فصلية فاطمة والنقيب

البارت الرابع والخمسون

اني كاعدة بغرفة التحليلات وأحمد واكف برى واسمع
تلفونة يدك ويجاوب ومخبوص خطية لأن احنة اتاخرنة طبت ممرضة ظلت صافنة علية هية صفنة
دتمشى جان تعثر ياهو اليطب الغرفة مال تحليلات

يضرب صفنة مصدومين
فاطمة.. دكتورة عفية لازم اروح اتاخرنة عل عرس
هسة انطيج رقم زوجي ومن تطلع النتيجة دكي علية
ماكلكم وجة الدكتورة الثانية من سئلت على التحليل
وكالولها مال حمل انصدمت يعني شلون عروس وشلون
تحليل حمل تعرف حجي الناس اجتي سألتني
الدكتورة.. زوجج يدري بيج دسوين تحليل مال حمل
شلون تسوين وانتي بعدج عروسة
فاطمة.. احنة متزوجين رسمي بس مو كل كرايبة يدرون فسوينة عرس هسة أكدر اروح لأن اتاخرنة

كلش
الدكتورة.. تمام بس عوفيلي رقمة لزوجج
صحت أحمد كتب رقمة وطلعنة نركض من المستشفى
الي يشوفنا يكول عرسان مهزومين حتى تيهنا باب
المستشفى المهم طلعنة وأحمد حرك السيارة ورحنا
للقاعة والطريق كلة نفسي تلعب وكلشي ماعجبني
لو بيدي بوكتها الغي العرس بس مبقة وكت اصلا🤣
وصلنة للقاعة والمصورة منتظرة وحظرو الورد تعرفون
من العرسان يفوتون للقاعة يبو هاي الفقرة لعبت نفسي
لازم ماكو ولا غلطة عاد اني ضجت
فاطمة.. هسة شنو صارلنة ساعة واكفين ترى نفسي

لعبت خلي نفوت ونفظها
أحمد.. شبيج مستعجلة هسة غير يحظرون لكلشي
المهم طبينا والتصوير والاغاني وأحمد الابتسامة
شاكة حلكة اني هم جنت فرحانة بس وضعي جان
مو زين يعني اول مره اشوف نفسي بهيج وضع
المهم كعدنا عل كوشة والمصورة تكول سوة هيج
وسوة هيج وشغلوا اغاني والبنات يركصن طبعاً القاعة
بس للنسوان أحمد ميقبل يسويها نسوان وزلم سوه

قاعتين القاعة مال نسوان بالطابق الثاني والقاعة مال
زلم بالطابق الثالث ركصنا اني وأحمد وسوينا فقرة
تبديل الحلقات وكطعنا الكيكة واخذتلنة جلسة كاملة
بالقاعة واخذنا صور وية الكرايب واني وأحمد رغم
اني شكد جنت تعبان بس مكعدت على كولتي اني
كم مرة راح ازوج 🤣 المهم مبقة شي على طلعتنة
اول شب احنة العرسان طلعنة وركبنا السيارة ورانة

الاهل والأقارب الهم وصلنة للفندق وأحمد اخذ الكارت
مال الغرفة صعدنا للغرفة اني اول مطبيت شمرت روحي عل جرباية من التعب أحمد نزع السترة وكعد
عل جرباية فتح نت بتلفونة جان نسمع صوت اشعار
واتساب فتح الأشعار أحمد ظل صافن
فاطمة.. شبيك أحمد
ميجاوبني شلت روحي وباوعت بالتلفون وياه
دازيلة صورة مال تحاليل طلع من الصورة جان نشوف
جوه الصورة رسالة مكتوب بيها " مبروك مرتك حامل"

..اني من قريتها مصدك يعني اشلون الوحدة الممستوعبة وأحمد هم صافن ميعرف شيكول

فاطمة.. أحمد يعني اني حامل
أحمد.. يي حامل
فاطمة.. صدك
حظنتة لأحمد احس التعب كلة راح مني من سمعت
بنفسي حامل مصدك عيوني دمعت أحمد جان طاير
من الفرحة من الفرحة ظليت كاعدة بالبدلة كاعدة
واكول يعني اني راح اصير ام وانتة تصير اب
واني وأحمد كعدنا نسولف شلون راح نربية