انتقام الوحش

البارت ال١٩

بعتذر جدا عن التأخير اسفة و الله 🥺🥺♥️
يلا صلوا عالنبي و نبدأ البارت 🙃♥️

- الله المكان دة حلوة اوي .. قال تلك الجملة و هو يدور حول نفسه و يضحك بفرحة ...
_ حبيبي
- انت مين
_ كدة يا حبيبي مش فاكرني انا ماما
- دقق قليلا في ملامحها ثم اردف بصدمة : فعلا دي انت ... جري عليها و حضنها جامد
/ بقا كدة يعني هي توحشك و انا لاء
- بابااااا حبيبي وحشتني اوي
/ انت اكتر يا حبيب بابا
- يقول و الدموع تلمع في عينه : انتوا واحشني اوي مش ناويين ترجعوا بقا
/ متقلقش يا حبيبي قريب و قريب جدا كمان هاخدك في حضني و ماما كمان هتبقا معايا .. ثم اكمل و هو يغمزله : و معايا هدية كمان
- بجد يا بابي بس هدية ايه
/ الاب و هو يمسك يد زوجته : قريب اوي يا حبيبي متقلقش ... و بدأوا بالابتعاد عنه
- مامي بابي متمشوش و النبي بلاش تسيبوني لوحدي
/ انت مش لوحدك متقلقش هنتقابل قريب اوي

نهض بفزع من نومه و العرق على جبينه و دموعه تهبط ظل يتنفس بسرعة حتى هدأ قليلا و انتظمت انفاسه : خير اللهم اجعله خير .. بابا ماما .... ثم وضع وجهه في يده ..... الله اكبر الله اكبر..... : دة صوت الاذان هقوم اتوضى و اصلي و اشرب ماية ... بالفعل نهض من سريره و فتح الباب و نزل الى الاسفل وجد من يجلس امام التلفاز .... احم احم ... التفت اليه و قال : ايه دة يا حبيبي انت صحيت ليه
فارس : حلمت بحلم جميل اوي
الياس باستغراب : و قمت منه
فارس : حلمت ب بابا و ماما بس سابوني و مشيوا ف انا قمت من النوم مفزوع
الياس : تيجي طيب نقعد مع بعض شوية و بعد كدة نطلع ننام
فارس : ماشي
الياس : يلا تعالى نصلي الاول
فارس : انا اصلا قمت من النوم و بعدها على طول سمعت صوت الاذان قلت اما انزل اشرب ماية و اتوضى و اصلي
الياس : ايه دة انت بتصلي
فارس : اه طبعا اومال انت كنت فاكر ايه
الياس : يعني كنت فاكرك مش بتصلي علشان لسة طفل و كدة
فارس : لاء ملاك معلماني الصلاة و كنت دايما بصلي انا و هي جماعة و لو هي مش موجودة كنت اصلي مع الدادة و لو الدادة مش فاضية كنت اصلي لوحدي المهم يعني اني مكنتش بفوت صلاتي
الياس بإعجاب : طب و الله جدع اوي يلا ندخل نتوضى و نصلي و ناخد ثواب الجماعة اشطا كدة
فارس و هو يسقف بيده : اشطا بس اسبق انت لحاد م اروح اشرب ..... ذهب الياس الى الحمام ليتوضى بينما ذهب فارس الى المطبخ ليشرب ثم صعد الى الاعلى ليتوضى هو الاخر و يصلي مع الياس

_______________________

في صباح اليوم التالي :-

نهضت ملاك من نومها و ذهبت الى الحمام لتغسل وشها بعد ذلك دلفت الى غرفة فارس لتفتح الستارة و يدخل نور الشمس و هي تقول : يلا يا فارس يلا يا حبيبي قوم بقا كفاية نوم كدة قوم علشان تفطر يلا .... ثم توجهت الى الفراش لتزيح عنه الغطاء لتنصدم بوجود الياس و نومه بجانب فارس

ملاك بتمتمة : هو انا دخلت الاوضة الغلط ولا ايه
فارس : ملاك اقفلي النور دة و اقفلي الباب و اطلعي برة
ملاك بسخرية : اطلع برة دي اخرتها اطلع برة
فارس بانزعاج : ملاك يلا بقا و النبي عايز انام شوية كمان شوية صغيرين بس بالله عليكي
ملاك : لاء و يلا قوم
الياس بنعس : خلاص خلصته نقاش يلا يا ملاك اعملي زي م فارس قالك انا منمتش غير الفجر
فارس : و انا قومت من احلاها نومة برضه الفجر
ملاك : مليش دعوة بكل دة الساعة بقت 12,5 يلا قوموا علشان نفطر
فارس بانزعاج : يا ملاك خلاص بقا قولنا مش هنقوم دلوقتي
ملاك بعند طفولي : لاء هتقوم دلوقتي يعني هتقوم دلوقتي يا فارس
الياس بانزعاج و هو ينهض : و الله الواحد عنده يقوم بدل م يقعد معاكم في الصداع دة عمالين تتخانقوا و تتناقروا عالصبح و انا اصلا مصدع و مش قادر خالص
ملاك : يلا بقا انت كمان يا فارس
فارس بنرفزة و هو ينهض : يووووه بقا اووف انا زهقت كل يوم صحيان كدة بدري حرام عليكي و الله عايز انام عايز انام يا عالم
ملاك بملل : خلاص خلصت اسطوانه كل يوم دي
فارس : خلاص يا ملاك قومت اهو اتنيلت و قومت
ملاك : جدع كدة ... ثم اكملت بابتسامة حنونة : صباح الفل يا حبيبي
فارس : ايوة ياختي ثبتيني بالكلمتين بتوعك دول
ملاك باشمئزاز مصطنع : تصدق ياض انا اللي غلطانة اصلا
الياس بعد ان خرج من الحمام : صباح الخير .. ايه دة انتوا لسة مخلصتوش خناق
ملاك بابتسامة هادئة: صباح النور لاء خلصنا خلاص .. ثم اكملت ببعض الاحراج و لكن حاولت اخفائه : اسفة لو كنت ازعجتك و صحيتك و دخلت عليكم الاوضة و انتوا نايمين انا مكنتش اعرف و الله انك نايم هنا
الياس بابتسامة : لاء عادي ولا يهمك
ملاك بتذكر : الا صحيح هو انتوا ايه اللي نيمكم جمب بعض
الياس : ولا حاجة ياستي الحكاية و ما فيها (و حكالها اللي حصل) بس كدة
ملاك : ااااه علشان كدة تمام يلا انا هنزل بقا تحت
الياس : استني خديني معاكي
نزل الياس و ملاك تحت و فارس بعد م خرج من الحمام نزل هو كمان علشان يفطر .... الياس و ملاك و هما نازلين قابلوا نرمين هي كمان نازلة علشان تفطر
نرمين : Good morning
الياس : صباح الخير يا نرمين
نرمين : ايه دة احلى صباح دة ولا ايه ... ثم اكملت حديثها و هي توجه نظرها ل ملاك : ايه مش بتعرفي تقولي Good morning زي الناس ولا ايه
ملاك : لاء بعرف صباح الخير
نرمين : صباح النور .... و نزلوا و الكل قاعد و متجمع على السفرة و بيفطروا
ادم : الا قوليلي يا نرمين
نرمين بانتباه : yes
ادم بجدية : هو انت نسيتي تلبسي بيجامتك ولا ايه
نرمين باستغراب : ليه بتقول كدة
ادم : اصل شايفك مهوية اوي على نفسك طب مش خايفة مثلا تاخدي شوية برد (حيث كانت ترتدي:-