فصلية فاطمة والنقيب

البارت الواحد والخمسون

أسفة على الغيبة حبايبي
المهم خليني احجيلكم بيوم السبعة شصار من الصبح
مخبوصين طبعاً وضعي صار احسن اشترت افراح
سبع فساتين على حسب التقاليد وماكلكم سارةتكولون
السبعة مالتها اني وريم نباوع عليها ونضحك مخبوصة
بالملابس طبعاً سارة اجتي باتت يمنا من الليل وكل
كرايبهم الي مجاين من المحافظات اجوية قبل بيوم
من السبعة وماكلكم الهوسة والجهال اجة أحمد من
الدوام هاي داسولفلكم قبل بيوم من السبعة سلم
على كرايبة وصعد كلي حضريلي ملابس حظرتلة
وطلعت من الغرفة رحت صبيت غدة لأحمد لأن
ميحب يكعد ياكل وهوسة مياخذ راحتة صعدتلة
الاكل للغرفة
فاطمة: هاا حبيبي تعبان
أحمد: يي والله وميت من الجوع
فاطمة: جبتلك لأن اعرف بيك متحب تاكل بالهوسة
أحمد: يمة فدوه للحافظني
حطيتلة الاكل عل جرباية ونزلت اتغديت جوه
وكمت اني وسارة غسلنة الاماعين وريم نظفت البيت
طبعاً كرايبهم كلاص ميشيلون من الكاع ملتهيات بس
يقصقصن سوالف واحنة نظف صارت دنية الليل اجتي
كرايبهم تاخذ خيرة بالفنجان اني ابد ماآمن بهيج سوالف كوموني اني وسارة انسوي القهوه سارة سوت
القهوة واني طلعت الكيك من الثلاجة وحطيتة بالميكرويف وحظرنة فناجين كل وحدة اخذت فنجان
تشرب منة وتكلبة وتنطي لهاي ام جاسم واني صافنة
عل فضايح الي تطلع اني كاعدة واباوع واشرب كهوة
واكل كيك مالي شغلي بالي ديصير اخذت للكل خيرة
جان تباوع علية
ام جاسم: لعد انتي متريدين اخذلج ترى فنجاني مظبوط
سحر: شتاخذيلها هية شعدها هية خلك فصلية
فاطمة: يي الحمدللة خلك فصلية بس ماتلزك بزلم مزوجة
سحر: شتقصدين
فاطمة: ميحتاج اشرحلج انتي تعرفين
ام جاسم: انطي فنجانج خالة خلي اشوفلج
فاطمة: ميحتاج خالة ماعندي شي ضامتة
ام جاسم: انطيني خلي اشوف
انطيتها الفنجان واحجي بكلبي شكد لزكة هاي يعني
اجباري
ام جاسم: ماشاءللة فنجانج حلو
احجي بكلبي بدء الجذب
فاطمة: يي وبعدين
ام جاسم: محاوطيج داير مدايرج حياية
فاطمة: شكد قديمة خالة
سحر: شنو قصدج احنة حياية
فاطمة: والله اني مكلت انتو حياية كل واحد يعرف نفسة
كملت الفنجان وجانت تبتسم عبالك اكو شي تريد
تكلياه بس تباوع على الكاعدين وتسكت كمت اخذت
الفناجين للمطبخ داغسلهن جان تفوت للمطبخ ام جاسم
ام جاسم: اكو بشارى كلش حلوة قريبة
فاطمة: هاا يي يي انشاءالله
عفتها وطلعت اني ماامن بهاي السوالف صعدت للغرفة 
لكيت أحمد بعدة نايم
فاطمة: أحمد كافي اكعد الدنية عصر وانتة نايم
أحمد: أريد انام مابية حيل اكوم شوية واكعديني
فاطمة: أحمد كوم باليل نام كرايبك كاعدين بالصالة
وانتة هنا نايم عيب عايفهم وحدهم
أحمد: يلا كمت
فاطمة: يي يلا راح اطلعلك ملابس
كام بأس راسي وطب سبح حظرتلة ملابسة ونزلت
جوه عدلت المطبخ وشفت أحمد نازل طب للمطبخ
وكف بالباب والعطر مالتة وصل لسابع جار
أحمد: سويلي جاي راسي راح ينفجر
فاطمة: سوينة كهوة تريد
أحمد: يي صبيلي فنجان لعد
صبيتلة وطلعتلة كيك وكعدت على الكرسي المقابيلة
واباوع علية خلص وكام
طلع للاستقبال وره اشوية اجتي بت عمة لأحمد مزوجة وكاعدة بمحافظة بعيدة اجتي وعدها طفل
عمرة ٦ أشهر يخبل اني واكفة بالمطبخ من الشباك شفت أحمد شايل ابنها وطالع برة يلعب بية واني
صافنة على أحمد ورة شوية طب والطفل بيدة
طب أحمد للمطبخ اباوع علية شلون يلعب
بية مصدومة أحمد هلكد يحب الجهال انطاني الطفل
باوعت الطفل متحسس من شوارب أحمد لعبتة شوية
وانطيتة لأحمد لأن اخاف مشايلة طفل بحياتي اخاف
يصير بية شي وأحمد ابد مهدة للطفل واللوكي مجلب
باحمد ويصيح ابه وابه وطالعلة سن صغير وكاعد ياكل
مصاصة وجها كلة دبك طفل ينوكل يخبل حركاتة
وأحمد تخبل علية
فاطمة: أحمد الطفل تحسس من شواربك لاتبوسة هواية
أحمد: باوعي حركاتة كزكزت علية راح اعظة
فاطمة: اكعد هسة يكوم يبجي خطية
أحمد: هاج خلص المصاصة غسليلة وجها
فاطمة: اني؟ اغسلة
أحمد: يي وشبيج مصدومة
فاطمة: لا عيني اخاف اوكع الطفل
أحمد: لعد اذا خلفتي تخافين تشيلين ابنج
فاطمة: الله كريم منا لحد ماخلف
أحمد: هاج غسليلة وجها خطية
اخذتة واني خايفة اعرف بنفسي ثولة على كيف امشي
لحد موصلت للمغسلة وابلل ايدي وامسح وجها
جان تجي أمة اسمها اصالة
أصالة: ياا بعدج ممغسلتة انطينياة هاي شلون اذا صار عندج جاهل
لباوع عليها تجيب مي وتفرك بوجه الطفل
فاطمة: علكيفج ليختنك
أصالة: ههههه هاي اني جنت هيج بأول طفل هذا ثالث
طفل لاتخافين كلشي ميصير بيهم
ماكللكم وجهي من اشوفها تغسلة واني امسحلة وجها
اخذت الطفل وبدلتلة ونطتنياة اخذتة لأحمد
أحمد عبالك عطشان جهال بس يبوس بية ويروح
بية منا ويجي بية منا واني صافنة علية صارت
دنية ليل لميت البيت اني وسارة وريم وغسلتاه
لأن الصبح راح يحطون كوشة بل صالة علمود السبعة
مخلينة شي كل وحدة استلمت شغلة نشف البيت
وفرشتة طبعاً الصالة مال الظيوف مكفت والغرف
الفوك هم مكفت راحوا نص المعازيم بيت مريم
نص وبيت ابو سارة نص كملت كل شغلي وخلصنة
وكلهم طبوا دينامون صعدت للغرفة لكيت أحمد
متمدد طبيت سبحت وبدلت وطلعت كعدت على الكرسي كبال المراية امشط شعري مشطتة ونشفتة
ورحت اتمددت عل جرباية
أحمد: همين يصير عدنة طفل يدوخنة بصياحة بالغرفة
فاطمة: وانتة تريد طفل يدوخك هههه
أحمد: خلي ينفجر راسنا بصياحة واحط الكاروك مالتة
هناك يأشر ويبتسم
فاطمة: منو كلك احط ابني بالكاروك انيمة بصفي
أحمد: واذا ولد اسمي علي على أخوية الله يرحمة
واذا بنية اسميها عائشة
فاطمة: لعد اني شسمي ميصير بس انتة تسمي
أحمد: الطفل الثاني انتي تسمي
فاطمة: يي قشمرني الطفل الثاني موو
أحمد: يمة فدوة لليضوج
فاطمة: أحمد باع ساعة بيش باجر لازم نكعد من السبعة نحظر للحفلة والاكل وانتة كاعد تلهيني
يلا تصبح على خير
نمت وفزيت على دكة الباب اني اكول لأحمد كوم
افتحها وأحمد يكولي كومي فتحيها
فاطمة: حجرة ورقة مقص واليخسر يفتحها
أحمد: يلا
هاي اللعبة واني فاتحة تك عين والعبها والباب بعدها
تندك لعبناها ٣ مرات وأحمد فاز
فاطمة: غشاش كمت فتحت الباب شفت سارة
فاطمة: هاا سارة ترى بعدها الساعة بل ٦ شنعدج كاعدة
من هسة
سارة: كعدت ريم وهسه داكعدج حتى نسوي الريوك
لأن هذولة الأخطار متعلمين يتريكون من الصبح
فاطمة: تمام نزلي وهسه اغسل واجي سديت الباب
وطبيت
أحمد: هاا
فاطمة: راح انزل اسوي ريوك
طبيت للحمام فرشت سنوني وغسلت وجهي ونزلت
جوه سارة سوت الجاي وريم دزت ولد كرايبهم حتى
يجيب اجبان واني سويت بيض اندكت الباب اجوي
الي يسون الكوشة طلع مرتضى فتحلهم وطببهم
سوها وكملوا طلعنة شفناها تخبل كعدت عليها
سارة وخبلتنة تكول اني اول وحده كعدت عليها
وأخذت صور وخبلت روحها جابوا الاجبان حظرت
الصينة وديتها للغرفة لكيتهم كاعدين عزلت صينة
لأحمد وصعدتها فوك لكيتة بعدة نايم
فاطمة: أحمد اكعد جبتلك الريوك كافي عاد نوم
أحمد: انتي مين اطلعيلي كل متشوفيني نايم تطفرين
الة تكعديني
فاطمة: هاا يعني هاي فوكاها لاتتريك بعد ماكعدك
داكوم من الجرباية جرني من ايدي لحظنة
فاطمة: وخر زعلت عوفني
احمد: احلا زعلة اشوفها
باسني من راسي وكام غسل وجها ورجع كعد يتريك
دانزل
أحمد: وين تعالي اتريكي
فاطمة: ماريد معاجبني
أحمد: وراج نهار كامل تعالي اكل لاتتخربطين
فاطمة: ماريد من اجوع اكل
أحمد: تمام
نزلت غسلت اماعين الريوك ونظفنا اللفات مال السبعة
وائل كال راح اجيب كباب شوي وهنا سوه لفات
وقبل يومين حاجزين قطع كيك وائل ساعة بل ٩
الصبح اجة وجايب الصناديك مال ببسي حطيناهن
بالمجمدة ديطلع جان يشوف سارة
وائل: باوعي علية وحطي الكلام ترجية باذنج لاتسوين
حركات مثل مسويتي بالزفة وتلبسين فستان ضيك
سارة تباوعلة صفح
سارة: وانتة شعليك بية شيعجبني البس
وائل: دلبسي وشوفي شيصير بحالج
واني وريم صافنين عليهم شلون يتناكرون ونضحك
بسكوت
وهنا وصلنة لنهاية البارت مو تنسون التصويت ☆☆☆☆ والمتابعة وتصبحون على خير ..♡