جمال: الإنسان بعد المرات خاصو يبكي باش ينفس على لي فالداخل ديالو
مرام: شنو سميتك و شحال فعمرك
جمال: اسمي جمال فعمري 15 سنة
مرام: 15 عام ويلي ما بايناش فيك برهوش
جمال: أنا بغيت نفهم علاش لي قتلو عمري يقولي برهوش واش كتفكرو من شي بلاصة من غير عقلكم فين عمر سن كيحكم على الإنسان العقل هو لي يخليك تحكمي على الواحد كاين بعض ناس فعمرهم 58 عام و معندهم عقل كيف عمتي سمية و كاين ناس فعمرهم 10 سنين يحنتو الكبار
مرام: عقلك عامر البعلوك واخة مبيناش فيك 15 عام راك طول مني😂
جمال: ماشي بزاف راك طويلة مقارنة بلاخرين غتكوني قصر مني غير ب6 ولا 7 سنتيم
مرام: اه فيا 1.70 أنا أطول وحدة فخواتاتي
جمال: كتباني مسمومة حيت طويلة و رقيقة ولكن ضريفة🙂
مرام: كلشي كيقولها ليا معرفتش علاش😐
جمال: حيت حنا شعب كيحكم بالمظاهر 😑
مرام: فيا جوع كرشي كتغرغر😐
جمال: كرشك شنو وقف وقف نمشيو نقلبو فنبيرة
مرام: فاش نقلبو شناهية هاد نبيرة
جمال: تلاجة تلاجة غير وقف😑
+مشات معاه الكوزينة حلو تلاجة و تحل فمها فيها اي حاجة ممكن تحتاجيها جبدات بطاطا و دجاج و الكفتة و الفرماج و صوص بيشاميل و صوبات باسطيشيو قلات بطاطا و شحرات الكفتة و صوطات الدجاج دارتهم فطاجين دباسطيشيو و زادت عليهم صوص بيشاميل و مودزاريلا من الفوق و دخلاتو لفران ريحتو عطات فنة حطاتو فوق البوطاجي و جلسات
مرام: الى كنتي كتسناني نعرض عليك فراك بقيتي تما غير دير شرع يديك و زيد تاكل🙂
جمال: ياه على مسمومة 😑
مرام: اح لساني تحرقت يعطيك جهل
جمال: حوفيك باش تعلمي ترميها فدقمك بدخانها😂
+بقاو مناݣرين و كياكلو تا طل عليهم اسماعيل خنزرات فيه مرام و دورات وجها لباب دجردة قاليهم بالصحة و مشا بحالو
جمال: با سيدو ماشي إنسان خايب بالعكس هو حنين مرة غير مامي لي قبيحة و هي لي كتحكم
مرام: كيفاش شنو بغيتي تقصد😒
جمال: لي بغيت نقول أن با سيدو مكانش كيعلي كلمتو على مامي بالحق دابة ملي عرف الغلط ديالو مبقاشي كيسمعلا داكشي علاش لا كنتي غتحقدي على شي واحد حقدي على مامي أنا متأكد أنها هي ورا هادشي😔
