فصلية فاطمة والنقيب

البارت الثامن والثلاثون

نزلنة اني وأحمد نركض لكينة الكل ملتمين
بالمطبخ زلم نسوان أحمد كام يعيط شكو
طلعت بت مرتضى الصغيرة محتركة بالجاي
فليحة: منو حط الجاي هنا
فاطمة: اني ليش
فلحية: انتي تريدن تهجمين بيتي وكامت تعيط
مرتضى وأحمد اخذوه غفران بت مرتضى وركض للمستشفى مرتضى كال لمرتة ابقي
هنا كامت تعيط وتصيح وراحت
ام مرتضى: من شفنة وجهج مشفنة خير
سحر: بومة وحاطيها بالبيت شمنتظرين منها
زهراء: ارتاحيتي هسه نفذتي البالج
فاطمة: واني شعلية هيه عافية بتها اسيح وديح
ام مرتضى: هم الج عين تحجين منو الحط
الجاي على طرف الطباخ
فاطمة: لاذبنها براسي كل مره احطة نفس مكانة
سحر: خلي يجون عمامي وبعد مالج مكان بهذا
البيت
فاطمة: يي يلا اطلع من البيت هو هذا الهامج
وثاني شي اني مكاعدة بيت الخلفوج حتى
اطرديني شوكت متريدن
سحر: بت الخ***رة اتغلطين علية والله بعيني
فاطمة:يي هسه طلع السانج من أحمد ماكو
الي توصل يمي الله وكتبها علية لاعبالج تره اني
هم عندي وجه ثاني
سحر: يي بينتي على حقيقتج ياكح**بة
فاطمة: انبحي شكد متريدين شيطلع بيدج سوي
سحر تركض وراية تريد تضربني صعدت لغرفة
أحمد وقفلت الباب ركض وظليت كاعدة انتظر
وبالي يم غفران خطية طفلة تقربيا فاتت ساعتين
ونص وسمعت هوسه جوه نزلت اركض جوه
وفليحة شايلة بتها وغفران نايمة من البجي سودة
بوجهي بس شافتني فلحية
فلحية: بعياط هاااي متبقى بالبيت من دخلت البيت
مرتضى اختلف علية وهسه حركتلي بتي اذا مطلعت
من البيت اني مابقة مرتضى هم يحجي ويعيط
مرتضى: الابنية شعليها انتي هاملة بتج ومدايرتلها
بال
فلحية: باوعوو مو كتلكم أحمد اختلف علية شوفو
شلون يدافعلها انتي شمطيته وهيج محترك دمة
عليج هنا صدك سمعت عيطت أحمد
أحمد: انجبي لج شنو منطيته انتي متستحين شايفتها
ساق***طة الي يجيب عرض فاطمة على السانة
لو مو مرت أخوية اذبحج الزمي حدودج لايصير
شي ميعجب مرتضى اخذ مرتك منا لاسويلكم مصيبة
صعدت للغرفة كلت احاجي أحمد اكلة أريد اروح يم
امي صعد أحمد تعبان ومابية حيل حتى يحجي
حط المحفظة والسويج على الميز واجه تمدد عل
جرباية
فاطمة: شلونها غفران
أحمد: مابيها الحمدللة الجاي جان دافي وممسمم جلدها
بس صار اثر أحمر انطوها دهونات يعني فد اسبوع
ويروح الأثر
فاطمة: الحمدللة اكلك أحمد
أحمد: هاا
فاطمة: طلكني وخل اروح يم امي من كلت هيج أحمد
التفت علية وعيونهه بككت
أحمد: ليش شنو بكيفج تطلكين وتروحين ماطلك شوكت  ميعجبني اطلك
فاطمة: أحمد هواية سويتلكم مشاكل واني هنا وجودي
وعدمة واحد خلي اروح يم امي وكلشي ينتهي بيناتنا
ونرجع لحياتنا الطبيعية
أحمد: انتي متفهمين كتلج ماطلك وكومي طلعي من
الغرفة أريد انام وطفي الضوء
فاطمة: يعني راح تنام وتكعد شراح يتغير هاا جاوبني
والله اذا مطلكتني انهزم لو اسوي بروحي شي
أحمد من سمع هيج ظربني راجدي حيل
أحمد: بت الخر**ة تنهزمين موو
وكمل ظرب خشمي كام ينزف كمت ابجي يلة عافني
أحمد
أحمد: اذا سمعتلج حس اطلع قهري كلة بيج يحجي
بعياط
فاطمة: شتريد مني عوفني كافي أريد امي يعني انته
عندك ونسة من تضربني كافي تعبت حجارة توكع من
السمة يكولون فاطمة
أحمد: تره اني ممزوجج على حب ولا رايدج اصلا
بس شسوي كله من ورة أخوية خلاني اشوف جهرتج
تتحملين كلشي احنه مجايبج اميره احنة نخدمج
تره انتي فصلية تعرفين شنو يعني فصلية
كمت طبيت للحمام اباوع على وجهي صاير  خريطة
من الظرب واغسل خشمي ويرجع ينزف كعدت بالحمام
مطلعت كعدت ابجي واشهك وجسمي يأذيني من الظرب ظليت كاعدة بالساعة أحمد كام يدك بالباب
أحمد: فاطمة طلعي لاسوين سوالف مال زعاطيط
مجاوبت ظل يدك عل باب بالربع ساعة
أحمد: فاطمة جاوبي شبيك لاتكفريني
ظليت ساكتة ومحجيت اي كلمة وكف صوت الظرب
عل باب تقريبا ورة نص ساعة سمعت صوت مريم بالغرفة
مريم: فاطمة حبيبتي طلعي من الحمام وخلي نتفاهم
فاطمة: ماطلع منا بيدكم اطلعوني جثه
مريم: اسم الله شنو هل حجي بس كليلي شتريدين
حتى نتفاهم
فاطمة: خلي أحمد يطلكني
مريم: يطلكج وين تروحين ماعندج احد
فاطمة: لاعندي امي موجودة
مريم: يمعودة الشيطان دخل بيناتكم خلي تخلص السنة
وكل واحد يروح لطريقة
فاطمة: مااتحمل منا لسنة تريدني اطلع منا عايشة
خلي يطلكني اذا مطلكني خطيتي بركبتة
اني احجي وأحمد يعيط ماطلكها لو تموت
مريم: يمه انتي مثل بناتي طلعي وخلي نتفاهم على
كيفنة صارلج ساعتين بالحمام اذا قل الاوكسجين
تموتين
فاطمة: خلي اموت احسن خلي يرتاح أحمد
أحمد: ماطلكهاااا لو تموووت
واسمع مريم تسكت بيه
مريم: شلعتي قلبي بس اطلعي خلي نحجي ونتفاهم
فاطمة: يي اطلع بس خلي أحمد يطلع من الغرفة
أحمد:مو بكيفهااا ماطلع من الغرفه
ومريم تقنع بيه لحد مطلع واني فتحت الباب وطلعت
كعدت عل جرباية وكعدت يمي مريم
مريم: الله ينتقم منك عفت الحشو متل كبة عل نار
هسه انتي خاتون شتريدين مفهمت أحمد مافهمني
فاطمة: كتلة أحمد طلكني لأن المشاكل الدتصير
بسببيي
مريم:فاطمة خلي تخلص السنة وكل واحد يروح بطريقة انتو ثنيناتكم مجبورين الله كاتب هذا القدر
عليكم
فاطمة: يعني شلون اتحمل ام مرتضى وسحر وزهراء
كلهن علية ماعدا اماتهم
مريم: معليج بيهم اتجاهليهم خلي يولون سوي روحج
مسمعين
فاطمة: ااااه شسوي اصبر حتى اخلص
مريم: لج هسه انتبهت هاي شصاير بوجهج
فاطمة: عيني هذا اخوج ميتحمل نحجي وياه حجاية
اذا ميحرك ايدة
مريم: ابقي هنا ابد لاتنزلين وجهج هيج يشمتن اعرفهن
فاطمة: مريم كلي لاخوج خلي يجوز مني
مريم: يي والله هسه احاجية
طلعت من من الغرفة كمت طلعت هدوم وسبحت
وبدلت بالحمام ونشفت شعري وطلعت لكيت أحمد
متمد عل جرباية ويباوع بالتلفزيون اني واكفة
مشطت شعري وشلته بس مظبيته وطلعت فراش
دافرش وأحمد يباوع علية صفح فرشت ومدرتلة
بال تمدت بالفراش وتغطيت وأحمد الخبيث حط
التلفزيون على أعلى درجة ومطلع حريم السلطان
واني اتكلب ماعرف انام اذا مو هدوء
فاطمة: أحمد تره بينك وبين التلفزيون خمس خطوات
يعني متسمع
أحمد: اذا ميعجبج عيني روحي نامي جوه
فاطمة: وين انام غرفت امج صايرة ثريد من النسوان
وريم متقبل احد ينام بغرفتها يعني قابل انام بغرف
اخوانك
أحمد: والله هذا الموجود يعجبج ميعجبج اني اليوم
أريد اعلي التلفزيون غرفتي لو غرفتج
فاطمة: احجي بقلبي ويكول علية عندي سوالف مال زعاطيط هوه لحد الان يكول غرفتي وغرفتج
درت راسي وحطيت مخذه على اذاني طلع الفجر واني
اتكلب منمت شدعيلك أحمد باوعت عل ساعة بل٧
نعست كلش ونمت كعدت بال٩ كمت لميت الفراش
ولكيت أحمد بعده نايم غسلت وجهي ونزلت
لكيتهم كاعدين رحت للمطبخ سويت جاي داسوي
البيض
سحر: وخري اني اسوي انتي شعرفج شلون يصير
فاطمة: تره مكايليج راح اسوي باجة هوه بيض
سحر: يي وخري همه يحبون البيض من ايدي
فاطمة: احجي بقلبي يي تحطين شوية من سمومج
حظرت الصينية وجابوا اجبان وكَيمر عرب وصمون
طبعن قبل لاحطلهم الصينية اودي اكل لام أحمد
حطو الصيني  اني ماكلت نزل أحمد كعد اتريك
وياهم كعد بصف زهراء وسحر وهوه كعد بالنص
وحدة تنطية صمون وحدة تصبلة جاي كبر غير ملطلطات عفتهم وطلعت من المطبخ رحت للصالة
دانظف لكيت فليحة دتنظف الصالة من شافتني
شمرت البيدها وطلعت باوعت عليها هاي شبيها
اليشوفهاا يكول اني شلت القوري وذبيته على بتها
لميت الصالة ومسحتها أنوب رحت على غرفة ام أحمد
ماكو بالبيت زلم بس أحمد مرتضى بالدوام وحمد
بالشغل كملت كلشي رحت للمطبخ لكيت سحر كاعدة
تغسل اماعين الريوك وأحمد كاعدة عل ميز وكاعدة
بصفة زهراء وكاعدة تفرك بيد أحمد استغفرلله بعد
كومي للغرفة وياه احجي بكلبي طبعا اجفه شرهم
فاطمة: وخري اني اغسلهن
تحجي وتعوج بحلكها
سحر: لا عادي اني اغسلهن
وطبج مرض تريد تغسلهن لأن أحمد كاعد بالمطبخ
داطلع من المطبخ
أحمد: انطيني كلاص مي
سحر: اني اجيبلك
أحمد: لا مايحتاج هيه تجيب
انطيته المي وطلعت من المطبخ صعدت لغرفة أحمد
مسحت الأخشاب ومسحت الغرفة وكملت كلشي
ظليت اباوع بالتلفزيون جانت طالعة حريم السلطان
ظليت اباوعها ماكو مثل حبهم اااه ربي أريد
واحد يحبني مثل سليمان بعدين صفنت شيحب
مني قابل اني بجمال هويام اني شكلي عادي يعني
حتى ماعتقد يجذب احد جمالي بسيط يعني بنية
عادية ماعندي شي من ملامح وجهي يجذب الحمدللة
اهم شي الصحة ظليت اباوع بالتلفزيون لحد منمت
ومادري بروحي فزيت على طكطكه شفت زهراء
بالغرفة واكفة يم الميز الأحمد يحط علية العطور مالتة
فاطمة: شدسوين هنا من كلج فوتي لغرفة أحمد
زهراء: ا ا أحمد كالي جيبلي العطر مالتي
فاطمة: طلعي بره يريد العطر خلي يصعد هنا يحط
يلا طلعي
طلعت زهراء وره شوية صعد أحمد فتح الباب اله شوية
وتخلع ويعيط
فاطمة: شكو شبيك
أحمد: ليش اطردين زهراء من الغرفة اني كتلها تجيب
العطر مالتي
فاطمة: والله حبيبي تريد العطر تعال بالغرفة وخلي
اذا نباكت شغلة من الغرفة اطلعوني حرامية زهراء
واكفة ساعة تفتش بالغراض معقولة ملكت العطر وهوه
مقابيلها تريد غراضك ينباكن بكيفك اني نبهتك
أحمد: عوفي الغراض نزلي اعتذري من زهراء
فاطمة:شنو يمه من منو اعتذر
أحمد: من زهراء شنو متسمعين
فاطمة: والله لو اموت ماعتذرلها تريد روح انته اعتذر
مو هيه بت عمك
أحمد: نزلي اعتذري ولتسوين مشاكل
فاطمة: يي تريدني اعتذر تعال اشوفك شلون اعتذر
نزلت للمطبخ وأخذت سجينة حادة
أحمد: شدسوين
فاطمة: كتلك مااعتذرلها لو اموت
وحطيت السجينة عل وريد
جان أحمد يجرني حيل ولزم ايدي
فاطمة: عوفني أريد اخلص من هاي الذلة والإهانة
أحمد: فاطمة هدي السجينة ولاتسويلي مصيبة باجر
وراية دوام
فاطمة: عوفني أحمد خلي اخلصك مني
أحمد : انجبي شنو هل حجي
أحمد ديحجي جان زهراء تجي للمطبخ تشوفني.
وصلنة لنهاية البارت أسفة عل تأخير وشكرا لتعليقاتكم
الحلوة محد مشجعني اكمل القصة غير تعليقاتكم الحلوة مثلكم ربي يحفظكم ويفرحكم بكد متفرحوني
🤎