فصلية فاطمة والنقيب

البارت الاربعون

انفتحت الباب باوعت مرتضى كملت شغل
مرتضى: يابة فاطمة عذرينة على تصرفات فليحة
بس هيه مقتنعة انتي حركتي غفران ترة هي تسوي
هيج من خوفها عاى بتها
فاطمة: لا عادي اني مضايجة منها وحقها تخاف على
بتها اني عاذرتها
مرتضى: الله يحفظج خوية
باوعت الحمدلله هذا رجع لوعية كملت غسل الكراج
ولميت الصوندة وطبيت جوه رحت للمطبخ لكيت
مرت حمد دسوي غدة
نسرين مرت حمد: انتي نظفتي البيت
فاطمة: ايي ليش بعدة مو نظيف
نسرين: لا عاشت ايدج والله يساعدج
فاطمة: تسلمين حبيبتي
كعدنة نسولف اني وياها الابنية فقيرة ومو مثل
مرت مرتضى هية سوت بانيا واني كمت سويت
التمن لأن تريد تسبح واستوة الاكل طفيتة وصعدت
ركض للغرفة اشوف التلفون اذا أحمد داك علية فتحتة
مداك علية طبيت عل واتساب متصل بس همين مدازلي رسالة كات جوز عندة شغل بعدة نزلت
جان اشوف ام مرتضى وسحر وزهراء تلث حياية
يفترن بالبيت عفتهن وفتت للمطبخ لكيت مرت حمد
كاعدة تصب الاكل كمت اعاونها واخذنا الاكل وحطينا
بالصالة وكعدوه كلهم أكلوا بس اني مالي نفس اكل
وأحمد مموجود اكول اخاف اكل وأحمد جوعان هيج
تفكيري خلصوا غدة شلت الاماعين وغسلتهن وسويت
جاي
سحر: شعجب أليوم تشتغلين
فاطمة: وانتي شعليج بكيفي شوكت ميعجبني انظف
سحر: اووي احنه شحجينة شدعواج متتحملين
فاطمة: يي حقج انتي مملاحظة نفسج شكد غثيثة
سحر: لاتجاوزين
فاطمة: استغفرللة هسه اني صحتج وكتلج تعالي هنا
خلي نتعارك طلعي من المطبخ لاتشوفين اشياء متعجبج
سحر: كبر
فاطمة:اليكبرج ونخلص من شكولج
طلعت من المطبخ خلصت الجاي وديتله للصالة وأخذت
الصينية دارجع جان اشوف مرتضى بيدة علاكة وطالع
من غرفتة داطب للمطبخ
مرتضى: فاطمة
فاطمة: هاا
مرتضى: خوية اني اعتذر عل سويتة مجنت بوعيي
وسوسة شيطان اعذريني والله مو بقصدي وهاي
الفستان اعتري هدية من اخوج
فاطمة: مشكور واخذتة وصعدت فوك حطيتة بالكنتور
وتمددت ونمت كعدت بال ٦ العصر شفت التلفون أحمد
مداك ومتصل هم راح انفجر كمت داعزل الكناتير
لكيت صندوك بكنتور أحمد فتحتة لكيت هاي اللعبة
التركيب الجبيرة كلش وجانت وياها صورة صغيرة
للعبة حتى تعرف شلو تركبها كعدت من ساعة بل٧
لحد ساعة ب١٢ يلة كملتها احس روحي سويت انجاز
كملتها وحطيتها باالكنتور وشفت التلفون نفس السالفة
همينة متصل وهم مداك علية وانوب مغير الصور
واكف يم السيارة وماخذ صورة ظليت انتظر لل٣
ومدك انقهرت كلش وطلعت اغنية مال حاتم وهنا بعد
مكدرت الزم دموعي

ومن سمعت المقطع مال
سافر وكلي اصبري راجعلك اني اكيد راح وبعد ما جاني خلاني عايش وحيد
كمت اشهك وتعبت من البجي ونمت وفزيت بالستة
الصبح وركض اباوع اشوف أحمد دازلي رسالة لو متصل بس ماكو متت قهر يعني متصل وبجذب
مكتب شلونج عيوني مورمات من البجي وراسي
ياذيني وصار عندي وهواس كل اشوية اشوف التلفون
صارت ب٩ بس احس جسمي مكسر وماكدر انزل
جسمي ياذني وعيوني وراسي وفدنوب صارت ب١٢
جان تنفتح الباب جان تشوفني مرت حمد
نسرين: ياا عزه شبيج
اباوع علية ماكدر احجي مادري شصار بيه بس دموعي
تنزل دكت على حمد وظلت كاعدة يمي اجة حمد
مكدرت امشي شالني ونزلني وحطني بالسيارة ركض
اخذني للمستشفى خطية همين نزلني وشالي وركض
بية للطوارئ فحصوني كالوا الظغط هابط والسكر
البدم هم هابط راح حمد جابلي نستلة وبطل لبن حط
بية ملح اكلت شوية نستلة وشربت لبن ورة نص
ساعة اجوي هم فحصوني كالوا حالة احسن شوية
وكالوا عادي تطلع
حمد: أحمد يدري انتي متخربطة
فاطمة: لا
حمد: لعد خلي ادكلة
فاطمة: لا خطية عندة شغل ورايح لاربيل اخاف يظل
بالة وشوفني مابية شي
حمد: يلا لعد كومي خلي ارجعج للبيت
رجعت للبيت ومرت حمد خطية ماشتهي اكل بس هية
تجي تصب وتكعد وياية تاكل حتى اكل وياها
شوية صرت احسن بس الدوخة مجلبة بية
ام مرتضى كامت تمشي وشمر حجايات على مرت
حمد والبنية خطية مجاوب ومتحجي ابد تكول مرة
جبيرة شحجي وياها المهم انتظرت أحمد للفجر وهم
مدك ولا سئل ولا كال واسئل مرتضى اكلة أحمد
مدكلك يكول لا واسئل حمد وهم يكول لا ماريد
انزل نقسي واراسلة واشوفة عل واتساب متصل
وثالث يوم همين ماكو عفتة وكلت لو يحبج جان
سئل عليج بس انتي مضحاكة تمشين ورة كلبج
وظليت ألوم بنفسي رابع يوم كعدت الصبح جان
التلفون طلع صوت مال اشعار فتحت التلفون لكيت
أحمد داز رسالة كاتب بيها فاطمة وينج شو مدكلي
ولا تسئلين اني شفت الرسالة وطفيت التلفون وحطيت
راسي عل مخده وظليت افكر عود صدك يحجي هذا
هوه ميسئل يريدني اني اسئل والله بعيني أحمد
نزلت لميت اليبت كلة ونظفت ومخليت شي واتغدينة
وغسلت اماعين الغدة وصعدت فوك اخذتلي غفة
وكعدت ظليت اباوع مسلسلات انتظرت لحد مصارت
ساعة ١٢ وطبيت على رسالة أحمد وكتلة مو مشغولة
أحمد: يي واضح دزيتلج الرسالة الصبح هسة جاوبتي
فاطمة: شسوي والله مشغولة وانتة شنو تسوي كملت
شغلك
أحمد: يي باجر راح ارجع
فاطمة: هاا تمام لعد بااي
أحمد: شنو باي اني كتلج راح انام
فاطمة: نعسانة واريد انام تصبح على خير
وطفيت النت وطلعت من الواتساب لعد انتي من انتظرتة اربع ايام مينقهر علية طفيت التلفون وحطيت
راسي ونمت كعدت الصبح كمت نظفت البيت وسويتلهم ريوك وخلصت كلشي صعدت للغرفة عدلتها
وطبيت سبحت ولبست دشداشة لون بنفسجي فاتح
وأخذت سشوار من ريم وسويت شعري وحطيت مكياج
وعفت شعري مفتوح وكعدت على الجرباية وظليت
اباوع مسلسلات ورة ساعة تقريبا انفتحت الباب طلع
أحمد ظل صافن علية حتى عيونة مترمش
وهنا وصلنة لنهاية البارت مو تنسون المتابعة والتصويت وتصبحون على خير🤎