فصلية فاطمة والنقيب

البارت السابع والاربعين

ريم: سارة كافي فدوة لطولج والله تعبانين ومابينة حيل لو علي بعدة عايش جان زوجتج علي
سارة: كافي بعدة ماحبة لوائل خلي يولي
فاطمة: يي خلي يولي اصلاً ميستاهل وحدة مثلج
وبعمرة ميلكة وحدة مثلج
سارة: يي خلي يولي اصلا ميستاهلني وتمسح بدموعها
ريم: يي ميستاهلج اصلاً وائل واحد نذل وحيوان
ويضحك عل البنات اني خالتة واعرفة
سارة: يي يلا خلي نحضر للحنة لازم انخطب واعاند
وائل
فاطمة: هااا
ريم: شنووو؟؟؟
سارة: شبيكم مصدومات عادي اني عندي غاية باجر
أريد يخطبوني كدام وائل
ريم: هاا يي يي يخطبوج
فاطمة: يي صحيح يخطبوج
سارة: احسكم ممقنعات تمام باجر اشوفكم
تعالي ريم تعالي حفيلي وجهي وحواجبي
ريم: هاا ؟؟
سارة: شبيجن حلكجن راح يوكع غير ارتب نفسي باجر
غصب الة انخطب
فاطمة: ليش التريد تنخطب تسوي تعديلات وهاي
السوالف
سارة: لعد شلون غير انرتب نفسنة
فاطمة: هاا هستوني يلا دريت
سارة: يلا ريم لاتصفنين تعالي حفيلي مبقة شي باجر
الحنة
ريم: يي يي فاطمة كومي جيبلي خيط
فاطمة: يي ترتبن نفسجن واني المبتلية
طبعاً نسيت اكلكم ورة العرس بأسبوع تخلص السنة
جبتلهن الخيط وظليت اباوع عليهن وريم نظفت
سارة من الشعر لأن سارة كالت راح البس فستان قصير
واني صافنة كل هل تحضيرات علمود يخطبوها
الله يشافيج سارة على هل سوالف عاد اندكت الباب
فتحتها لكيت أحمد جان تعبان وجايب وياه مسواك
وفواكه لأن من صارت الخطوبة لحد الان مخبوصين
وملحكون يجيبون مسواك أحمد جايب مسواك مال٣
أشهر وطلعنة اني وسارة وريم انطبب علاكة علاكة
وظلينة نفرغ بالمسواك ظهرنا انكسر كملت صعدت
فوك لكيت أحمد مهوس الغرفة بهدومة ولكيتة سابح
ونايم من التعب ودنية حارة اجتي الوطنية غطيت
أحمد ونظفت الغرفة وطلعت نزلت عاد نعست نمت
بالصالة والبنات بعدهن يحضرن بنفسهن عفتهن
ونمت جان افز على واحد يدغني
أحمد: كومي فاطمة راح اموت من الجوع
فاطمة: يعني متعرف تفتح الثلاجة وتاكل
أحمد: يعني هسه انتي ضايجة لأن كعدتج من النوم
فاطمة: يلا كمت شتريد اسويلك
أحمد: أريد دجاج تكلاه
فاطمة: هاا شنو
أحمد: شبيج بككتي عينج وها وشنو
فاطمة: هسة تريد دجاج
أحمد: يي يلا كومي بدال هذا الحجي جان الدجاج
مستوي
فاطمة: يي كمت
كمت سلكت للدجاج وحطيت بهارات ونومي بصرة
ورق غار ومخليت بية نقطة زفر المهم استوى
وكليتة وانطيتة لأحمد كعد ياكل وريم نايمة وسارة
هم واني كاعدة واغفر كل شوية وأحمد كل شوية
كايلي جيبيلي مي جيبيلي لبن جيبيلي فلان شي
ييوووو شكد يتطلب أحمد
عاد كعدن البنات وسارة تريد تروح لبيت اهلها
ومرتضى وحمد نايمين ومرت مرتضى ومرت حمد
بعدهم بيت سارة
وسارة تريد تروح
فاطمة: أحمد اخذنة اني وريم فرفرنة شوية والله
ضايجين
أحمد: باجر حنة واتونسوه
فاطمة: أحمد لاتصير خبيث
أحمد:'شنو شكلتي
فاطمة: كتلك صير حباب وطلعنة
أحمد: راح اوقت التلفون عشر دقايق اذا مخلصتن
حتى سارة ماوديها لبيتهم
سارة: يعني تريدون تشمروني وتفترون ماا اجي وياكم
ومن كمل رجعوني لبيتي
أحمد: اكو احد مطردج لبسي وحالج حالهم يلا راح
اوقت التلفون
أحمد وقت التلفون
واني سويت الدرج صعدتين مادري شلون صعدتة
ورحت ركض على الكنتور لبست فستان ابيض
وبي ورد أحمر وأوراق أخضر يخبل أحمد اشترالياه
من المول ولبست شال أحمر خفيف وخذاء أحمر
ومحطيت شي بوجهي نزلت ركض على أحمد
والبنات بعدهم
فاطمة: هاا شو مبدلت
أحمد: اني ممشمول بالعشر دقايق
فاطمة: يلا بسرعة روح بدل
كام أحمد بدل والبنات هم نزلن قبل الوكت سارة
وجها يضوي من الحفافة🤣
كمل أحمد ونزل صعدنا بالسيارة اني كاعدة بالصدر
والبنات ليورة وأحمد وكف يم مرطبات وجابلنة
كل وحدة اختارت نكهة شكل وظل أحمد يفرفرنة
بالسيارة ومشغل اغاني ونضحك صدك طلعة بسيطة
لأن أغلب المحلات دتعزل بس اتونسة وصلنة سارة
لبيتهم لكينة مرت مرتضى وحمد راجعين عبالنة
تأخذهن ويانة بس رايحات المهم رجعنة للبيت
سبحنة وبدلنة ونما كعدت الظهر ساعة بل ١ لكيت
أحمد ماكو رايح للدوام ومرتضى هم بس حمد
موجود وريم هم نايمة ومرت مرتضى وجهالها
نايمين ومرت حمد كاعدة كمت احس بنشاط من
النوم عجبني اسوي كيكة مادري ليش بس عجبني
كمت سويت كيكة وحطيت القوري عل نار
وحظرت ريوك اني ومرت حمد وكعدنا فلحية وريم
وطلعت الكيكة من الفرن انفشت صارت تخبل كصيت
قطع وحطيتها بالماعون اتريكنة ولحد الان مرت
مرتضى متحجي وياية وابو أحمد من يوم المشكلة
لحد هسة مجاي للبيت وأم مرتضى تدفعة ابو احمد
على أحمد حتى نصالحها وتجي للعرس والله الة
اخليك بحسرت العرس المهم سوينة غدة اجة أحمد
تغدة ونام اخذلها غفة حتى نروح للحنة المهم كعد
أحمد غسل وبدل لبس بنطرون قماش بدي ابيض
طلعن يخبلن علية كال البس شي بسيط بالحنة
لان بالزفة يلبس سترة اني هم لبست الفستان ومرت
حمد حطتلي مكياج طلعت اخبل وشعري مسويتة
اني شعري من الله سرح مو غسلت بس نشفتة
وعفتة مفتوح طلع عبالك مسشور المهم خلصنة
كلنة حتى فليحة ومرت حمد خلصت مرتضى
بعدة مجاي من الدوام وحمد جان عندة شغل كلش
ضروري ميكدر يعوف المعرض اخذناهن ويانة
اني كعدت ليكدام وهنه وراية وصلنة للبيت ام سارة
مبقة شي وتجي العروس تقريبا ساعة وتخلصها
ام الصالون رحنة اني وريم لكينة سارة بعدها دتحضر
بروحها بعدها ملابسة الفستان ولكيناها حاطة مكياج
كلش طوخ ولونة احمر والحمرة مثل ميكولون دم
الغزال
فاطمة: سارة يالون فستانج
سارة: أحمر
فاطمة: شعجب أحمر
سارة: حتى اجذب الانتباه
فاطمة: ههههه
سارة: بنات عندي خطة اذا اليوم ماسويها مارتاح
فاطمة: اهوو رجعت حليمة لعادتها القديمة
سارة: انتن معليجن بس اصبرن وشوفن
ريم: سارة رحمة لواديج لاتسويلنة مشكلة
سارة: لا والله ماسوي مشكلة شبيجن شكد نحيسات
كملت سارة ولبست فستان الأعمى اذا شافة يفتح
يعني شلون اوصفة الكم فستان احمر قصير وحصر
على الجسم وسارة ماخذتة اصغر من مقاسها حتى
يبين جسمها