﷽
#الموجه_الخامسه_والاربعون
#بحرالعشق_المالح
ــــــــــــــــــــــــــــــ
بعد مرور أسبوعين
إنتصف الصيف، إزدات الحراره وهدأت الأمواج قليلاً...
بمنزل جمال التهامي
كأن جمال إعتزل الحياه،يقضى معظم وقته بغرفته بعدما صُدم بنتيجة ذالك التحليل،صابرين كانت صادقه،فتح ألبوم صور وبدأ يتصفح تلك الصور واحده تلو الأخرى وذكريات تُعاد أمامه يبتسم تاره وتاره تنزل دمعه من عينيه
يقينًا
لم يكُن فلذة كبدهُ لكن الحقيقه لم تغير شى من أحاسيسه، كان ولده، إنشرح قلبه لفرحهُ وإنشطر قلبه بفراقه الذى لم يقل بل زاد صعوبه الآن.
دخل الى الغرفه فادى، وإقترب من مكان جلوسه،رفع وجهه ونظر له وجفف تلك الدمعه قائلاً:
حمدلله عالسلامه يا فادى أمتى وصلت من إسكندريه.
شعر فادى بالآسى قائلاً:
لسه يادوب واصل،هى ماما فين؟
تنهد جمال قائلاً:
أكيد راحت تدعى حبايبها عشان فرحك اللى بعد يومين،قولى رتبت أمورك فى إسكندريه.
تنهد فادى قائلاً:
أيوا عفش الشقه لسه جديد يادوب غيرت فرش أوضة النوم،وكمان اخدت أجازه من مصنع السيارات لمدة عشر أيام ،مقدرتش أخد اكتر من كده بس كويس عشر أيام.
جلس فادى جوار جمال يشعر بوخزات فى قلبه
مد يده يمُسك ذالك الالبوم ينظر الى صور مصطفى شعر هو الآخر بالحزن الكبير وتذكر ضحية الأخوه التى ظلمها بإنتقام واهى شعر بالندم لكن ظن أن هنالك فرصه أخرى ربما يستطيع من خلالها تعويض ما بدر منه من تسرُع وغباء.
تنهد جمال قائلاً:
أنا أتفقت مع فهمى إنك هتفضل هنا فى البلد يومين أو تلاته بعد الجواز.
وضع فادى يدهُ على جبهته يفركها بآنامله قائلاً:
مش هينفع أنا شقتى هنا لسه محتاجه تشطيبات وعامل حسابى على العيشه فى إسكندريه الشقه قريبه من المصنع اللى بشتغل فيه،وأكيد غيداء مش هتبقى مرتاحه لو فضلت مع حضرتك إنت وماما فى نفس الشقه،غير إن ماما مش لازم تعرف إن غيداء حامل،حضرتك عارف ماما.
رد جمال بتوضيح يشعر بغصوص:
شقة مصطفى جاهزه يا فادى.
ذُهل فادى وكاد يرفض لكن
نظر جمال يُكمل حديثه مُتهكمًا : بلاش ترفض، وبعدين
ولما إنت خايف على غيداء كده،ليه عملت الجريمه دى،أنا أكتشفت إنى بعد العمر ده كله معرفتش أربى ولادى وأتشرف بتربيتى لهم،إن كان إنت ولا مصــ...
صمت جمال مُتأثرًا بدموع تترغرغ بمقلتيه،قاسيه عليه إستيعاب حقيقة أن مصطفى لم يكُن من صُلبهُ.
بينما شعر فادى بالخزي واطرق راسه لآسفل مُعترفًا حقًا كان وغد وبلا أخلاق.
بينما اكمل جمال حديثه بذم ولوم:
مصطفى بعد الحب ده كله لـ صابرين نتفاجئ أنه كان متجوز ومخلف، وإنت كمان ياريتك حتى كنت إتجوزت، كان أرحم من إنك تروح لطريق الحرام... وتأذى بنت بريئه.
أنت تقرأ
بحر العشق المالح
Mistério / Suspenseـ #بحر العشق المالح فى بحر العشق نحن تائهان بين الامواج، لا تقاومي، دعينا نسبح ضد التيار بالنهايه نغرق من فرط العشق ونذوب مثل الزبد في بحرالعشق المالح
