رجاء: ناري على نهار كيف داير ملي صبحت على صوتك و أنا فالخسران😑
عثمان: أنا بعدا صباحي داز من احسن صباحات😁
رجاء: حيد من قدامي العناب لاخر😒
عثمان: وقت لغدا هذا اوا يلاه الالة انا عارض عليك
رجاء: شكيت عليك لا. او زايدون انا كنبغي ناكل بوحدي😑
عثمان: مالك عزيز عليك لعكس خلينا نعرضو عليك هاد المرة
رجاء(بقات كتشوف فيه شحال): أنا لي غنختار لبلاصة
عثمان: فينما بغيتي الالة غير بقاي على خاطرك😉
+بدا كيصوني ليه تيليفون جبدو يشوف شكون لقاها سناء ماماه عرفها شافتو و هو يجمع ضحكة و جاوب
سناء: ياك قلتي واخة تبقى غير هي متشوفش فيها شفت ضرسة العقل كتقول ليا سلام
عثمان: ما كاين تا حاجة غير تدواز لوقت و صافي
سناء: الا كنت باغي دوز لوقت شوف شي وحدة مبرهشة بحالك و بعد من البنت راه ماشي ديال داكشي و الله تا تخرجو لك من حلاقمك
عثمان: صافي الواليدة أنا عارف شنو كندير
سناء: ولا عرفتي شنو خليها نيت تقادك أنا ما عندي لك جهد(قطعات عليه قبل ما يهضر)
رجاء: زيد نمشيو راه معنديش لك نهار كامل😑
عثمان: تسناي نمشي نجيب لوطو و نمشيو
رجاء: مكاين لاش غير على رجلينا
+بقاو غادين تا وقفو قدام كروسة ديال النصوص كيبيع فيها واحد راجل كبير شوية يكون عندو ديك 53 عام بحال هكاك ضحكات ليه رجاء
رجاء: با العربي لباس عليك كيف داير كي بقيتي شوية
با العربي: الحمدلله ابنتي غبورات هادي مولفة تجي عندي يوميا
رجاء: غير كانت ضاراني المعدة مقديتش ناكل و صافي
عثمان: ما ختاريتي بين لي غيسطو غير هنا🙂
رجاء: سكت عليا فمك بغيتي ما بغيتيش راه طريق بغيتي جوج نصوص ولا ربعة😑
عثمان: جوج نصوص براك راني ماشي جحش
رجاء: و متعرف😁 با العربي شي ربعة دنوص عافاك
+واقفة كتعاطا هي و ياه بيما وجدات لماكلة تا بان ليها واحد جاي جيهتها حقداااات تا قالت تهنات منو و بان تاني وقف قدامها و طلع عثمان و هبطو
