انتقام الوحش

البارت السادس

يا جماعة حقيقي الرواية مش واخدة حقها يعني ليه يبقا فيه ٥٠ واحد يشوف البارت و ٤ ولا ٥ بس منهم يعملوا فوت بجد بحس ان الرواية وحشة و مع ذلك بتعب جدا في البارت و بحاول اجيب افكار جديدة متكتبتش قبل كدة 🥺🥺🥺💔💔ف متنساش بقا الفوت او النجمة قبل م تبدا و لو كتبت كومنت حلو كدة تشجعني فيه يبقا كتر خيرك يا باشا و متشكرين 🙃🙃🙃😘💙🌍

ملاك بخضة : سامر ماله فارس سا سامر روحت فين لكن لا حياة لمن تنادي ف الخط قطع و ملاك حاسة انها تايهة و مش عارفة تعمل حاجة خالص و عينها اتملت دموع بس على طول و استعادت و عيها و عرفت تفكر قامت من مكانها و الفريق حاول يمنعها بس هي اصرت و زعقت جامد فيهم و مسكت السنادة (الصراحة مش عارفة اسمها ايه بس اللي هي العصاية اللي الناس بتمشي بيها دي لما يكون في رجلهم حاجة) و حاولت تطلع و ادم وقف قدامها : ملاك انت حالتك لسة مش مستقرة
ملاك و عينها كانت اسودت : ابعد عن وشي يا ادم و لسة هتطلع من باب الاوضة افتكرت ان العربية متفحمة ثم التفتت اليهم و قالت عايزة مفتاح عربية حد فيكم
الياس : و احنا كدة كدة اصلا كلنا جايين معاكي ادهم بس يروح طنط صفاء و رعد و قمر البيت
ادهم باعتراض : لاء طبعا مش هسيبكم
الياس بعصبية : ادهم مش وقته احنا هنا كلنا مخابرات علشان لاقدر الله لو فيه حاجة هنعرف نتصرف و يلا بسرعة
و فعلا مكنش ينفع حد يناقش الياس و الفريق كله اتوجه على العربيات تحت و ادهم هيعمل زي م الياس قال :-
ادهم : يلا يا طنط علشان اوصل حضرتك
صفاء بابتسامة : معلش يا ابني انت شايف البنية كانت عاملة ازاي و هو برضه بيتكلم صح
ادهم و فعلا هدي شوية : فعلا معاكي حق
صفاء : يلا يا حبيبي هشيل عنك قمر و انت شيل رعد
ادهم بضحك : هو انا علشان مش مخابرات يعني مقدرش اشيلهم الاتنين لاء خلي انا قوي اوي كمان
صفاء بضحك على اسلوبه : خلاص يا ابني اللي يريحك و فعلا ادهم شال قمر على كتف و رعد على الكتف التاني علشان كانوا نايمين و نزل بيهم و صفاء معاه حط قمر و رعد في الكنبة اللي ورا و صفاء ركبت جمبه قدام
عند الفريق (عمر الياس ملاك صقر ادم) :-
عمر في عربيته و صقر و ادم في عربية صقر و ملاك و الياس في عربية الياس و دي كانت العربية الاولى علشان محدش يعرف الطريق طبعا غير ملاك :-
في عربية الياس :-
ملاك قاعدة متوترة جدا و خايفة اوي و عينها فيها دموع بس ماسكاها بالعافية علشان متبينش ضعفها و عمالة تقول : يارب استر يارب يارب ميحصله حاجة وحشة يارب دة هو اللي باقيلي في الدنيا دي يارب و عمالة تكرره
الياس شافها متوترة كدة ف حب يخفف عليها التوتر شوية : ممكن بس تهدي شوية متقلقيش ان شاء الله يكون كويس
ملاك : يارب يارب يارب
الياس بضحك : بس ايه اول مرة اشوفك خايفة اوي كدة لاء اجمد كدة شوية مينفعش
ملاك ساكتة و مش قادرة ترد عليه و عمالة تدعي و بس الياس لسة هيتكلم تاني
ملاك : الياس ادخل في الشارع دة
الياس : حاضر و ملاك فضلت تدخله في شوارع لحاد م اخيرا وصلوا و اول م وصلوا و ملاك شافت الحريقة اتجمدت مكانها و مقدرتش تتحرك
عند ادهم في عربية ادم (يا جماعة عمر و ادم و ادهم لما طلعوا ورا الياس ادهم مكانش معاه عربيته ف علشان كدة ركب في عربية ادم) :-
ادهم و هو بيسوق جاله فون ادهم شاف الاسم و كنسل عليه بس طبعا شخص زنان و فضل يرن كتير لحاد م زهق و رد :-
ادهم : الو
الشخص : ايه فينك كدة
ادهم: سافرت
الشخص : ايوة م انا عارفة انا قلت بس اتصل عليك و اتطمن
ادهم : لاء متقلقيش انا كويس يلا سلام بقا
الشخص : استنى بس يا حبيبي الا قولي انت روحت عند اللي ما يتسمى دة
ادهم و هو بيسب و يلعن الشخص في سره : ملكيش دعوة
الشخص بزعيق : مليش دعوة ازاي يعني انا *** يبقا ازاي مليش دعوة
ادهم : اه عنده هتعملي حاجة يعني (طبعا كلنا عرفنا مين اللي م يتسمى😂😂)
الشخص : كنت عارفة ان الزفت دة
قاطعها ادهم قائلا بزعيق : قولتلك مية مرة متقوليش عليه كدة دة اخويا مهما ايه اللي حصل دة اولا ثانيا بقا هو مكنش يعرف اصلا اني نازل و قفل السكة على طول ثم تنهد بقوة
عند الفريق :-
ملاك و هي نست ان مينفعش تمشي على رجلها راحت حارية على الفيلا بسرعة و فضلت تعيط و الفريق جمبها بيسألها : في حد جوة
ملاك لسة هتدخل في وسط النار راحوا مسكوها
ادم بسرعة و ذكاء : كلنا هندخل معادا شخص واحد بس اللي يفضل هنا علشان يمسك لو لقينا حد جوة
صقر : خلاص خشوا انتوا و انا هفضل. واقف هنا و احاول اهديها
و فعلا الكل نفذ كلام ادم و دخل عمر و الياس و ادم للفيلا جوة و فضلوا يدوروا و ملاك واقفة بتعيط برة و بتحاول تدخل و صقر ماسكها بيمنعها و فجاة جات عربية لونها اسود و نزل منها شخص و جري على ملاك :-
الشخص بخوف : انت بتعملي ايه هنا و مش جوة ليه و ايه اللي حصل م تردي عليا
صقر بتدخل : هترد عليك ازاي انت مش شايف حالتها انا صحابي جوة بيدوروا لو فيه حد جوة في الفيلا و انا واقف هنا علشان مينفعش يدخلوا و يخرجوا كل شوية باشخاص و اللي يلاقيهم هيفتحوا اي شباك و انا همسكهم من هنا و اتصلت بالمطافي علشان تيجي بس لسة مجاتش اما بالنسبالها ف عملت حادثة و كانت في المستشفى
جوة في الفيلا :-
عمر و هو عمال ينادي فيه هنا حد و كان معدي من قدام اوضة سمع صوت طفل عمال يعيط جامد اوي كسر الباب و دخل :-
عمر : مين هنا انت فين
الطفل : انا هنا اهو و طلع ل عمر و هو لسة بيعيط عمر و هو بيتطمن عليه بخوف حقيقي : انت كويس حصلك حاجة يا حبيبي
الطفل : لاء بس خايف اوي
عمر : متقلقش انا هنا فيه حد تاني هنا معاك
الطفل : اه الدادة
عمر : طب يلا احنا دلوقتي مفيش وقت و راح عمر شايل الطفل و هو طالع شاف ادم و الياس و معاهم واحدة ست مغمي عليها بس كان اغمى عليها بعد م قالتلهم ان مفيش حد تاني هنا
عمر لسة هيتكلم الياس : يلا مفيش حد تاني هنا يلا احنا كمان بسرعة و فضلوا جوة شوية بيدوروا على مكان للخروج
الطفل بذكاء : من المكتب بسرعة نخرج من المكتب فيه مكان للهروب في حالات الطوارئ اللي زي دي و فعلا راحوا كلهم المكتب و الطفل شاورلهم على باب الخروج و كان باب سري و فعلا خرجوا كلهم من الباب و طلعوا لقوا ملاك في حضن الشخص الغريب بالنسبالهم و ملاك اول م شافت الطفل : جريت عليه بسرعة و خدته في حضنها و هو اول م شافها عيط تاني و حضنها جامد اوي ملاك و هي بتطلعه من حضنها و بتتفقده : حبيبي انت كويس فيك حاجة حصلك اوديك المستشفى
الطفل : لاء الدادة اللي المفروض تروح المستشفى
ملاك : صح الدادة نسيت و كان الياس و ملاك ركبوها عربية صقر لان السقف بتاعها ممكن يتفتح
ملاك راحت للشخص : سامر يلا بسرعة نوديها المستشفى
عمر و كان سمعها : ملوش لزوم هو بس نفسها ضاق من الدخان و شوية و هتفوق على طول
الطفل و هو واقف جمب ملاك و مسك دراعها اللي ملفوف بالشاش علشان الطلقة(انا برضه معرفش بيبقا ملفوف ب ايه ف سلكوا 🙂👉🏻👈🏻) : ماما ماما هو دراعك ماله في ايه
الفريق و المتابعين بصدمة : ماامااا
ملاك بتجاهل : متقلقش يا حبيبي حادثة بسيطة بس
الطفل : ازاي بس يا ماما حادثة بسيطة
ملاك : متقلقش و الله يا حبيبي و كمان روحت للدكتور قالي مش حاجة كبيرة
الطفل : طب و راسك ملفوفة كمان ليه
ملاك : فارس حبيبي بالله عليك انا اصلا لحاد دلوقتي رجلي مش شايلاني و قلبي واجعني بسبب اللي حصل دة و انت كدة بتتعبني اكتر
فارس و هو بيحضنها : خلاص اسف و الله بس انا كنت قلقان عليكي
ملاك : عارفة يا حبيبي متقلقش
سامر : ملاك هتعملي ايه دلوقتي فارس هيبات فين
ملاك : اه صح هو مينفعش يبات معايا لان اي حد ممكن يوصلي بسهولة بس لما ببقا لوحدي بعرف اتصرف
سامر : طب اخده معايا انا كدة كدة اصلا محدش يعرفني
ملاك : سامر انت اصلا مش بتبطل سفر هتاخده بقا معاك في كل مكان هتسافره
سامر : صح عندك حق
الياس بتدخل : انا عندي فكرة حلوة
ملاك و سامر بصوا ل بعض و سامر اكنه بيقولها ب عينه مين دة ف بصتله بمعنى هقولك بعدين
ملاك : اتفضل
الياس بذكاء : عمر و عنده ظروف خاصة ف مينفعش و كمان هو بيبقا طول اليوم برة مش بيروح غير على النوم و ادم ميعتمدش عليه يعني منصحكيش انك تقعديه معاه كتير و مامت صقر مش هتقدر على تلاتة لوحدها دة كفاية بس قمر دة غير ان صقر برضه مبيقعدش في البيت يبقا مفيش غير حل واحد بس
ملاك : و اللي هو
الياس : عندي في البيت ماما هتقدر تاخد بالها كويس اوي منه و احنا عندنا في البيت حراس كتير اوي و محدش بيقدر يدخل او يخرج من البيت
ملاك : لاء طبعا مينفعش انا مش عايزة ادوش حد بمشاكلي او ازعجه معايا
ادم : ايه الكلام اللي انت بتقوليه دة معنى كدة ان لو اي حد فينا في مشكلة و في ايدك انك تساعديه مش هتساعديه
ملاك : طبعا مقصدش كدة بس
صقر : من غير بس احنا خلاص بقينا فريق واحد ولا انت ليكي راي تاني
ملاك بتردد : بس
الياس : من غير بس و ادم و صقر عندهم حق احنا محدش فينا هيتاخر في انه يساعد حد في مشكلة بس انا الوحيد اللي ظروفي سامحالي اني اخده معايا البيت و ماما و بابا مش هيمانعوا خالص بالعكس دول هيرحبوا جدا
ملاك بصت ل سامر و هزلها راسه بمعنى وافقي و بصت ل فارس لقت في عيونه القبول
ملاك : طب هو انا ينفع ازوره
الياس : البيت هيبقا بيتك تقدري تروحي تزوريه في اي وقت حتى لو انا مش موجود هو هيبقا في ايد امينة متخافيش عليه
ملاك : متاكد ان مش فيها اي ازعاج
الياس بضحك: و هو لو كان هيبقا في ازعاج كنت هقولك على الفكرة دي
ملاك بتنهيدة : خلاص ماشي ثم وجهت كلامها ل سامر : ابقا اتصل على حد يوصل الدادة لبلدها لان حياتها هي كمان بقت في خطر بس في وسط اهلها لاء و سامر سمع الكلام و كلم حد جه اخد الدادة و يوصلها البلد
و كل واحد ركب العربيات :-
صقر و ادم في عربية صقر علشان ادهم هيستناه عند صقر
الياس و ملاك و فارس في عربية الياس
سامر في عربيته علشان يتطمن على ملاك و يتكلم معاها شوية
عمر في عربيته علشان يروح
عمر روح بيته و دخل اوضته اخد شاور و نام على طول من تعب اليوم
ادهم بعد م روح صفاء و قمر و رعد دخلهم يناموا على سرايرهم و فضل قاعد شوية بعدها ادم و صقر وصلوا و صفاء مسكت فيهم علشان يتعشوا و خلصوا و ادم و ادهم روحوا و خدوا شاور و ناموا و صقر دخل ياخد شاور و نام و صفاء نامت
عند الياس و ملاك :-
الياس و صل القصر الحراس فتحوله الباب و لعربية سامر لانه كان مع الياس ف سمحوله بالدخول و سابه عربياتهم في الجراج الياس و هو بيفتح الباب بالمفتاح (ملحوظة هما كانوا بالليل الساعة ١ كدة) و لقا اهله متجمعين في غرفة المعيشة :-
الياس : السلام عليكم
الكل في صوت واحد : و عليكم السلام
سعاد : بقا كدة يا الياس تاخر كل دة
اياد بتهدئة (و طبعا العكس) : و ايه الجديد يعني يا ماما م ابنك طول عمره كدة لازم يقلقك عليه ي اما يبات برة البيت ي اما يرجع متاخر
الياس : ملكش دعوة ياد يا رخم انت يااه
سعاد لسة هتبدأ في الاسطوانة بتاعتها الياس قاطعها و قال : ماما حبيبة قلبي انا معايا ضيوف مش دلوقتي خالص الاسطوانة و النبي
سعاد باستغراب : ضيوف مين يابني
الياس : اتفضلوا يا جماعة
ملاك دخلت اول واحدة و بعدها فارس و سامر :-
الياس : اعرفك يا ماما دي ملاك زميلتي في الشغل و اكمل بضحك و الباقيين بقا معرفهمش
فارس : ازاي يعني متعرفنيش مع انها نطقت اسمي قدامك انا فارس يا طنط ابن ملاك و دة سامر في مقام اخوها الكبير بالظبط
سعاد بفرحة و نست اللي حوليها : ياخلاثي على العسل الصغنن دة و قولي بقا يا حبيبي انت عندك كام سنة
فارس : عندي ٩ سنين
سعاد : يلهوي على القمر يا ناس
اياد و هو بيبص ل ملاك لكنه بيكلم سعاد : طبعا يا ماما انت مش شايفة امه عاملة ازاي
ملاك بصتله من فوق ل تحت كدة بقرف و سكتت
اياد : ايه يا عسل مش هتردي ولا ايه
ملاك : مش عايزة ارد عليك
الياس بضحك : احسن كان غيرك اشطر ياخويا دي مش هتعرف تاخد معاها لا حق ولا باطل
صلاح و اخيرا اتكلم و بيبص ل ملاك بنظرة شك : هو انا شوفتك فين قبل كدة
ملاك و انتبهتله و بتركز في ملامحه : اممم مش عارفة بس هو حضرتك تعرفني
صلاح : حاسس ب كدة ثم تذكر من هي و نظر بصدمة لها : هو كان انت
الكل انتبهله و ملاك مش فاهمة حاجة : مش فاهمة حضرتك هو ايه دة اللي كان انا
صلاح : خلاص مش مهم
الياس : ملاك اعرفك على عيلتي دي ماما و دة بابا اللواء سابقا صلاح المغربي و دة اخويا الصغير اياد ٢٢ سنة
ملاك و هو بتركز في حاجة و بتقول في سرها بس هما سامعينها : صلاح المغربي صلاح المغربي سمعت فين الاسم دة قبل كدة و اخيرا افتكرت
Flash back:-
ملاك : يا فندم بلاش
اللواء سراج : اسمعي بس انا عارف انك مش واثقة فيه بس انا واثق فيه جدا دة الوحيد اللي هيقدر يسفرك
ملاك بتردد : موافقة بس بشرط
اللواء سراج: ايه تاني
ملاك : مش هيشوف وشي
اللواء سراج بضحك : عارف اني لو منفذتش الشرط دة مش هتوافقي ف مضطر اني اوافق
ملاك : هو اسمه ايه
اللواء سراج: صلاح المغربي
ملاك : طب و هو هيتاكد انه انا منين
اللواء سراج: هبعتله صورتك
ملاك : نعم لاء طبعا اما انا بقول مش هيشوف وشي تروح باعتله صورة
اللواء سراج: ملاك لو عايزة تطلعي المهمة دي يبقا تسمعي الكلام بقا و يا ستي هبعتله صورة مغبشة الملامح مش هتبقا واضحة حلو كدة
ملاك : بس
اللواء سراج: ملاك انا تعبت من المناهدة معاكي و دي اخر كلمة هقولها
ملاك بضحك : قول بقا انك انت اللي عجزت و مبقتش زي الاول
اللواء سراج: امشي يا بت من هنا احسن احدفك ب حاجة
ملاك بضحك و هي بتقوم تجري و تفتح الباب و تهرب من قدامه: ملاك بقيت قفوش كدة ليه الله بهزر يا رمضان مبتهزرش
اللواء سراج حط ايه على قلبه : اه يا جزمة رفعتيلي الضغط اطلعي برة يا بت
ملاك بضحك : خلاص يا عم مالك بقيت فافي كدة و عجزت
المرة دي سراج مسك حاجة في ايده و ملاك هربت من قدامه و قفلت الباب
End Flash back:-
و بصت بصدمة و قالت : هو حضرتك اللي
صلاح بابتسامة جانبية هز راسه بمعنى ايوة
ملاك : تشرفت يا فندم
صلاح و هو لسة بنفس الابتسامة : الشرف ليا انا و انهى كلامه بغمزة
اياد : الحقي يا سوسو ابو صلاح هيطير منك
صلاح : بس ياد انت يااه
اياد : احم حاضر يا حاج
الياس : خلاص بقا ماما بابا ممكن بس فارس يقعد معاكم كدة فترة
سعاد بفرحة : طبعا يا سلام دة ينور بس باباه هيوافق على حاجة زي دي
ملاك بتدخل و حزن لكن حاولت تخفيه : باباه الله يرحمه يا طنط
سعاد : انا اسفة يا بنتي مكنتش اقصد
ملاك : لاء عادي ولا يهمك يا طنط
الياس : ها يا بابا قلت ايه
صلاح : معنديش مشكلة خالص دة ابن الغالية برضه
الياس بشك : بابا هو حضرتك تعرفها
صلاح بثقة : انا اعرفها اكتر م انت تعرفها اصلا
سعاد بانسحاب لانها حست انهم عايزين يقولوا حاجة  : طب انا هاخد القمر الصغنن دة و اطلعه ل اوضته علشان باين عليه تعبان و نعسان و هاكله الاول و بعد كدة ياخد شاور و ينام ايه رايك يا قمر
فارس بص ل ملاك بمعنى اروح ف هزتله راسها و راح مسك ايدها و قال : يلا طنط
سعاد بفرحة : يلا يا قلب طنط و طلعت و اياد جاله فون من صاحبه و طلع لاوضته
و فضل الياس و ملاك و صلاح و سامر :-
صلاح : تعالي عاوز اتكلم معاكي
ملاك : حاضر يا فندم و راحت وراه على المكتب و قفلت الباب وراهم :-
صلاح : هو بجد انت
ملاك : اه بعد م افتكرت اسم حضرتك عرفت كان قصدك ايه
صلاح : انا مكنتش متوقع خالص انك بنت
ملاك : عارفة و محدش يعرف اصلا الجنس ايه
صلاح بضحك : م انا عارف انا ذات نفسي مكنتش مصدق
برة عند الياس و سامر :-
الياس : هو حضرتك تقربلها ايه
سامر : زي م سمعت فارس بالظبط اخوها الكبير
الياس : يعني مفيش اي حاجة بينكم
سامر بضحك : هو انت بتسال ليه هو انت فيه حاجة بدات تحسها
الياس : لاء طبعا بس اللي عرفته من شخصيتها انها مش اجتماعية و مش بتحب حد يقرب منها او يدخل حياتها يعني
سامر بحزن حقيقي: دي مش ملاك اصلا ملاك مش كدة خالص بس هي بقت كدة بسبب اللي حصلها زمان
الياس بفضول : و هو ايه اللي حصلها زمان
سامر : بص هو انا مقدر اقولك او احكيلك اي حاجة ملاك لو وثقت فيك فعلا و قدرت تدخل حياتها هتحكيلك على كل حاجة بس انا مقدرش احكي
و خلص كلامه من هنا و ملاك و صلاح دخلوا من هنا و صلاح مسك في ملاك و سامر انهم يباتوا معاه النهاردة و سامر و ملاك وافقوا و الياس وراهم اوضهم و ملاك خدت لبس من الياس بس طبعا كان واسع عليها جدا لكن سامر اللبس كان على قده نظرا لان الاتنين نفس الجسم و كل واحد اخد شاور و نام
في مكان مجهول اول مرة نروحه يدخل شخص ليجد زعيمه بانتظاره :-
الزعيم : ها ايه اخر الاخبار
الشخص : العربية بتاعتها اتقلبت و محدش يعرف عنها حاجة يعني تقدر تقولها باي باي و اخيرا عرفنا نوصله و ولعنا في الفيلا
الزعيم بغموض : لاء دي زي القطط بسبع ارواح مستحيل نتخلص منها بالسهولة دي خلاص روح انت دلوقتي
الشخص : حاضر يا زعيم
طبعا احنا عرفنا هما بيتكلموا على مين بس يا ترى مين دول ؟!
و ايه علاقة صلاح ب اسد ؟!
و مين سامر دة هنعرفه بالتفصيل في البارت الجاي
و متنسوش بقا الفوت او النجمة بتاعتي بقا ها ؟!🙃
بتعب جدا و الله و انتوا مش مقدرين دة🥺🥺🥺💔💔