+بحكم أن لبارح كانت الحنة و غير بين البنات و صافي مكيكونوش فيها دراري ملي سلاو باتو مجموعين فبيت واحد فالارض اوا اش ماشة نقولكم واحد الحالة دجرتيل مرام ناعسة بمكياجها حيت عݣزات تحيدو ولا وجها حالتو لالة رجاء شعرها طلع لسما بنعاسها زين بقات تحاك معا لمخدة تا تشنتف (ناس دالفيزيك كنشوفكم😌) ياقوت خاشية رجليها فضهر مرام حورية معنقة الحيط حيت فيها الصهد يسرى ناعسة بعينيها محلولين وسروالها جيهة طالعة جيهة هابطة ريحان مطلعة رجليها فوق الحيط و يديها ليحاهم على لي حداها زينب حاطة فوق منها جوج مخدات زعما لدخلتي على غفلة و الله تا تخلع ما علينا حلات ماين أمين لباب باش تفيقهم شافتهم هكاك شداتها الضحكة صوراتهم عاد بدات تغوت باش ينوضو
عنبر: تبارك الله ما شاء الله على لي عندهم عرس خاص يوجدو ليه نووضوو تݣعدو يلاه لي عندها شي شغل تنوض ليه
مرام: ماما عنبر غير شوية عفاك ياك أنا مرات ولدك
عنبر: واقلة بدا يتنادم معايا الحال خاصني نشوف عروسة جديدة لولدي شوفي غير وجهك فالمراية كيف ولا
مرام: وا شتي اعنيبر ها حنا ولينا فتخصار الهضرة
عنبر: نوضي امصخوطت عݣوزتها نوضو اوجوه لمحاين
حورية: عنبر فيا جوع بغيت كرواصة
عنبر: اوا الله يعطيكم لمسخ كاملات مبقيتو تحتارمو حد نوضي توحمي على راجلك ماشي عليا نوضو راه خاصكم تمشيو تقادو حالتكم
+ناضو طرفو حالتهم فطرو و مشاو لصالون ديال رجاء لي خدامة هي و مرام رجاء تزوق ليهم كمامرهم و مرام تنتف ليهم شعوراتهم
رجاء: مرام أنت بوحدك لي غانصاوب ليك فابور معاوناني
مرام: يتوب عليك العشيرة
ياقوت: اوا الظلم هذا يا نخلصو كاملين يا بلاش
رجاء: درتي ليا شي حاجة و حطي الفلوس ديال تجخلطت الكمارة و باش هبطت ليك ديك العزافة لي فوق راسك
ياقوت: بزاف عليك شعري ويڨي بنادم بغاه و ملقاه و زيدون كتعايري فيا راه عندنا نفس النوعية ديال الشعر
+نخليوهم يطعرجو و نمشيو عند الدراري نشوفو اش كيديرو مجموعين كاملين عند الحجام كيحسنو ديك الشطابة لي فوق راسهم
عصام: نوضي شوفي راسك فالمراية و غتعرفي شكون لي راسو كيف الشطابة
الكاتبة: بزاف عليك شعري كيرلي ماشي شطابة
نسيم: سيري راه غنوض لك غير لقيتيني متوتر
الكاتبة: أنت بعدا غتسكت الخائن شفتيني مشغولة مع خواتاتك و نضتي تزوجتي ياما عيط ليك زوجي قرة عيني و سمينا ولادنا نايف و ميرا و لا نسيتي
