حورية: مرام نوضي عفاك تسخري ليا الله يحفظك
مرام: ممسالياش بعدي مني قوليها لرجاء ولا ياقوت
حورية: بغيت ليك دل كتصنعي صوارخ شتي داك سيڤي لي كاتبة بربي لا تقبلي تا فام دميناج ازين
مرام: وا حيت خواتاتي حمارات مبغاوش يعاونوني نصاوبو يا وجه لفتة المحفورة🙂
حورية: و الله و تسخرتي ليا تا نصاوبو لختي يلاه
مرام: وا ديريها من صباح هاري لهنا😑
ياقوت: مرام خارجة خارجة جيبي ليا تا أنا معاك واحد ميكس من عند حسن الله يحفظك تجي نعطيك لفلوس
مرام: مزيان تبارك الله الكبير يتسخر على صغير و زايدون عاودو ليك عليا بنكة و أنا الخدمة هي اللخرة معنديش تفو تريكة ناقصة حيدي رجليك عليا😒
+دفعاتها و زادت و خلاتها كتشوف و تسب فيها، مهم نعرفكم عليهم هادو بربعة بنات زاهية نبداو بالكبيرة حورية المتقلة و المرزنة فيهم ولكن لسانها سم قاطع لا مشيتي تا جبدتاها و الله لا تفكيتي من لسانها سليط عندها 28عام خدامة ممرضة الخلصة ديالها مزيانة الحمد لله زينها عربي بمتياز عنيها كحلين و كبار فيم صغير و نيف منقاد و حناك طالعين شعر كحل مسبسب طويل ما طويلة ما قصيرة و تا طايتها بين و بين.
رجاء ضحوكية و مبهجة ولكن كدوي بيديها ملي كتعصب كلمة جوج تناتف عندها 25عام كتشبه لحورية رجاء قصيرة و عامرة شوية عليها تا هي خدامة فواحد صونطر كبير ديال تجميل الخلصة مزيانة و هوما بجوج لي هازين دار من بعد ما زاهية دمرت عليهم تا قراو و كبراتهم.
مرام هادي هي الفليفلة الحريݣة فينما مشات دير بلاصتها لي سولتيها عليها تعرفها و أي دري بغيتي دوصي ديالو تجيبو ليك و سيڤي ديالها ما عارفة تقادو فعمرها 23عام خدات لاليسونس فالكونطابيليطي و شاركة لي دفع ليها ما تقبلها على داك سيڤي دزفت تا هي كتشبه للي صبقوها شابهين زاهية غير هي الفرق الوحيد عينيها زرقين كيف المرحوم باها شعرها كحل مقطعاه كاري و سميمرة خلاص كملات كتبان كتحمق هي المعورجة فيهم طويلة و رقيقة سلوم جيارة كي كيعيطو لها.
و أخيرا آخر العنقود ياقوت مولات العنين الزورق هادي الوحيدة لي خارجة شهبة كتشقشق بالبيوضية شابهة المرحوم باها درويشة و غا حانية راس لي قلتيها ليها ديرها كيما كانت الا لا كانو خواتاتها لي طالبينها ما تعرف تخرج عيب و لا عار و بكاية بقات كتربي راسها على الرفق و الطيبة تا ولا داكشي مبالغ فيه و ولات شخصيتها ضعيفة من غير مع خواتاتها كتولي وحدة خرا ديما منوضينها عندها 20عام باقة كتقرا تصميم الأزياء كتحلم تكون عندها ماركة ديالها بوحدها ماشي موشكيل متكونش مشهورة لموهيم تحقق حلمها.
