فصلية فاطمة والنقيب

البارت الرابع

اتمنى تدعموني وتابعون قناتي 💜

الرجال ابو محمد محجه شي اتفقنه ورحنا للمستشفى

مقبلو ناخذ الجثه انتظرنه واخذناها ورحمنه بس الزلم

رجعنه سوينه فاتحه وعالم تجي وتروح ولعبان نفس

وصوت النسوان والبجي والطم الحمدلله هذا قدره

وهذا يومه بعد شنسوي .

ارجعلكم بالأحداث يمي طب عمي وجهه اصفر

وميباوع بوجهي سألته مرت عمي كالتهه ها شصار

وكلنا ترجف جان يكول طلب ١٠٠ مليون كالتله عزه

العزاك محمد الله ياخذج لمياء وتخلصين من بلاوي

ابنج كالتله شلون راح نوفيهن كتله عمو وين راحت

ساره ليش ماخذتني وياها كاللي عمو انتي راح تروحين

مفتهت عليه من كال هيجي عمي راح باع سيارته

وباع ذهب مرته والفلوس الضامهن وادين وباع جزء

من أغراض البيت ولده همين كل واحد شال وانتطه

لابوه همه عدهم فلوس يعني حالتهم الماديه فوك

المتوسطه وباع السياره مال محمد وهذا كله ومحمد

فاقد وميدري بروحه عمي بطلعان الروح سواهن

١٠٠ مليون ثاني يومي العصر كال عمي لبسي جبتج

وتعالي من اصيحج جنت اصغيره مامفتهمته

عمي شيقصد لبست جبتي وشالي طبو الزلم للصاله

وره تقريبا نص ساعه عمي طب للغرفه كالي تعالي

كتله وين عنو راح اروح ويه ساره سكت وماجاوبني

رحت ويه طبيت للصاله جان يكللهم هاي بت اخويه

جان كاعد سيد جان يصيحني كال تعالي كعديه بصفي

ومن اكمل كولي موافقه كتله على شنو موافقه جان

يباوع عله عمي كله ليش مكلت للبنيه كال عمي

ملحكت اكللهه جان السيد يكلي راح تزوجين

لمده سنه ويرجعوجع كتله شلون ازوج لا عفيه

أريد ابقه يم عمي باوعت على عمي والدموع بعيني

كتله عمي ميقبل ازوج مو عمو جان واحد كاعد بصف

شكله يخوف وجه معقوج بس تسويله بخ ينفجر

عليك جان يكول تره طولتيه وعرضتيه احنه مميتين

عليج راح ناخذج خدامه لمده سنه تفهمين لو اعيد

الحجي صدك وجه يخوف ونوب يخنزر سكت خفت

من هذا الرجال جان السيد كالي بابا من اخلص بس

موافقه هزيت براسي ودموعي غركت عيني .