هو:( فخاطرو) ميمكنش كمية شبه غير ممكنة
+قاطع تفكيرهم صوت المدير ديال الكلينيك
المدير: هذي حورية أي حاجة احتاجيتيها قولها لها، حورية هذا هو دكتور نسيم
نسيم(مد يدو): تشرقت بمعرفتك
حورية: شرف ليا دكتور
+نخليو حورية شوية و نجيو عندها و نمشيو عند رجاء لي منوضاها صباط مع السيكريتيرة ديال مولات صالون لي مبغاتش تخليها دخل عندها
رجاء: يا غدخليني بالخاطر و بلا مشاكل يا غندير شرع يدي و ندخل بزز منك ختاري
سكريتير: ختي رجاء راه هي لي قالت ليا مدخلي عندي حد
رجاء: عرفتي شنو ديري حيدي من قدامي( دفعاتها جات طايحة و مشات دقات و دخلات تبعاتها هديك لبنت)
لبنت: مدام سناء حاولت نحبسها ولكن ما قدرتش راك عارفة ما يقد عليها غير لي خلقها
+مدام سناء ابتاسمات تا هي عارفة رجاء قويسحة ولكن عزيزة عليها خدمات معاها عامين قدرات تكسب تيقتها كثر من هادوك لي خدامين قبل منها أما رجاء بقات واقفة مخنزرة و كتشوف فهداك لي ݣلس فالبيرو محملاتوش
مدام سناء: ماشي موشكيل غير سيري اجي نتي ارجاء ݣلسي
+مشات رجاء ݣلسات تحت أنظار هداك لي ݣالس تما ولكن هي ما داتهاش فيه
رجاء: مدام سناء سمحيلي ولكن كون مكانش الأمر مهم مغنجيش عندك
مدام سناء: عارفة ابنتي ياك لاباس اش عندك
رجاء: جيت غير نطلب منك كونجي سيمانة لا كان ممكن
مدام سناء: علاش ياك لاباس عندك شي مشكل تبغي نعاونك فشي حاجة
رجاء: لا غير جدي لي هو الأب ديال بابا الله يرحمو مريض بزاف و حنا بيناتنا بزاف ديال الخلافات و هو طلب يشوفنا باش نصلحوها قبل ما يموت هادشي لي كاين
مدام سناء: اه ماشي موشكل خودي جوج سيمانات نيت راك مخديتيهش من شحال هادي
رجاء( بغات تقول شكرا ولكن عصبها هداك لي مقابل معاها): سمحيلي امدام على هادشي لي غتشوفي مالك اخويا ياك لاباس ملي ݣلست و نت غتاكلني بعينيك مالك
+هو عاد وعى و ضار عند مدام سناء كيقول لها واش معايا بعينيه قاتليه بعينيها ما سوقيش و بدات تضحك
هو: شكون تمزك ليك
رجاء: بلاما تبقا تزايد معايا فالهضرة و جمع عينيك لانݣلعهم ليك و نلعب بيهم البي شكرا امدام سيمانة جاية غنرجع أنا بغيت غير سيمانة مكاين لاش جوج
