♡ Playing Love Games ♡

Extra Chapter

Renz' POV

Nasaan na ba yung dalawang yun? Nakaka-leche naman, o! Kanina ko pa sila hinahanap kung saan-saan!

Walanjo naman kasi! Bakit ngayon pa sila nagkabati? Ang hina naman kasi ng best friend ko, eh. Bumigay kaagad. Hindi man lang pinahirapan ng kaunti pa iyong kuya ko. Kaunting-kaunti lang naman. Puwede na kahit hanggang matapos lang ang semestral break. Basta huwag lang ngayon!

Natalo tuloy ako sa pustahan namin ni Myleen. Wala na akong kotse, alila niya pa ako ng isang buwan. The fck lang, 'di ba?

Ang tindi talaga ng ex-girlfriend ko na iyon, eh. Lahat ng gusto niya, nangyayari. And yeah, ex-girlfriend ko si Myleen pero secret lang naming dalawa iyon at magkaibigan na lang kami ngayon. No hard feelings and we're in good terms.

Pero, ewan ko lang kung magiging in good terms pa rin kami kapag nalaman niya na kaya ko lang siya gustong maging girlfriend noon ay dahil gusto ko lang talaga makasama si Lianne palagi. Pero hindi niya talaga malalaman iyon kahit kailan!

Ang tungkol naman sa pustahan namin ni Myleen, nagsimula iyon noong play nila Lianne. Magkatabi kaming nanood ni Myleen. At napansin namin ang tinginan ni Lianne at ni Kuya.

Gusto ni Myleen na magkabalikan ang dalawa. Nagpatulong pa siya sa akin pero ayoko. Ayoko dahil kung gusto talaga nilang magkabalikan at mahal talaga nila ang isa't-isa, magkakaayos sila.

Ang hina naman kasi nitong ulupong kong Kuya! Nandiyan lang naman si Lianne, ayaw pang gumawa ng moves para magkaayos sila. Ang bagal. Nahiya na yung pagong sa sobrang bagal niya!

At dahil nga ayaw kong tulungan siya, nakipagpustahan na lang siya sa akin. Ano ang pusta? Kotse lang naman. Kapag hindi pa rin nagkabalikan si Kuya at Lianne sa birthday ni Lianne, akin na ang kotse niya. Kapag naman nagkabalikan sila ay kanya na ang kotse ko.

Nagdalawang-isip at nagtatlong-isip pa nga ako at muntik pang mag-apat na isip sa pustahan na iyon. Kasi kotse iyon, eh. Pero naisip ko na mahal ang kotse ni Myleen at kapag natalo siya, puwede kong ibenta yung kotse niya at makakapunta na ko sa Neverland, este sa Italy para sundan si Wendy.

Medyo madali naman sa akin yung pustahan kasi malakas ang impluwensya ko kay Lianne. Puwede ko siyang sulsulan ng kung anu-ano para lang huwag makipagbalikan kay Kuya.

Hindi naman sa ayaw ko talaga silang magkaayos. Kailangan ko lang talaga ng pera. Haha! Gipit ako pero ayokong kumapit sa patalim kaya! Puwede naman sana ako mag-bouncer muna sa club, pero atat na atat na akong makita si Wendy kaya kinagat ko na ang deal ni Myleen.

Nang dumating na ang araw ng birthday ni Lianne, medyo nabuhayan na ako ng loob. Last day na iyon ng deal namin at wala pa rin akong nakikita kahit konting pag-asa na magkakabalikan nga sila.

Pero kinabahan ako noong malaman ko na may kung anong balak pala si Myleen sa araw na iyon. Nag-special number si Kuya para kay Lianne.

Kinabahan na ako ng sobra! Pero nang makita ko ang expression ng mukha ni Lianne na parang naiiyak na naiinis na parang natatae ay alam kong confused pa siya at madali ko siyang masusulsulan. So, ayun nga... I told her na parang hindi naman gusto ni Kuya ang ginagawa niya at mukhang napipilitan lang.

Hindi ko naman expected na magwo-walk out na si Lianne dahil doon sa sinabi ko. Pero siyempre, natuwa ako. Halos hindi man lang ako nag-effort para mangyari ang gusto ko.

Oo na, ang sama na ng ugali ko! Eh, sa gusto ko talagang puntahan si Wendy dahil iniwan na naman niya ako nang walang pasabi! Punyemas! Hindi ko kailangan ng malaking halaga pero kung malaking halaga ang makukuha ko dito sa pustahan namin ni Myleen ay wala rin namang problema.