فصلية فاطمة والنقيب

البارت الخامس والخمسون

من شفت هذا المنظر مسيطرت على نفسي اغمى علية
أحمد.. انتظرتها تنزل من الدرج حتى تبدي السبعة مالتنة وهية دتنزل ادعبلت وصلت لنهاية الدرج واباوع
عليها غراكنة بالدم شلتها ومريم ذبت على رأسها عباية
وأخذتها ركض للسيارة واسوق وادعي هية وطفل مابيهم شي وصلت للمستشفى طببتها ركض للطوارئ
اركض بيها اخذوها مني وكالولي ممنوع تفوت واني
حاط ايدي على كلبي خفت على فاطمة لأن بعدها
صغيرة ومتتحمل هيج أمور ظليت انتظرها مر من
الوكت نص ساعة طلعت الممرضة
أحمد.. هاا كولي مرتي وابني شلونهم
الممرضة.. مرتك زينة وصحتها مستقرة بس الطفل
للأسف فقدنا مكدرنا لأن مرتك فقدت دم كلش هواية
وهذا اثر عل طفل
ظليت صافن بوجها ممستوعب الي دتوكلة
أحمد..  زين شوكت تكعد
الممرضة.. شوية وتكعد لأن انطينها مهدء
ظليت كااعد برى وايدي على راسي يعني معقولة
ب٣ دقايق تنكلب حياتي كلها ممصدك قبل كم يوم
اني وفاطمة جنة دنخطط شنو راح نسمية وشنو راح نلبسة سكتت وكلت الحمدللة على كل حال
......................................

فاطمة... فزيت لكيت روحي على سدية عرفت اني
بالمستشفى والم بطني فضيع احس بطني كاعدة تتكطع حرفياً هذا جان شعوري بذاك الوكت اباوع حاطيلي مغذي وبطل دم باوعت ماكو احد يمي أحمد
ماكو ظليت حاطي ايدي على بطني وابجي
....................................

أحمد..  شفتها من برى كعدت وتباوع وين هية بس
ماعندي جرئة اواجها واكلهها فقدنا الطفل شفتها
حاطة ايدها على بطنها وتبجي كلبي أنمرد متحملت
فتحت الباب وطبيت
....................................

شفت أحمد طب للغرفة

فاطمة.. أحمد شلونة الطفل مصاير علية شي موو أحمد
احجي واشهك واجر بيد أحمد
اباوع على أحمد وجها شاحب ومابي حيل يحجي
فاطمة.. أحمد كلي الطفل مابية شي مو بعدة عايش
أحمد جاوبني لاظل ساكت أحمد
أحمد..  منكدر نغير القدر الي اختارة رب العالمين النة

فاطمة.. يعني شنو أحمد الطفل مات ابني مات
حاطة ايدي على بطني وابجي واشهك وأحمد يهدي
بية ويكلي لو مصاير هيج جان اجة للدنيا مشوه
وظل يحجي ويكلي ابنه طير من طيور الجنة
واني ابجي واشهك ولا بالي يم احمد عاد ورة شوية
اجتي الدكتورة كتبتلي على علاج وانطتة لأحمد
أحمد راح جاب العلاج وخلصنة كلشي واخذني
وطلعنة والطريق كلة اني احس نفسي يائسة

ومالي خلق شي واباوع على أحمد تعبان بس ميكدر
يحجي ويبتسم بوجهي ميحسسني بشي وصلنة
للبيت وطبينا كلها سكتت من شافتنة واباوع على
وجوهم تمليها الفرحة والحقد والخبث رغم همة ميدرون اني شنو بية اصلا بس فرحانين لأن خربت
السبعة مالتي واتاذيت اباوع على زهراء وجها تمليه
ابتسامة خبث الكل كام يسئل شكو شبيكم أحمد
مجاوبهم اتخطيناهم وصعدنا لغرفتنا اني نزعت
العباية طبيت للحمام
أحمد.. فاطمة تحتاجين شي اجي وياج اخاف انتي
متكدرين وحدج
فاطمة.. لا ميحتاج
طبيت للحمام ظليت كاعدة بالساعة ابجي على حالي
وعلى الصار بية بعد شتحمل اني اكثر من هيج خسرت
ابوية أنوب خسرت امي وهسة ابني الي بعدها عيني
مشتايفتة هم خسرتة وكاعدة اشهك بالحمام
......................................