အခန်း(၁၇)
အချိန်အားဖြင့်ဆိုသော် ညနေ(၄)နာရီ။
"ရှင်းခန့် ဖြစ်ပါ့မလားဟယ်..ငါကြောက်တယ်"
"နင်က ဘာကိုကြောက်နေတာလဲ၊တစ်ရွာတည်း သားချင်းတွေဖြစ်ပြီး"
"ဟဲ့ နင်မသိလို့..ကိုဘုန်းကျော်က သူ့ကို ဟိုဟာမပြောနဲ့ ဒါမလုပ်နဲ့ဆိုပြီး အမိန့်သွားပေးရင်ကြိုက်တာမဟုတ်ဘူး"
ယခုကား..ရှင်းခန့်နွယ်နဲ့သက်ထားတို့ ကျောင်းကဆင်းပြီးပြီးချင်း အိမ်သို့ပင်တန်းမပြန်ကြသေးပဲ..ဘုန်းကျော်တို့ဝိုင်းဝရှေ့သို့ ရောက်ရှိနေကြကာ ဝိုင်းထဲကိုဝင်ရမလို မဝင်ရမလိုနဲ့ တိုင်ပတ်နေကြ၏။
လာခဲ့ရသည့် အကြောင်းအရင်းကတော့အခြားမဟုတ်ပါ။
နေ့လည်ကဖြစ်တဲ့ ကလေးချင်းရန်ပွဲတွင်..ဖိုးဝလုံးလေး
လက်ရဲဇက်ရဲနိုင်ရခြင်းက ဦးလေးဖြစ်သူ၏ သင်ကြားမှုစနက်များ ဖြစ်တာကြောင့် နောင်အခါ ထိုသို့လမ်းမှားရောက်စေသည့် စကားများအား မသွန်သင်ရန် လာရောက်ပြောကြားခြင်းဖြစ်သည်။
ထို့အခါ..တစ်ယောက်ထဲ လာရမည်ကိုလည်း ရှင်းခန့်နွယ် အနည်းငယ်မရဲတာကြောင့် စစ်ကူခေါ်လာမိကာမှ..သူ့ထက်ပင်ကြောက်နေသည့် သက်ထားကိုကြည့်ရင်း လေပူတစ်ချက်ကိုသာ ခပ်ပြင်းပြင်းမှုတ်ထုတ်လိုက်မိသည်။
"ဟူး"
ပြသနာက မကြီးမားပေမယ့်
အသိပေးမှဖြစ်မယ့် ကိစ္စဖြစ်လို့..ရှင်းခန့်နွယ်လဲ စဥ်းစားမနေတော့ကာ
"လာပါသက်ထားရယ်..ဝိုင်းဝတောင်ရောက်နေပြီပဲ ဝင်သွားလိုက်ရအောင်"
ပြောမရသည်မို့ သက်ထားခမျာ..ဦးဆောင်ပြီးပဲအထဲဝင်ခဲ့လိုက်သည်။
ဘုန်းကျော်တို့ ဝိုင်းသည် ရွာလူကြီးခြံဝိုင်းလောက် မကျယ်ဝန်းသော်လဲ အတော်အသင့် ကျယ်သည်ဟုဆိုရမည်။
သက်ကယ်ဖြင့်မိုးထားသော်လဲ အိမ်ရဲ့အနေအထားမှာ တောင့်တင်းခိုင်မာ၏။ခြံရဲ့ ဘယ်ဖက်ခြမ်းတွင် နွားတင်းကုတ်တစ်ခု တည်ဆောက်ထားပြီး..ညာဖက်ခြမ်းတွင်တော့ ကက္ကိုပင်ကြီးတစ်ပင် ခန့်ညားစွာ ပေါက်ရောက်နေသည်။
ESTÁS LEYENDO
ဝေဟင်ထက်ကချစ်ငှက်ငယ်(အစ်ကိုတို့ရွာ) (Ongoing)
Romanceကျောင်းဆရာနဲ့တောသား ဇာတ်လမ်းလေးပါ။ Start Date - 20.7.2021 ကြောငျးဆရာနဲ့တောသား ဇာတျလမျးလေးပါ။ Start Date - 20.7.2021
