فصلية فاطمة والنقيب

البارت الثامن والاربعون

أحمد: عندي مفاجئة الج باجر
فاطمة: مفاجئة الي
أحمد: لعد لابوية هوه اني عندي غيرج
فاطمة: اذا المفاجئة باجر ليش تكلي هوه اني ماعندي
صبر
أحمد: اخليج تتحمسين منا لباجر
فاطمة: شكد خبيث أحمد
أحمد: اشكرج هاي كتلج مفاجئة تكلي شكد خبيث
فاطمة: ترى اشاقة وياك شبسرعة تصدك
أحمد: يي واضح
وصلنة للبيت صعدت كبل للحمام سبحت وطلعت
لكيت أحمد نازع القميص وباقي بس بالبنطلون
نشفت شعري ودامشطة
أحمد: فاطمة خلي نعوف المشاكل والشقة على صفحة
هسه بس اني وياج أريد اسئلج سؤال وتجاوبيني
بصراحة
فاطمة: يي اسئل
أحمد: انتي تحبيني لو متحملتني لحد متخلص السنة
وتروحين يم امج
فاطمة: وشنو مناسبة هذا السؤال
أحمد: لأن داشوف انتي تثقين بية وتنامين بصفي
يعني ماعتقد وحدة تحب واحد اذا متثق بية
فاطمة: هاا يي صحيح اني اثق بيك
أحمد: يي كملي
فاطمة: شكمل
أحمد: يعني تحبيني لو لا لأن مبقة للسنة شي وتخلص
فاطمة: يي احبك واحبك أكثر متتصور وشايلة هم شلون تخلص السنة وافاركك
صفنت اني شلون كلت هذا الكلام أحمد باوع علية وابتسم وكام حضني
أحمد: حتى اني ماكدر بدونج اني اروح للدوام نص
يوم احس اكو فراغ بية
فاطمة: اني مكتلك لأن ادري بيك كلبك ميكفي بنية
وحدة الة تلاثة أربعة واني ماحب احد ياخذ شغلة
مالتي بقيت ساكتة ومحجيت
أحمد: هاا يعني هسة اني هيج مو هلدرجة من حبيتج
توبت
فاطمة: واضح اني اريد تخلص السنة ماريد اتعلق بيك
اكثر
أحمد: مراح تخلص
فاطمة: شنو المتخلص
أحمد: معليج باجر تفهمين كلشي
فاطمة: هاا تمام
شلت شعري ونمت فزيت الصبح لكيت أحمد ديكعدني
باوعت عل الساعة لكيتها بل ٩
فاطمة: هاا أحمد بعدها الزفة شعندك مطلعني
أحمد: كومي بدلي بسرعة
فاطمة: ليش وين نروح من الصبح
أحمد: انتي ثقين بية لو لا
فاطمة: يي اثق
أحمد: لعد كومي بدلي خلي نروح
كمت بدلت ولبست الشال والحذاء باوعت على أحمد
كاشخ
فاطمة: خير أحمد كشخة ومن الصبح اني وجهي
بلكوه غسلتة
أحمد: هيج مناسبة تستحق الكشخة
فاطمة: والله مادري شكلك مكعدني من الصبح وكاشخ
وتكول مناسبة البارحة من نمت صار شي وراية
أحمد: هسه انتي امشي ومعليج
طلعنة اني وأحمد ركبنة السيارة وأحمد مبتسم ويباوعلي واني الفاهية بعدها مطاخة بالي
أحمد وكف السيارة وكال نزلي
فاطمة: وين ننزل
أحمد: هسة دنزلي شبيج تسئلين
فاطمة:يي صار نزلنة
من نزلت وأحمد قفل السيارة جان يجي أحمد يلزم
ايدي ويمشي اني مصدومة اول مرة أحمد بالشارع
يلزم ايدي باوعت على المكان الرايحلة محكمة اول
مرة اشوف محكمة
فاطمة: أحمد شعدنة جاين للمحكمة تريد تطلكني
وهيج فرحان وكاشخ
أحمد: انتي ثولة بابه احنة عقدنا بمحكمة حتى نطلق
بيها
فاطمة: لعد شنو
أحمد: اخخ ياربي الله بلاني وحبيت وحدة ثولة وفاهية
فاطمة: يعني انتة جايبني هتا حتى تكلي انتي فاهية
ثولة
أحمد: لج بابة اني جبتج هنا حتى نزوج زواج رسمي
فاطمة: شنو؟ صدك أحمد
أحمد: لا جايبج هنا داضحك عليج امشي خلي نعقد
ونفضها
مصدك من كال هيج يعني يريد يعقد علية قبل مايخلص الاسبوع معقول أحمد يحبج اذا ميحبج
ليش شكو يعقد عليج شكد ثولة احجي وية نفسي
طبينا والمحكمة كلها تعرف أحمد
وأحمد يكلي ابد لاترفعين راسج هنا كلهم جماعتي
المهم طبينا عقدنا وجماعت أحمد شهدولنة صحيح
عارظوا على عمري وابوية ماكو بس أحمد كالهم
ابوها ميت وماعدها احد وامها مزوجة لحد معقدنا
وطلعنة من المحكمة اني وأحمد الابتسامة شاكة
حلكنا ممصدكين عبالك السويناه امر مستحيل
صعدنا بالسيارة
أحمد: مبروك حبيبي
فاطمة: حبيبي لعد وين جانت الرومانسية مالتك قبل
لانعقد
أحمد: حتى كلشي بالحلال ورسمي 🤣
فاطمة: هههه😂😂
أحمد: بعد عندي الج مفاجئة بس مو هسة
فاطمة: أحمد كثر من هاي المفاجئات
أحمد: شعندي غيرج اني
فاطمة: صدك أحمد تحبني
أحمد: يعني لما احبج اربط نفسي بالزواج منج ليش
فاطمة: أحمد من هسة اذا عينك راحت منا منا افكسهن
أحمد: انتي موجودة كبالي واباوع على وحدة
فاطمة: لك عمامي كلهم يرحولك فدوة
رجعنة للبيت راحت النومة من عيني من الفرحة
وصار عندي حماس كمت غسلت البيت كلة وانظف
حتى السيراميك مال بيت جلفتة مخليت شي
باوعت عل ساعة بل ١ ونص رجت كعدت أحمد
وسويت ريوك كعدت الكل اكل أحمد ماخذ اجازة
اليوم بس مرتضى مداوم وحمد بالشغل كعدوا اتريكوا
وكل وحدة لمت غراضها وراحت للصالون بقيت
بالبيت اني وأحمد حتر ريم راحت
أحمد: امشي بدلي خلي اخذج
فاطمة: وين
أحمد: اوديج للصالون
فاطمة: صدك أحمد
أحمد: هاي شلون جلبت بالصدك شافيتني جداب
فاطمة: هسه ابدل بسرعة
أحمد: فاطمة ماريد سالفة العقد احد يدري بيها زين
فاطمة: ليش
أحمد: مو هذا وكتها بعدين اني اكللهم
فاطمة: تمام
بدلت وكملت وطلعنة اني وأحمد ركبنة السيارة
فاطمة: أحمد شبيك اليوم متعاطي شي مدافتهم تصرفاتك
أحمد: يعني الي يدلل مرتة يتعاطة شي
فاطمة: هههه تروحلك فدوة مرتك
أحمد: لج لاتحجين هيج بعد ماتحمل هسة انزلج وأخذج للغرفة
فاطمة: هههه يلا خلي نروح مبقة شي للزفة
شغل السيارة أحمد وراح الشارع فلسطين
فاطمة: شعندك هنا أحمد اكو هواي صالونات قريبة
أحمد: لا اكو هنا صالون اسمة اريدو شغلة حلو
فاطمة: وانتة شمدريك شغلة حلو
أحمد: من ازوجت جبت زهراء لهذا الصالون
فاطمة:وانتة كاعد تسترجع الذكريات مال زواجك براسي يلا رجعني ماريد حتى العرس ماروح
أحمد: شبيج اني شعلية بزهراء اني داكول الصالون
شغلة حلو
فاطمة: يي اعرف شغلة حلو بس ماريد أريد ارجع
أحمد:يغار الحلو انعل عشيرتها لزهراء الظوجج
فاطمة: يي لعد لاتجيب اسم صخام كدامي
طبك أحمد ونزلنة صعدنا أحمد دفع فلوس وطبيت
للصالون المهم اجتي وحدة سألتني شنو لون الفستان
الي راح تلبسي كتلها راح البس قفطان لون اوف وايت
سوتلي المكياج يخبل وحطتلي حمرة حمرا مات
وسوتلي تسريحة تخبل كلش بسيطة وحطتلي هذا
الورد الناعم كتلها ماريد تسويلي تسريحة نازلة على
ركبتي كتلها رفعيها سوتلي من الكباية بس ماكلكم
شكد حلوة انصدمت من شكلي باوعت مصدومة
هاي اني وحدة كاعدة بصفي جان تكلي لعد ليش مجوي وياج اهلج حتعرسين وحدج باوعت عليها
شجاوبها كتلها لا مو عرسي جان تكلي ها عبالي انتي
عروس كملت ودكيت على أحمد كتلة تعال اخذني حتى الحك البس من البيت ونروح كال عشر دقايق
واني يمج وصل أحمد حطيت الشال على راسي
ونزلت صعدت بالسيارة أحمد صافن بوجهي
أحمد: لج شنو هذا الجمال
فاطمة: لاتباالغ هواي
أحمد: والله ممبالغ راح تظربيهن كلهن بجمالج
فاطمة: كاافي أحمد استحي
أحمد: يما فدوة لليستحي
فاطمة: يلا أحمد راح نتأخر
شغل السيارة وصلنة للبيت نزلنة ركض رحت للغرفة
قفلت الباب لأن اذا أحمد طب للغرفة بعد ميطلع منها
لبست على راحتي وكملت وطلعت أحمد واكف بالباب
أحمد يباوعلي من فوك لجوه
أحمد: وخري من يمي ترة اذا بقيتي اكثر من عشر ثواني تروح علينة الزفة
فاطمة: يااا أحمد شبيك
أحمد: انطيني بوسة تصبيرة من للحد ميخلص العرس
فاطمة: أحمد وخر لايخرب المكياج
أحمد: خلي يخلص العرس واشعلة لابوج
فاطمة: لاتحجي على ابوية أحمد
أحمد: اشعلة لعمج ارتاحيتي
فاطمة: يي عادي اشعلة يلا روح البس بسرعة
أحمد بدل وخلص ونزلنة كلشي ملبست لأن القفطان
مستور وحلو
أحمد: روحي لبسي شال
فاطمة: لعد شكو سويت شعري اذا راح البس شال
أحمد: حطي الشال منا وبالقاعة نزعي
المهم وصلنة للقاعة طبعاً القاعات اثنين وحدة للزلم
وحدة للنسوان بس العريس من يريد ياخذ صور
ويبادلون الحلقات وهاي السوالف يعني بس العريس
يفوت لقاعة النسوان وكلهن حطن الشال على راسهن
اني التفتت باوعت أحمد طب للقاعة مال نسوان
اباوع علية اعضلة شفة ميطلع بوكتها جانوا العرسان
ديركضون جان أحمد يجرني وصرنة بنص القاعة
وأحمد لازمني من خصري واني ماعرف اركص
فاطمة: أحمد النسوان دتباوع علينة وماعرف اركص
أحمد: وخلي يباوعن كلهن كرايبي انتي معليج بس
سلملي روحج وعوفي علية الباقي خلصنة ركص
اباوع عل نسوان فاكات حلوكهن يعني حقهن هم فصلية وهمين ماعدة تركص خلصنة ركص أحمد
همس باذاني
أحمد: حظري نفسج اكو مفاجئة تنتظرج
فاطمة: أحمد لاتحمسني زيادة
وهنا وصلنة لنهاية البارت موتنسون التصويت ☆☆☆☆ والمتابعة وبااي..♡