﷽
#الموجه_الثانيه_والأربعون
#بحر_العشق_المالح
ــــــــــــــــــــــــ
بعد مرور يومين.
.... ــ
صباحً
بمنزل الشردى
بغرفة ناهد... إستيقظت لم تجد وفيق جوارها
تمطئت بيديها تتثائب قائله بسخط:
أكيد صحى وراح يطمن على أخته اللى ربنا بلاني بها هى كمان كنت نقصاها أما أقوم أخد دوش وانزل أفطر وبعدها أبقى شوف أيه الجديد.
بالفعل بعد قليل خرجت ناهد من الحمام، توجهت نحو دولاب الملابس وفتحت الناحيه الخاصه بها، جذبت بعض الثياب لها، لكن وقعت منها إحدى الثياب على الارض إنحنت وأخذتها ثم إستقامت وضعتها بمكانها بالدولاب مره أخرى، لكن تصادمت يدها صدفه مع ذالك الشئ الصلب، جذب ذالك المنديل وفتحته ونظرت الى ما بداخله قائله:
مش عارفه أيه السبب فى تطنيش الحيزبون ماجده وكتمت إن فى حاجه إتاخدت من الصيغه دى،متأكده إنها عرفت بس يا ترى أيه سبب سكوتها.
أجابت ناهد على سؤالها بعد تفكير:
سكوت ماجده وعدم أفصاحها عن ضياع الانسيال أكيد خوف عشان ميتفضحش كدبها قدام وفيق.
شعرت ناهد بزهو بنفسها قليلاً،ولامت نفسها لما لم تأخذ أكثر، فبالتأكيد كانت ماجده ستُكتم ولن تبيح بذالك حتى لا يعلم وفيق بذالك الأمر ويكتشف كذب والدته عليه... ربما سبب مُقنع لكن أيضًا وربما هنالك حقيقه آخرى.
...***
من أحدى غرف المنزل
خرج وفيق حين دخلت تلك الطبيبه الى الغرفه
تقابل مع ناهد التى تبدو إستيقظت للتو من النوم تتثائب قائله:
صباح الخير يا وفيق، صحيت من النوم ملقتكش جانبى قولت أكيد جيت لهنا تطمن على سحر، أزيها دلوقتى.
نظر وفيق لها بضجر قائلاً:
سحر تعبت شويه وطلبنا لها الدكتوره وجت وهى دلوقتي بتفحصها جوه فى الاوضه.
تنهدت ناهد قائله:
مش عارفه أيه السبب اللى خلاها تستعجل وتطلب تخرج من المستشفى
قبل ما تكمل علاجها، كنت عاوزه اقول بلاش تخرج دلوقتي من المستشفى بس خوفت لتبرر خوفى عليها غلط،و إنى مش عاوزها تجى هنا... أنا كان غرضى صحتها.
نظر وفيق لـ ناهد بتفكير قليلاً، يطن برأسه حديث فاديه أن من المستحيل أن يكتمل الحمل قبل أخذه للعلاج المناسب له، نزلت عيناه نحو بطن ناهد، حقًا لم تمضى فتره طويله على الحمل لتنتفخ بطنها وتظهر علامات الحمل، لكن أيضًا دخل الشك الى عقله،فقال بمفاجأه لـ ناهد:
ناهد بما إن الدكتوره هنا فى البيت خليها تكشف عليكِ، وتطمنا عاالجنين.
إرتبكت ناهد وتعلثمت وهى تضع يدها على بطنها الخاويه قائله:
مالوش لازمه، الحمد لله أنا بخير وأكيد الجنين بخير.
شعر وفيق بإرتباك وتعلثم ناهد دخل الى عقله شك قائلاً:
مش هنخسر حاجه أهو زيادة إطمئنان...كده كده الدكتوره هنا،أما تخلص مع سحر تكشف عليكِ.
زاد إرتباك ناهد وقالت:
بس أكيد الدكتوره مش هتبقى عامله حسابها إنها تكشف عليا،انا هبقى أروح لها العياده آخر النهار،حتى أكشف سونار.
أنت تقرأ
بحر العشق المالح
Misterio / Suspensoـ #بحر العشق المالح فى بحر العشق نحن تائهان بين الامواج، لا تقاومي، دعينا نسبح ضد التيار بالنهايه نغرق من فرط العشق ونذوب مثل الزبد في بحرالعشق المالح
