+كانت زاهية مرمية فالاخر ديال دروج و راسها فيه دم مشاو بناتها كيجريو حورية مقدراش تقرب ليها كلها كترعد كيشوفو فيهم تا عمامها و عماتها واقفين جا واحد من عمامها و عمتهم لي ضريفة لاخرين كيتفرجو و جا ياسين هو لي هزها و زاد بيها لوبيطال و دريات موراه كيبكيو من غير رجاء من العام لي مات فيه باها ما بكات واخة كانت صغيرة بزاف ولكن عاقلة على كل حاجة طرات الحاجة لي كتخلي لاطراس ديالها فقلبك مكتنساش شحال ما كان عمرك وصلو لصبيطار و دخلوها يشوفها طبيب واحد شوية خرج عندهم
طبيب: الحمد لله كان عندا غير جرحة فراسها واخة خسرات شوية دم ولكن مشكلش شي خطورة ليوم خاصها ترتاح غير يسالي سيروم تقدرو تديوها ولكن ما خاصاش تحرك بزاف
حورية: شكرا بزاف واش نقدرو نشوفوها بعدا
طبيب: اه ولكن راه باقة ناعسة تفيق دخلو عندا
رجاء: الله يجازيك بالخير شكرا
+مشا طبيب و دارت حورية عند ياسين وقفات قبالتو هزات راسها فيه و هو هبط راسو فيها (لقصارات الله يكون فعونكم أنا فيا 1.66 و كيقولو قصيرة 1.50 مساكن معدبين🙂)
حورية: شكرا بزاف اخويا ياسين عمري نسى لك خيرك من ليوم ديرني بحال ختك لي حتاجيتيها أنا موجودة
ياسين: أنا درت غير لي كان خاصني ندير و حنا راه عائلة أولا
إسلام (معرفوها منين خرجات ليهم): عاود اش قلتي كنحلم ياك فاينوا خاي ها
ياسين: شدي فمك عند لا نهرسولك
+من بعد ما علماتهم الممرضة أن زاهية فاقت دخلو عندها كاملين وقفو حداها ياقوت ݣلسات قبالتها شدات ليها يديها كتبوسها و تبكي
زاهية: صافي سدي درقوشك هانة بيخير
مرام: كيفاش طحتي اماما مفهمتش
زاهية: أنا مطحتش شي واحد دفعني
+علامات صدمة تعالات وجهم كاملين إلا ياسين المطارق كضرب فراسهم شكون غيكون دارها بينهم كاين بزاف للشك فيهم
رجاء: شكون لي دفعك واش شفتي شكون
زاهية: هادشي لي فاقصني مشفتش
ياسين: سمية هي لي دفعاتك شفتها فاش كنت راجع نهز ساعتي
+هنا تا واحد ما تصدم من غير إسلام عمرها ضنت تكون ماماها بهاد الخبث لي تبغي تقتل روح اه ماماها مشرارا ولكن ماشي لهاد درجة
