فصلية فاطمة والنقيب

البارت الثالث والخمسون

المهم خلصت التحضيرات كلهن وأحمد اخذ اجازة
شهر خليني اسولفلكم يوم النيشان طبعاً من الصبح
رحت للصالون أحمد وصلني وياية سارة وريم اول
شي بدت بالمكياج سوت المكياج بلون الفستان بصلي
فاتح طبعاً قبل بيوم حفيت وجهي وماكلكم وجهي
انترس حب مخلينة شي بس مراحن بس خفن شوية
لحد ثاني يوم المهم سوتلي المكياج والتسريحة وريم
وسارة همين مكيجن وسون تسريحات جنت منتظرة
هذاك اليوم على أحر من الجمر بس مادري احس
نفسي مفرحانة كلش مادري شبية😂 المهم خلصت
بل ٢ الظهر دكيت على أحمد اجة ياخذني اني بالصالون
لبست الفستان وكلشي مخلصة بس حطيت حجاب
ونزلت اني وريم وسارة
أحمد.. شنو هلجمال ياأرض احفظي ماعليكي
فاطمة.. لاتبالغ هههه😂
أحمد.. والله ممبالغ
سارة.. اوي دكافي متشوفونة احنة عدنة جفاف عاطفي وانتة كاعد تتغزل بيها كدامنا شوية راعي مشاعرنا
أحمد.. شلون يعني اشاورها مادام اجيتي وياها تتحملين 😂
فاطمة.. أحمد العطر هذا بعد لاتحطة ريحتة مطيبة
أحمد.. ليش هذا العطر التحبي نفسة
فاطمة.. عود غيرة لأن ريحتة صايرة مطيبة
أحمد.. تمام
شغل السيارة أحمد ورحنة للبيت والطريق كلة دايخة
فاطمة.. أحمد وكف السيارة دخت
أحمد.. شبيج ليش دايخة
فاطمة.. مادري بس اشوية اوكف لاتمشي
أحمد.. شكلتي اليوم ليش دايخة
فاطمة.. ماكلت شي
أحمد.. مماكلة شي وتكول ليش دايخة
نزل أحمد
فاطمة.. وين رايح
أحمد.. اجيبلج شي تاكلين
فاطمة.. ماريد خلي نرجع للبيت
احمد.. يي وتكظيت النيشان كلة هيج دايخة
نزل أحمد جابلي لفة كص اكلت شوية وشربت عصير
حتى مادوخ وصلنة للبيت أحمد طبب السيارة بالكراج
نزلت من السيارة ذبيت الشال وطبيت والهلاهل والجكليت ادري بيهن كلهن ميحبني يهلهلن من ورة
خشمهن بس مريم خطية جان فرحانة طبيت اني وحدي أحمد راح لأن تعرفون شوية ويطب العريس
يلبس العروس النيشان كعدت وسمعت حجي ماكلكم
سم هاي التكول والله وجابت راسة لأحمد اليابس
وهاي تكول فصلية وهسه كاعد نحظر عرسها
وهاي التكول يي حظوظ يعني مادري شلون استحملت
بذاك اليوم الحجي مادري احس بروحي مو تمام
المهم طب أحمد والهلاهل واباوع على أحمد لابس
بنطرون وقميص طالع يخبل والهلاهل اجة كعد بصفي
ومريم انطتة الذهب ديلبسني لبسني التراجي والاسوار
والمحبس والحلقة بقت بس الكلادة اتقرب مني ديلبسني صار وجهي بصدر واجة العطر مالتة بوجهي
حطيت ايدي على صدر
فاطمة.. أحمد العطر مالتك مو طيب اختنكت
أحمد ظل صافن علية حتى ملبسني الكلادة خلة مريم
تلبسني وكلب وجهه علية لأن كتلة العطر موطيب
ومريم لبستي كلادة ذهب هدية وأم أحمد لبستني
محبس واجتي افراح دتلبسني محبس ذهب هدية
فاطمة.. شدعوه افراح ترى اني بقراصة راضية ليش مكلفة نفسج
افراح.. لما انتي بذاك اليوم خليتني أعرف وائل جان
هسة اني معايشة هاي الحياة انتي تستاهلين أكثر من
هيج
لبستني محبس وهذا كلة أحمد كالب وجهه علية
فاطمة.. أحمد فك وجهك شوية عيب العالم هسة شتكول
أحمد.. وانتي هامتج العالم موو
فاطمة.. أحمد هسه انتة شبيك كالب وجهك
أحمد.. واتسئلين هم
الصراحة بذاك اليوم مجان بيه حيل اخذ وانطي احس
بروحي منتهية مادري شبيه سكتت وكصينة الكيكة
وكلتة لأحمد وأحمد من وره خشمة وكلني والمصورة
اخذتلنة صور وكل شوية تكلة لأحمد ابتسم
فاطمة.. أحمد إذا عندك شي ورة النيشان ناقشة خلي
الحفلة تمشي بخير وسلام
عاد خلصنة الصور وكلشي وخلص النيشان اني مصدكت خلص صعدت للغرفة سبحت وكملت طلعت
باوعت عل ساعة بل ٩ بليل طب أحمد للغرفة وطبر
ميكص وجهه طب سبح وطلع
فاطمة.. شبيك أحمد ليش اتسوي هيج يعني احنة كم
مرة راح نزوج
أحمد.. يعني مشفتي نفسج كلشوية تكليلي عطرك
مطيب واني حطيت هذا العطر علمودج لأن اعرفج
تحبي
فاطمة.. يي صحيح احبة بس صايرة ريحتة مطيبة
بعد لاتحطة
أحمد.. مابية شي بس انتي طلعين حجة
فاطمة.. حجة شنو اني شعلية حطة منة بس مطيبة
ريحتة ترى
احجي وياة انطاني ظهره ونام اني هم عفتة ونمت جنت ميتة تعب كعدنا ثاني الصبح سوينا ريوك اني
والبنات لأن كرايب أحمد اجوي وميروحون اله يخلص
العرس والهوسة سوت سارة البيض اشو اني شفتة
ورحت فرغت بالحمام غسلت وجهي وطلعت متريكت
لعبت نفسي نزل أحمد كمت سويتة ريوك أحمد كالب
وجهة وميباوع بوجهي يعني واحد يكفر يكول الصراحة
سويتلة الريوك وكمنة نظف اني والبنات ومريم وبناتها
خلصنة وكعدنا طبعاً الحنة تصادف يوم أربعاء والزفة
الخميس هيج صارت المهم التحضيرات مال البيت
مستمرة والهوسة وهاي الكاعدة تحب بالزاوية وهاي
الكاعدة تصبغ شعرها يعني صح البيت جبير بس الكرايب عددهم اوفر كلش المهم يوم عن يوم صحتي
تدهور بس مكلت لاحد لان انب عندي فقر دم كلت
اكيد هاي اعراض الفقر دم المهم صار يوم الثلاثاء
يعني ثاني يوم الحنة مالتنة وأحمد ميحجي وياية
فاطمة.. حبيبي أحمد شبيك صاير تزعل من أقل شي
ترى مكلت شي غلط كتلك غير العطر
أحمد.. واذا غيرتة هم راح تكولين أحمد غير العطر مطيبة ريحتة
فاطمة.. لاعمري مأكول بس لاتزعل علية كلشي ولا زعلك
صالحتة لأن ممعقول ثاني يوم حنتنة واحنة متعاركين
ثاني يوم همين أحمد اخذني من الصبح للصالون اجتي
وياية بس مريم وأخذت الفستان وياية كتلها لام الصالون لاتسويلي تسريحة ثكيلة أريد خفيفة لأن
التسريحات كلهن عبالك شايلة جبل على راسي
واني ممتعلمة هيجي ثكل على راسي سوتلي تسريحة
بسيطة ومكياج هم زين مو كلش بسيط لأن تعرفون
المكياج مال عرايس يصير ثكيل وأم الصالون اتمكيجلي واني نايمة سبحان الله بس احط مكياج
انعس مادري بس اني لو اكو بنات مثلي بلكوه مفتحة
عيني خلصنة مريم هم مكيجت وسوت تسريحة
ولبسنة الفساتين ودكت على أحمد ننتظرة اجة اخذنة
وأحمد طالع يخبل لابس قميص اسود وبنطلون طالع
يخبل صعدنا اني ومريم ورجعنا للبيت وصلنة وطلع
والاغاني ومريم تركصيني واني مابية حيل جنت
بس أريد اكعد وسارة وريم مجلبات بية واباوع على
الكل فرحان ويركص اله زهراء وامها بس يبشبشن
ويباوعن صفح مدرتلهن بال ورة شوية طب أحمد
بأس راسي وكعد ومريم جابت الحنة وحنتنة
ومشت الحنة الحمدللة بخير وسلامة راح أحمد من الليل جابلي البدلة وفوكها الليلك مالتها لأن صلوخ
وهيجي ورحت للصالون من ساعة بل سبعة الصبح
لحد موصللنة السرى صارت بل ١١ لمن مكيجتني وسوتلي تسريحة صايرة ساعة بل ٢ خلصت دكيت
على أحمد اجة اخذني ورحنا جلسة تصوير لمن خلصناها صايرة بل ٤ والقاعة الي اجرناها من ساعة
بل ٥ لحد التسعة بليل ركبنا السيارة وديمشي أحمد
للقاعة لأن شوية بعيدة على مكان التصوير
فاطمة.. أحمد اوكف اوكف
أحمد.. شبيج
فاطمة.. افتح الباب بسرعة
فتح الباب أحمد وكعدت اذب من راسي واحس معدتي
انعصرت هلكد مستفرغت
أحمد.. لعبتي نفسي شدعيليج
فاطمة.. أحمد راح اموت مادري شبيه
أحمد.. احذج للمستشفى
فاطمة.. تاخذني هيج أحمد استحي
أحمد.. هسة انتي بحال مستحى امشي
اخذني للمستشفى أهلية وماكلكم الفشلة الكل صافن
علية ومستغربين واني اتمنى الكاع تنشك وتبلعني
اخذوني لغرفة التحليلات وسئلوني على الديصير
وياية جان الدكتورة كالتلي سويتي تحليل حمل قبل
كتلها لا جان تكول سولها تحليل حمل واني صافنة
شن  تحليل حمل...
وهنا وصلنة لنهاية البارت مو تنسون التصويت ☆☆☆☆ والمتابعة وبايي..♡♡