انتقام الوحش

البارت ال١١

متنساش الفوت قبل م تبدا بقا يا رايق 🙃😘💘💞

عند عمر و صقر :-
وصلوا ل بيت عمر و عمر فتح الباب و دخل هو و صقر و حازم اول م شاف صقر جري عليه و صقر فتحله دراعه و حضنه و شاله من على الارض و حازم كان فرحان اوي لانه شافه و فضل يضحك لما صقر دار بيه ، هويدة لما سمعت زيطة افتكرت شادي جه ف نزلتله على طول باللبس اللي كانت مش لابساه :-
هويدة بفرحة و هي ناولة من على السلم من غير م تشوف مين : ايه دة اخيرا جيت يا حبيبي و بصت و سالت عمر : اومال فين شادي
عمر ببرود : معرفش
و صقر كان بيحاول يتفادى يبصلها خالص علشان قميصها كان قصير خالص و مكشوف جدا و عمر كذلك برضه
عمر بسخرية : ايه مش ناوية تطلعي تلبسي حاجة بدل اللي انت مش لابساه دة يا هويدة هانم معايا ضيوف
هويدة بدلع : بعني هو صقر بقا ضيف دة حتى زي ابني
عمر بسخرية : صح اصل ابنك هيبقا اصغر منك ب ٨ او ٩ سنين
هويدة اتغاظت من كلامه بس طبعا لسة واقفة و عمالة بتبص ل صقر و هو مطنشها .
حازم بطفولة : ابيه صقر ابيه عمر هو انتوا اتعشيتوا ولا لسة
عمر بسرعة قبل م صقر يتكلم : لاء يا حبيبي لسة انت جعان ؟
حازم بدموع في عينه : اصل مامي.....
هويدة بمقاطعة : اصل انا سالته تاكل ولا لاء قالي لاء انا مستني ابيه عمر لما ييجي يتعشى معايا
صقر بص ل هويدة باستحقار و بعد كدة بص لحازم و سأله: خلاص يا زوما ولا تزعل نفسك اطلع البس يا حبيبي و اخدك انا و ابيه عمر و نتعشى برة ايه رايك
حازم بفرحة : طبعا موافق بس بابي و مامي
عمر بضيق بس حاول ميبينلهوش : لا يا حبيبي بلاش خلينا لوحدينا كدة احسن علشان نفسنا حتى متتسدش عن الاكل (طبعا قال الكلام دة و هو بيبص ل هويدة من تحت ل تحت )
حازم بضحك : خلاص حاضر هروح انا اغير هدومي بقا بسرعة و اجيلكم
و صقر نزله على الارض و حازم طلع جري على اوضته بسعادة كبيرة
هويدة بدلع : متتفضل تقعد يا صقر انت مش غريب ، ثم اكملت بضحك (بالنسبالها هي كدة دمها شربات بس في الحقيقة هو يلطش) : ولا تحب اقولك يا سيادة الرائد صقر (و ضحكت ضحكة خليعة ملناش دعوة بيها 🙂🙂)
صقر بابتسامة صفرا : لاء و على ايه يا هويدة هانم دة انت حتى لسة قايلاها اني زي ابنك ثم بقا احنا بس هنستنى حازم يخلص و نمشي
عمر بهمس لصقر : هسيبك انا بقا و اطلع ل حازم علشان احطله لبس في شنطة علشان نقعد معاك علشان بعد اللي شوفته ناويها على اقامة
صقر بهمس زيه : لاء ليه الوطينة دي بس دة انا طلعت جدع معاك عايز انت بقا تطلع واطي و تسيبني مع الولية دي لوحدي دي شوف بتبصلي ازاي اما بالنسبة ل لبس حازم عادي يبقا يلبس مع رعد زي م انت هتلبس معايا
عمر لسة هيرد عليه لقا هويدة لسة واقفة فقالها : في حاجة يا هويدة هانم
هويدة : اه فيه كنت مستنياك تخلص كلام مع صاحبك علشان عايزة اعرف انت واخد ابني على فين علشان مش متطمنالك
عمر بضحك : تصدقي ضحكتيني على العموم متقلقيش عليه دة اذا كنت قلقانة عليه فعلا ، ثم اكمل بنظرة خبث و شر : انا بخاف عليه اكتر منك انت كأم دة حتى اصلا متستحقيش اللقب دة
هويدة بغيظ : ازاي يعني هتخاف على ابني اكتر مني
عمر بسماجة : اه و اركني بقا كدة على جمب شوية
هويدة لسة هترد حازم جه جري عليهم و هو يقول بفرحة : انا خلاص خلصت اهو
صفر شاله : طب خلاص يلا بينا ها تحب تتعشى ايه بقا انت اللي هتعشينا النهاردة على ذوقك
حازم : يعني انا لو قلت اي حاجة هتأكلوهالي
عمر : طبعا يا سلام هو احنا عندنا كام زوما بيه يعني
حازم بتكبر مصطنع : قصدك القبطان حازم الدمنهوري
صقر و بدا يزغزغه : احلى قبطان دة ولا ايه يا ناس
هويدة بمقاطعة : متبقاش تتاخر يا حازم و انت يا عمر متأخرهوش علشان ميعاد نومه
عمر ببرود : على فكرة احنا في اجازة و نيجي وقت م نيجي براحتنا متشغليش بالك انت بس يا هويدة هانم يلا بقا يا صقر علشان نفسي متتسدش زيادة عن كدة ... و سابوها بغيظها و مشوا ... في العربية :-
حازم بخوف : ابيه عمر
عمر : نعم يا حبيبي
حازم : ممكن منتأخرش برة
عمر : حبيبي احنا مش هنروح النهاردة اصلا هنبات عند صقر ايه رايك
حازم و عينه بقا فيها دموع : لاء خلاص نزلني انا مش لازم اتعشى هاكل اي حاجة من التلاجة و خلاص
صقر بقلق : مالك يا حبيبي فيك ايه متخافش انت هتبات مع قمر و رعد مش انتوا خلاص بقيتوا صحاب
حازم و بدا يعيط : ايوة بس مامي كدة هتضربني و هتحبسني في الاوضة تاني زي م عملت امبارح
عمر بصدمة : امبارح مش انا كنت معاك امبارح
حازم : ايوة بس حبيتني في الاوضة بعد م انت مشيت و بابي نام نزلت و فضلت تضربني و بعد كدة حبستني في الاوضة و مش خلتني افطر
عمر بغضب بس بيحاول يسيطر على نفسه : طب و مقولتليش ليه
حازم : كنت خايف
صقر : خلاص يا حبيبي متخافش انا و ابيه عمر هنبقا معاك و مش هتقربلك تاني
حازم بعياط : لاء هي بتستنى لما ابيه عمر يمشي من البيت و بابي يبقا نايم
عمر و هو بيقعده على رجله : طب ايه رايك بقا انه وعد مني مش هخليها تقربلك تاني
حازم : بس هي
عمر : من غير بس انا عمري وعدتك وعد و موفتش بيه
حازم : لاء
صقر يبقا خلاص بقا و تمسح الدموع دي اشطا
حازم و هو بيمسح دموعه : اشطا
عمر : يبقا يلا بينااا
⁦(◔‿◔)⁩⁦(◔‿◔)⁩⁦(◔‿◔)⁩⁦(◔‿◔)⁩⁦(◔‿◔)⁩⁦(◔‿◔)⁩⁦(◔‿◔)⁩⁦
في بيت صقر :-