تريكت وأول مره ارتاح بالأكل كملت كمت لملمت الهوسه ورحت داصفط هدومي بلكنتور فتحت
الكنتور لكيت بي صندوك خشب صار عندي فضول
اعرف شنو بي فتحته لكيت صور بنات يعني مو
بنيه لو ثنين كل وحده شكل ضليت اباوع بنهاية
الصندوك لكيت صوره بيها أحمد ولد وبنيه والبنيه
كاعده بصف أحمد وحاضنته وهوه بالصوره مبتسم
ويضحك رجعت الصوره بالصندوك ورجعته مكانه
وضليت ارتب بلهدوم رتبت هدومي بعدين هدوم
أحمد ورتبت المطبخ والغرفه والاستقبال مخليت
شي مسحت الأخشاب مال غرفه خلصت شغلي
ب١٢ ونص اندكت الباب خفت لأن أحمد يفتحه
بالمفتاح يعني ميدكها
مريم : فاطمة فتحي الباب اني مريم
فتحت الباب سلمت عليها لكيتها محمله علاليك
كتلها هاي شنو
مريم : أحمد الصبح مر عليا ونطاني فلوس وكال
جيبي مسواك لفاطمة لأن ماعندها شي بلبيت
فاطمة: يي والله ماكو مخضر بس معلبات واجبان
اكولج مريم سولفيلي شسوت ام مرتضى
مريم :ياا بس طلعتو انتو هيه هم لمت هدومه
وطلعت وابويه ظل يتوسل بيها مثل الجاهل
فاطمة: لعد شكو هججتنا اذا هيه حتطلع
مريم: حيه بعد شتعرفيها تلدغ وضم راسها هسه
عوفينا من ام صخام انتي وأحمد شلونها علاقتكم
فاطمة : عاديه يعني شلونها
مريم : البارحة وين نام أحمد
فاطمة :على هذا التخم الكاعدة عليه انتي
مريم : ياا عزه العزاج منيمه اخويه هنا وانتي وين
نمتي
فاطمة : بالغرفه هو اصلا اخوج طلعت من الحمام
لكيته نايم لو يريد جان راح نام بالغرفة هسه عوفينا
من أحمد شسوي غده
مريم : جبتلج كلشي شيعجبج سوي
فاطمة : والله عاجبني دولمه بس مالحك اسويها
لأن أحمد بل ٢ لو ب٣ يجي
مريم : لا تلحكين اني وياج نسويها دقيقه خلي ادك
على أحمد اسئله شوكت يجي
فاطمة : دكت على أحمد كالها عندي معامله حتى
اسوي دوامي يومي احتمال بل ٤ اجي ابقي يم
فاطمة مريم كالتله تدلل
مريم : يلا كومي جيبي غراض الدولمه المحفاره
والسجينه
فاطمة : اكلج مريم صدك ماعدنا بهارات
مريم : جبتلت كلشي فرغيهن وشوفيهن
فاطمة : مابيه حيل هوايه
مريم : يلا كومي يل فاهيه حتى نسويها ونحطها
عل نار
فاطمة : يي يلا بس لاتكليلي فاهيه رحت جبت
الغراض وهيه حفرت الخضروات واني غسلتهن
وسوت الحشوه وكعدنا اني وياها نحشي وكتلها
مريم احجيلي عل أحمد عن حياته لأن اني ماعرف
عنه شي عايشه وياه مثل الغريبه
مريم : أحمد قلبه طيب ويحب اهله مو مثل مرتضى
وحمد وابويه اجه وزوجه بت عمي
فاطمة : أحمد مزوج😯
مريم : لا طلكها مشاكل وميحبها وطلعت عاكر
وهوه أحمد ميتقبلها بس ابو جبره
فاطمة : وين هوه قبل لايزوج جان يحب بنيه
مريم : يي علساس بس يكولون البنيه ازوجت
فاطمة : اذا هيه تحبه ليش مزوجته
مريم : والله مادري يلا خلي اكمل مبقه شي ونحطها
عل نار
فاطمة : مريم حطت الدولمه عل نار واني غسلت
الاماعين التوصخت وكملت بقت مريم لحد مستوت
الدولمه لأن تعرفني فاهيه ومادبرها وطفت الدولمه
مريم : يلا اني اروح لأن رنا ورنيم وحدهم يم امي
فاطمة: ابقي تغدي واخذيلهم غده
مريم : لا والله ركبتلهم بانيه بقه بس اطبك التمن
فاطمة : لحيت عليها بس مقبلت راحت مريم ب٣
وربع طلعت من الشقه بقيت وحدي علكت التلفزيون
وجان طالع سبونج بوب ظليت اباوعه لحد منعست
ونمت ماحسيت الا وسمعت باب الشقه ينسد كمت
جان يباوع عليه
أحمد: هاا كعدتج
فاطمة : لا اصلن هستوني غفيت يعني منايمه
يلا روح اغسل بين مااحمي الدولمه
أحمد: مسويه دولمه
فاطمة :مو كلها اني مريم ساعدتني هواي
أحمد: يلا لعد اروح اسبح لان ميت من الجوع
فاطمة : طب يسبح واني داحمي الدولمه اذكرت
الصوره احس اكو شي بداخلي تحرك كلبت الدولمه
وطلعت لبن وحطيت بلكلاصات ثلج وصبيت طلع
أحمد مبدل وريحت العطر تكفخ اخذت دولمه بماعون
وكمت
أحمد: وين كايمه ليش متاكلين هنا
فاطمة : مو متابعه مسلسل والحلقه مهمه ولازم اباوعه
أحمد: هاي مو اكو هنا تلفزيون طلعيها وباوعي هنا
فاطمة: دورت الصبح ماكو القناة بهذا التلفزيون
يلا راح تخلص المسلسل رحت للغرفه ماريد اكعد
يمه ولا اشوف وجهه ماريد اتعود عليه لأن اول وتالي
راح ارجع بيت عمي كمل اكل أحمد صاحني اشيل
الاكل مباوعت بوجها بس شلت الاكل وغسلت الاماعين
ورحت للغرفه وجانت وطنيه التبريد مشتغل طلعت
غطا رحت غطيت أحمد وطلعت غطه إليه ونمت
بعد ماحسيت بروحي
نهاية البارت السادس عشر شكرا عل دعم بس اتمنى
منكم تابعون قناتي لأن عندي بعد قصص انشاءالله
راح انزلهن قريبا احبكم تصبحون على خير
أنت تقرأ
فصلية فاطمة والنقيب
Storie d'amore"القصة حقيقية" قصة بنية يتيمة ينطيها عمها فصلية بدال بنتة وفوك العذاب عذابين راح تعيش مأسات محد عاشها وشنو هيه المأسات راح تعرفوها اذا قريتو القصة ------------‐-----------‐-------- فاطمة:يي والله مثل مسمعتي شفتي اخوج شسوه بيه والله مستعده اموت ولا...
