فصلية فاطمة والنقيب

البارت الثاني والعشرون

ظل يغلط ويسب واني منطيته اذان الطرشة
مسويه روحي ماسمع شي اباوع من الجامه
وهوه دمه محروك مبينه الشريفة محركتة
وصلنه للشقه نزلني سحل صعدني فوك
فتح الباب دخلني لغرفتي وظل يكسر
بالغراض ويضرب ويفشر واني اباوعله
وكلشي ماسوي حتى دفاع مادفع لنفسي
هيج حاطه عيني بعينه يضربني ومانزل
عيني
أحمد:هاي عيونج تنزليها لاكفر بيج ادبسز
وضربني راجدي نركع راسي بحافه الجربايه
وخشمي بقه يذب دم
فاطمة : انته شتريد مني لاترحمني ولاتخلي
رحمة الله شتريد يعني عاجبتك كعدتي هنا
اشوه انته لو بليوم تشوفني مره لو متشوفني
والشريفة مكفيه وموفيه شتريد مني عوفني
أحمد: تسكتين لااكفر بيج مابيه حيلج أنوب
عليه زعطوطه تتهزم واروح اركض وراها
فاطمة : وشكو تركض ورايه شتريد مني
لو تهيني وذلني عندج شي حلو
أحمد: يي ومتتخيلين شكد ارتاح من اسوي
هيج
باوعت عليه وسكتت كمت داروح للحمام
جرني أحمد من ايدي
أحمد: وين موليه
فاطمة : للحمام لو هم حرام اروح
أحمد: يلا بسرعه عود همين سويلج طفره
رحت للحمام باوعت على وجهي انقهرت
على روحي غسلت وسديت المي وكعت
من عندي نقطه سوده باوعت بالمراية
خشمي ميذب دم ظل يذب شي اسود
كمت اصيح أحمد فتح الباب
أحمد: شبيج شكو
باوع على خشمي نصدم محسيت البروحي
كمت ماشوف شي
صحيت كعدت باوعت هوسه وعالم وهوسه
عرفت نفسي بالمستشفى اجه أحمد والدكتور
الدكتور : بنتي انتي عندج حساسيه من شي
لو شنو
فاطمة : لا ماعندي
الدكتور :احنه مصادره عدنه هيج حاله للاسف
لحد الان محد مشخصه
أحمد : يعني شلون دكتور يعني مينعرف شنو
مرضها
الدكتور : شوف راح اكلك شغله تريد تمشي
بيه بكيفك المهم انس كتلك هاي مو شغله
مستشفى هايه شغله روحاني
اني وأحمد ظلينه صافنين بوجها
أحمد: واني مين اعرفلي روحاني وهاب السوالف
الدكتور : راح انطيك رقم واحد بس متكول
لاحد لأن ميقبل
أحمد:يي تمام
باوعت كلت هذا شبي الدكتور مخرف اني ماأمن بيهج سوالف
أحمد: يلا كومي فضينه
طلعنه وركبت السيارة وخشمي همين بدء
ينزف أحمد نطاني كللنس وحطيته والطريق
كله خشمي موكف وصار صداع قوي براسي
كمت ابجي من الوجع .
نهاية البارت حبيت انزللكم بارت صغير
وبليل بارت طويل وكلش اشكركم على تعليقاتكم الحلوة صعدك تعليقاتكم ودعمكم
إليه تفرحني احبكم بااي 🥰