فصلية فاطمة والنقيب

البارت الثاني والثلاثون

فلحية: أحمد الزم مرتك احسن
أحمد: انتظري مبقة بس ٧ أشهر وتروح
اني سمعت هيج اهس واحد كفخني على وجهي من
الصدمة يعني هيج اني ثكيلة
عفتهم يعاركون ويتناقشون ودمعة طكت من عيني
رحت عل صالة نظفتها اصلا اني جايبيني هنا اخدم
مو شي ثانية نظفت الصالة ومسحتها وسديت الباب
حتى تنشف مادري شصار وياهم بس اختفى صوت
الإصياح اجه أحمد
أحمد: صبيلي جاي وجيبيلي ريوك راسي راح ينفجر
مباوعت بوجهه رحت صبيت جاي واجه كعد بالمطبخ
وطلعتله جبن ونطيته
أحمد: تعالي اكلي
فاطمة: ماريد أريد انظف نظفت المطبخ كله وخلصت
ومسحته ورحت على غرفه ام أحمد لكيته كاعده
تقره قرآن لملمت الغرفة ومسحتها داطلع
ام أحمد: اللع يرضى عليج يمه ويحفظج
فاطمة : تسلمين خاله
طلعت رحت صعدت فوك دانظف غرفة أحمد
لميت شعري ذيل فرس وبديت اشتغل وأحمد
جان كاعد عل جرباية ويباوع بالتلفون
أحمد: لو باقين بالشقة مو احسن من المشاكل
فاطمة: تريد تروح للشقة عيني روح وخابر حبيباتك
خلي يجن يمك يونسنك
أحمد:عود شنو قصدج بالهلكلام
فاطمة: مقصدي شي بس انته يعني لاتربط بيه
مباقيلي بس ٧اسهر وعشرين يوم انشاءالله يمشن بسرعة حتى تخلص مني
أحمد: ومنو كلج اني ضايج منج
فاطمة: أحمد كوم أريد اعدل الجرباية
وانته شوكت ا داوم النهار كله كاعد بالبيت روح بات
بالدوام لحد مطلع من البيت اني
أحمد: يعني تريدين تخلصين مني
فاطمة: لا اخلصك مني
أحمد: خوش لعد تمام
باوعت عليه اني الله وين ذبني نظفت الغرفة وكملت
ورحت على ريم
فاطمة: رررررريييييييمممممم
ريم: هاا هاا شكو شصار
فاطمة" كومي نظفي غرفتج لاطلع قهري كله بيج
ريم: يي يي هسه راح انظفها
كملت كل الشغل بقه بس الكراج طلعت نظفته
ورشيت مي للحديقة اني دارش مي للحديقة
نزل طير بالكراج طير صغير يكمز معرفت شيريد
حطيت الصونده بالكاع اجه شرب مي بديت اتلمسة
شكد ناعم وصغير شلته وحطيته بيدي كلش صغير
سديت البوري وطبيت جوه معرفت شنو اوكله
حطيت صمون ومي ومردته وبالسرنجه احط بحلكه
بده ياكل اباوع عليه شلون ياكل فدوه أريد اكله
اني ماخاف من الحيوانات احبهن
طبت ام مرتضى للمطبخ باوعتلي صفح وحمت الجاي
وسوت بيض واخذتهن وطلعت
شبع العصفور انطيته بالسرنجه مي وحسته شبع
صعدت للغرفة فوك ملكيت أحمد مخلصة كل شغلي
كعدت عل جرباية وحطيت العصفور بحضني عل
تبريد كبل سنح ونام اخاف اشيله واحطه عل جربايه
اخاف يفز حطيته بحضني نام وظليت اباوع بالتلفزيون واتلمس العصفور كل شوية يتنفس لولا
لأن النفس مالته كلش ضعيف صارت بالوحده
الظهر منزلت جوه حنى اكل ماريد بس أريد اخلص
منهم حتى لو امي ذلني قابل هايه امي شسوي بيه
سوي تغدوه ومحد صاحني كعد العصفور كام يلعب
بالغرفه يروح منا يجي منا اخر شي تعب واجه ذب
روحه عل جربايه أخذته بيدي هلكد مو ناعم اخاف
علية اكول خاف امرده ظليت حاطته بيدي وابوس
بيه وميحجي بس يباوع ظليت اسولف وياه هسه
اكيد تكولون هاي مخبله بس ماعندي احد اسولف
وياه وافضفضله الي بكلبي كام يحوص عفته بالغرفه
ونزلت سويتله صمون ومي وأخذت السرنجة
ام أحمد صاحتني :فااطمة
فاطمة: ها خاله محتاجه شي
ام أحمد: هذا الله دزلج ياه
ظليت صافنه بوجها شنو الدزلي مفهمت كامت تهز براسها وتبتسم عفتها وطلعت صعدت فوك
لكيته كاعد عل جربايه شكد عاقل يمه فدوه اروحلك
اني وعشيرتي على هل عقاله وكلته وكملت حطيته
عل مخده نام واني هم كلت دنيه ظهر خلي انام
وأحمد بعده مجاي نمت وحسيت شي يطخ بوجهي
لكيته العصفور يمه فدوه كعد الحلو باوعت عل
ساعة بل ٥ وأحمد ماكو اخذت العصفور ونزلت جوه
كلت خاف أحمد جوه دورت عليه بلبيت ماكو
صعدت للغرفه ظليت اباوع تلفزيون وصارت بالستة
وبل سبعة وهم ماكو خلي لايجي انتي شكو مخليه
بالج يمه عوفي خلي يولي صارت دنيه ليل هم ماكو
ظليت كاعده منمت العصفور ياكل يشرب ينام يكعد
يلعب ظل بالي أحمد مااجه صارت ساعه بل ٩ ظل
بالي طلعت تلفوني من الكنتور وظليت ادك ماكو
مغلق وره نص ساعة طب أحمد وجهه ميكصه
طبر
فاطمة: ليش مجاوب ظل بالي عليك
باوع عليه ودار وجهه
وصلنة لنهاية البارت القصة عجبتكم اكملها لو لا
لأن الدعم صار قليل بس تشوفون القصة متابعوني
تابعوني وصوتوا حتى استمر تبصحون هلى خير 🧡