طلع وائل من المطبخ وظلت سارة تعيب علية شلون يحجي سارة: يعع شكد صاير غثيث ومكروه فاطمة: اووي عيني مو هوه نفسة الغثيث والمكروه الكتلتي نفسج علية ريم: يي والله سارة: جنت ثولة ومادري بنفسي فاطمة: يي هواية صدكناج هسة عوفن هاي السالفة ساعة بل تسعة وأفراح تجي هنا ساعة بل ٢ خلي نلحك عل شغل ريم: يي السوالف متفيد ظلينة نشتغل كملنة شغل ساعة بل ١١ وائل جاب الكيك حطينا بالثلاجة وجاب الكباب كعدنا اني ومريم وريم وسارة نسوي باللفات خلصنة وكل وحدة كامت تحظر نفسها صعدت للغرفة طبيت سبحت وكملت طلعت نشفت شعري وسشورتة وحطيت ظلال خفيف وردي وايلاينر وحطيت حمرة وردية بلون الشفة ولبست فستان طويل وردي وكلش بسيط كعدت أحمد طب سبح وبدل أحمد: شطالعة اليوم كيكة فاطمة: يعني اني يومية مو كيكية مو أحمد: اكفر اتغزل بيج فاطمة: اذا هيج تتغزل ماريد خلي الك أحمد: يي تمام اكو غيرج يتمن هذا الغزل فاطمة: منو يعني شتقصد كول أريد اسوي مشكلة كول حتى ابدي وياك احمد: يمة من لسانج اكلتينة وشربتينة خلي افتهم كلمة وحدة تحجين صلي فاطمة: يعني اني احجي صلي ومافهم يي بعد طلع بية عيوب بعد أحمد: اني نازل لأن اذا ابقة شوية راح نطلك فاطمة: يي نهزم نهزم نزل أحمد وبرى مسوين الكعدة مال الزلم نزلت وجتي افراح من الصالون وشغلوا اغاني وسارة علكتها مكعد ربع ساعة عطشانة ركص هية وريم افراح كل شوية تلبس فستان وسارة هم نباوع على افراح تباوع على سارة وظايجة لأن سارة كل شوية لابسة فستان عبالك هية العروس المهم اجة وائل علمود الصور وسارة مكعدت وائل كل شوية يأشر لسارة بيده 🤌🤌 خلصوا الصور وزعنا الاكل وراه الكيك خلصت السبعة وكل وحدة حظرت غراضها وراحت لأن بوكتها كلهم جانوا محافظات فرغ البيت والهوسة واصلة للاخة كعدنا انظف اني وريم وسارة خلصنة تنظيف تالي الليل ومتنا من الجوع لأن مأكلنة طلعنة اللفات متل كباب وعصير وكعدنا ناكل البيت كلة نايم وأحمد بعده مراجع احنة دناكل جفت أحمد للمطبخ أحمد: هاا بزازين المطبخ شدسون بتالي الليل فاطمة: دناكل تعال اطبك فيشة ويانة أحمد: اكلي بالعافية عمري قبل شوية اكلت سارة: يعني لفاطمة بالعافية احنة نتسمم عادي أحمد: اني شعلية بيجن اهم شي مرتي حبيبتي تاكل وباسني من راسي اني اكل واسويلهن حركات عود علعنادجن أحمد: يلا اني صاعد مو اطولين فاطمة: لا حبيبي هسة شوية واصعد أحمد: تمام صعد أحمد ريم: هاي شبي أخوية فاطمة: شبي لأن يهتم بمرتة تضوجن ريم: شو لعد مجان يسوي هيج ويه زهراء فاطمة: ليش شنو جان يسوي ريم: يعني مجان يهتملها جان يكيف من تكلة وديني لبيت اهلي يعوفها هناك اكثر من اسبوعين رغم جانت الابنية معتنية بنفسها وماقصرت بس هوه ميحبها ريم تحجي على زهراء واني اسوي بوجهي هيج 😒 😒😒 فاطمة: زهراء من الماضي اني هسة صرت الحاضر والماضي والمستقبل لأحمد ريم: علكيفج عيني راح اطكين شبعي بية لأحمد اخذي ولاتشوفيناه 🤣 فاطمة: ههههه 🤣🤣 سارة: ههههه فاطمة: يلا عيني اني صاعدة تصبحون على خير صعدت للغرفة لكيت أحمد بسابع نومة عاد طبيت غسلت وبدلت ولفيت شعري ونمت كعدت ثاني يوم الصبح ملكيت أحمد بالغرفة كمت لملمت الغرفة وعدلتها ومشطت شعري ونزلت سويت ريوك كعدوا اتريكوا طب أحمد وجايب أمة لأن مثل مكلتلكم متحب سوالف الحفلات سلمنة عليها ولأن هية محظرت العرس مال وائل عزمتة هوه ومرتة فاطمة: يي عمة شنو نسوي اكل للعزيمة أحمد: ميحتاج نجيب سمج ودجاج من بره وانتو سوه تمن أحمر كيفت من كال راح نجيب من بره لأن هسة الطبخ كلة صاير براسي يعني يوم على فليحة وعشرة علية ومرت حمد اكثر شي منشوفها مكظيتها بس يم الدكاترة خطية تريد تحبل بس مديصير عدها واني اقدر حالتة ونفسيتها فاماظغط عليها شوكت مشتغل خلي تشتغل لأن هية خطية متتعاجز المهم سارة بقت يمنة مراحت لبيتهم صارت ساعة بل ١ الظهر كمت ركبت التمن وحظرت الطرشي واللبن وكلشي حظرت بس أحمد يجي اجتي مريم وبناتها وائل ومرتة وراهم اجة أحمد فرشنة السفرة اني وسارة وريم وظلينة ننكَل بالأكل وكعدنا اكلنا والسوالف والضحك يعني صدك ام مرتضى ماكو بالبيت البيت كلة مرتاح واجتي كعدت ويانة ام أحمد تاكل كلنة انصدمنا لأن هية تاكل بالغرفة وحدها بس مثل مكتلكم مطيق ام مرتضى ولا ام مرتضى تطيقها كملنا الاكل اجتي عوانتنة مريم واني سويت جاي واخلصنة كلشي وكعدنا بالصالة اخمة كاعدين جان يكول أحمد أحمد: يمة شوكت اني اسوي عرسي ام أحمد: بكيفك يمة شوكت ميعجبك أحمد: يي لعد راح اسوي العرس بدايت الشهر الجديد طبعاً هذا التاريخ بعمري مراح انساه تاريخ زواجي من أحمد 2018/6/1 مصدكت من أحمد كال عرسنا يعني صدك راح يسويلي عرس واني اختار التفاصيل اليشوف تفكيري بذاك الوكت يكول طفلة عمرها ٥ سنين 🤣 المهم بدينا بالتحضيريات اول شي بدء بية أحمد البطايق مال العرس وحجز قاعة تخبل ملكية ماكلكم جمالها طبعاً حظرنا كلشي الفندق وكلشي بقة بس البدلات محاجزين كلت قبل اسبوع احجز أحمد اشترى ملابس وحظر كلشي بس اني جنت اسئحول بروحي منا ومنا شكد جنت متحمسة للعرس بس عندي خمول مو طبيعي مادري شصار بية الهم خلي احجيلكم من رحت احجز بدلة طبعاً مردت البس بالنيشان والحنة بدلة احسها صارت قديمة كلت اشتري فساتين حلوة وبس بالزفة البس بدلة المهم رحنة لاعظمية ظلينة نفتر معجبني البدلات واني ذوقي كلش صعب بهيج امو أنوب أحمد اخذني لصليخ وهمين معجبني مادري شبيه مزاجي كلشي معجبني رغم هنة حلوت اخر شي رحنة لشارع فلسطين عجبتني بدلة وأخيراً اني ممصدكة عجبتني هلكد متعبنا المهم قستها وكلش مريحة وحلوة بس أحمد معجبتة لأن مابيها اردان فاطمة: والله معلية عجبتي هاي البدلة اذا مو هية مازوج أحمد: يعني عفتي هذني المستورات كلهن اجيتي على المشلحة فاطمة: ومنو راح يشوفني بيها قاعة للنسوان وحد وللزلم وحد بعد شكو حسيتة بعده ممقتنع بكلامي فاطمة: أحمد خلي نكنسل العرس مو احسن أحمد: شنكنسل عيني هوه شبقى اسبوع فاطمة: لعد عوفني على راحتي اني شكم مرة راح ازوج خلي اختار براحتي أحمد: اختاري عيني اختاري خلي نشوف وين توصلينة بختياراتج المهم اختاريت البدلة بسيطة كلش ومابيها هواية أمور وهوسة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حجزت هاي ورجعنة للبيت احنة وهدومنة جفت عل جرباية محسينة بروحنا من الفر ثاني يوم أحمد رجه من الدوام خطية اخذني لمحلات مال فساتين اشتريت أربعة فساتين بس كل واحد شكل اخذت للنيشان فستان لون بصلي فاتح كلش حلو ونازك وأخذت للحنة فستان احمر منفوش حلو وأخذت فستانين واحد سمائي واحد اوف وايت سادة حلو وبسيط المهم ثالث يوم رحنة اشترينة الذهب خليتة اخر شي اني أحمد راد يشتري بالبداية بس اني كتلة علكيفنة لاتستعجل اشتريت تخم كامل كلادة وتراجي ومحبس واسوار وحلقة وأحمد هم اشترى حلقة .. وهنا وصلنة لنهاية البارت مو تنسون التصويت ☆☆☆☆ والمتابعة بااي..♡♡
