه يا قلبي انسى حاجة مهمة زي دي بس معلش مش هقدر النهاردة اوعدك اني هعوضك المرة الجاية
ناريمان : خلاص يا حبيبي ولا يهمك انا مقدرة ظروف شغلك عايز حاجة يا بيبي
ادم : لاء يا قلبي باي
ناريمان : باي باي يا قلبي
بعد م قفلوا ادم حاول ينام تاني و لسة هينام الجرس رن
ادم بنرفزة : هو شكله مفيش نوم في اليوم المهبب دة منك لله يا اسد
ادم بعد م فتح فضل واقف من الصدمة من اللي شافه
عند الياس :-
بعد م روح و مامته استقبلته طلع اوضته علشان يغير هدومه و نزل علشان يتغدا مع عيلته :-
سعاد (مامت الياس) : مالك يا حبيبي شكلك مش مظبوط كدة ليه الياس الياس (بزعيق):الياااااس
الياس بخضة : نعم يا ماما في ايه بتزعقي ليه و انا قاعد جمبك اهو
سعاد : انت اه قاعد جمبي بس مش معايا
الياس : اومال هكون مع مين بس يا ماما
اياد (اخو الياس) : سيبيه يا ماما في حاله دلوقتي تلاقيه بس متعصب شوية
سعاد باستغراب : و يكون متعصب ليه يعني
اياد بشماتة اخ : اصل البيه ابنك اتعلم عليه النهاردة
الياس بصدمة : نعم انت مين اللي قالك كدة ياض انت ياااه
اياد باستغراب : هو ايه دة اللي مين اللي قالي دي مصر كلها عارفة يا ابني انت مبتفتحش سوشيال ميديا ولا ايه دة الفيديو اللي اتعلم عليك فيه مصر كلها شافته و تقريبا برة مصر ثم اكمل بضحك : بس ايه بقا حتة بت معفصة زي دي تعلم عليكم انتوا الاربعة مرة واحد اخص عليك اخص
الياس مسك فونه و فتح الفيس لقى الفيديو في وشه على طول و طبعا الكومنتات كانت زي اخر جملة قالها اياد كدة الياس بص بصدمة و قاله : هو الفيديو دة نازل من امتى
اياد : يعني بتاع نص ساعة كدة مثلا او اقل بحاجات بسيطة لاء بس ايه البت جامدة بصي كدة يا ماما
سعاد : يا نهار ابوك اسود
ابوه و هو نازل على السلم (صلاح) : و هو ابوه ماله بس طيب
سعاد : تعالى شوف ابنك اتعلم عليه من عيلة صغيرة عندها ١٧ ١٨ سنة
صلاح و هو بيقعد على السفرة اياد : بص يا بابا هي دي
صلاح بعد م ركز هي مين دي راح بص بصدمة لالياس و قاله : انت قابلتها فين دي
الياس باستغراب : هو حضرتك تعرفها يا بابا
صلاح و هو لسة بصدمته: و هو فيه حد ميعرفش دلوقتي مين دي
اياد بفضول : مين دي يا بابا ها مين دي
صلاح : اسد
اياد كان بياكل و شرق : نعم انت قلت مين هو اللي سمعته دة صح
الياس باستغراب : انتوا تعرفوها منين طب هنقول بابا عارفها لانه كان لواء قبل كدة و اكيد صحابه او حد قاله هي مين بس انت مال وشك اصفر كدة اول م عرفت هي مين
اياد : اوعى تقولي انك متعرفش مين اسد
الياس : لاء طبعا عارف مين هي اسد
اياد : يا ابني دي كل يومين بتاخد التريندات لحسابها
الياس : معقولة مشهورة اوي كدة
اياد : ييبيييي دي مشهورة جدا فكك انت من الكلام دة كله قلي انت كويس وشك كويس ولا جراله حاجة دي ادتك بوكس من بتوعها و بيقولوا على ايدها دي انها ايه مرزبة و خصوصا في البوكسات
الياس بتذكر البوكس اللي خده منها في نفسه : و انت جاي تقولي دلوقتي انت كمان اااه دي ايدها دي مع انها مايبانش عليها حاجة
اياد : اليااااس
الياس : ايه يا ابني
اياد : مالك سرحت في ايه
الياس : مفيش
صلاح : خلاص كفاية مناقرات بقا و اتطفحوا و انتوا ساكتين
الاتنين : حاضر يا فندم
سعاد بضحك : متجوش غير بالعين الحمرا
سعاد بتذكر و توترت : اه صح يا الياس كنت عايزة اتكلم معاك في موضوع كدة
الياس : مع اني عارف انت عايزة تكلميني في ايه بس اتفضلي ولا اقولك اختصارا للحوار مين العروسة المرة دي

ستووووووب لحاد كدة
يا ترى عصام هيطلع عنده حق ولا كان مجرد احساس ؟!
مين العروسة اللي سعاد جايباها لالياس؟!
و يا ترى ادم شاف ايه خلاه يتصدم ؟!