ياقوت: الكوريين واش بغيتيها تقتلك
أدهم: منعرف مهم دايرين بحال لبنات اش عجبك فيهم
زينب: داكشي هداك خلق الله ربي لي خالقهم بيضين و بشرتهم صافية و شعرهم رطب ماشي كلشي ولكن المهم و عرفتك غتقوليا المكياج هديك ثقافتهم و أصلا ݣاع فناني العالم سواء كانوا رجالا أم نساء كيديرو المكياج و حاجة أخرى أنا كنحتارم الثقافة ديال كاع البلدان حيت الله سبحانه و تعالى طلب منا نحتارمو جميع الاجناس و الاشكال من غير المثليين خاصنا نعلوهم و كلشي كياخد هاد الفكرة على الكوريين راه والله ما مثليين اه بصح كاين المثليين فكوريا ولكن بنسبة قليلة بحال أي بلد فالعالم مال المغرب مافيهش لوبيات راه عطاهم الله و إلا كيفاش كانوا غيولدو ميمكنش تولد مرا مع مرا و راجل مع راجل و أصلا غير داك نهار حدا توين بضبط تلاقيت مع واحد لابس جلابة و داير ظفران و شفران و صاك عيفني تفو
أدهم: صافي صافي ندمتيني ضبري لراسك عاطياني محاضرة فابور
زينب: عرفتي شنو غدير نوض غير درݣ عليا زلافتك غتخليني نخصر الهضرة
ياقوت: صافي صافي تهدنو يلاه نمشيو دغيا نݣلسو شوية قبل ميطيح ليل و نوليو ندهصو
رضوان: أنا غير غنتفرج و نسكت حسن ليا😐
+ݣلسو شوية حدا لبحر ضحكوا و نشطو من بعد وصلهم الشيفور رضوان لدار🙂
رضوان: غنجي نشفر لمك لسانك من بلاصتو البزقة😒
الكاتبة: وا سير راه غنغلط فك سير راه فيا 1.66 منسمحش ليك تهيني
رضوان: لا طويلة بزاف ما شاء الله كطلي على غدا ولكن بصح طول ديالك مقبول بزقة هي 1.50 كيساليو معايا هادوك أنا 😂
الكاتبة: شفتك ولفتي لحتيت معايا تا أنت غا على سبة خاص غير لي يبدا ليك سير بحالك راه خوك كيصوني
رضوان: وا غا بشوية مدفعيش هاوا غادي تريكة ناقصة غير لي بغا يجمع معاكم
+خليه يتفرݣع تم و الله ما ندير فيه راسي يلاه نمشيو عند ياقوت لي من بعد ما دخلات مع زينب رحبات بيها العائلة كاملة كيف ديما كلهم كيبغيوها أصلا ياقوت كدخل لخاطر بضرافتها و كتصرف على طبيعتها مكتصنعش عمر الإنسان المتصنع ميلقى بلاصتو وسط ناس مزيانين ديما غيبقا محصور وسط لي بحالو داكشي علاش كوني على طبيعتك غيكون حسن و كلشي غيبغيك بعيوبك حيت مكينش شي إنسان مثالي فالعالم ضروري مغيكون العيب ما علينا هادا ماشي موضوعنا من بعد ما دخلات طلعات هي و زينب و خت زينب صغر منها بعام اسمها هند و بداو كيوريوها
