فصلية فاطمة والنقيب

البارت الثالث

اتمنى تابعوني وتصوتون إليه لأن مداشوف دعم

يحمسني حتى انزل القصة ونبدي بالبارت الثالث على

بركة الله 💜

من كاللنه الدكتور هيج انصدمنه وكال الدكتور لازم

اسويله تقرير اخويه مرتضى كله دكتور عفيه معليك

احنه نحل السالفه وأمه اجتي للمستشفى دكت ولطمت

واحنه نسكت بيهه وخالين على عل اجهزه طلع الدكتور

كال كونو مستعدين لأي شي لأن مو اكيد يعيش وحتى

لو عاش لو يبقى بغيبوبة لو يفقد الذاكرة طقت دمعتي

بعيني وكلت لو اعرف اموت اخذ حكك وره تقريبا

كالولي روح جيبله فراش لأن راح يبقى بالمستشفى

هستوني طلعت جان يدك مرتضى فتحت الخط

ومرتضى يحجي ويبجي كتله شبيج مرتضى جان

يكول علي مات حركت سيارتي ودكيت عل عشيره

ورحت عل كامرات مال بيتنا وشفت كل الصار اخويه

وصديقه متعاطين شي واحد كام يضرب بالثاني لحد

ما صديقه ركع راس اخويه بالرصيف وشال طابوكه

ظل يضرب عل راس علي حيل بجيت بجي مسحت

ادموعي وأخذت سلاحي اندليت بيت الولد اجتي

العشيره مسلحه رحنه دكينه بيتهم مخيلنه حايط

صاحي وره ربع ساعه تقريبا طلع رجال جبير جان

يكول خير شصاير كلناله منو انته كال اني صاحب

البيت ابو محمد كلناله طلع محمد لأن مراح يصير

خير كال محمد مرجع كتله لاجذب شفنا بلكامرات

جان يكول بس خل نتفاهم كتله ماكو تفاهم طلع

ابنك جان يجي شيخ العشيره كالي أحمد اهدء خلي

نتفاهم الرجال شعليه ابنه الغلطان كتله شلون اهدء

وأخويه راح يندفن وهذا العار يتنفس جان يكول

ابو محمد تريدون فلوس اني حاظر بس كلشي ولا

ابني الصغير الله يخليكم كتله هاا انته ابنك الصغير

يبقى عايش وأخويه مات كمت اصيح جان شيخ

العشيره كال نريد فلوس وفصلية كتله شيخنه

شنو فلوس أريد اخذ حك اخويه كال الشيخ

انته انته من راح تكله شنو راح تستفاد راح

يفصلوك وتكضي حياتك بسجن جان ابو محمد

يكول اني ماعندي بنيه بس عندي بت اخويه

يتيمه يمنه جان الشيخ كال لعد يله باجر نجي

تحضر ١٠٠ مليون وبت اخوك حت  نعقدله