+دازت سيمانة واحد سي ياسين عجباتو الݣلسة فكازة عيط لشركة دلميناج صيفطو ليه واحد المرة جمعات ليه دار لي كانو ساكنين فيها فاش تحولو لكازة و دار معاها تبقا تجي كل خميس تجمعها و عيط لباه قاليه بلي غيتكلف بالخدمة لي كاينة فكازة حيت مكاينش لي حاضيها هو راه بيه غير لقساري كل ليلة و ماكاين لي يسولو علاش تعطلتي🙂 ما علينا مسوقيش فيه كولا غينعس فقبرو رجاء جا عندها بدر و ݣاليها انهو عرف بلي مكانش كيكن ليها مشاعر حب بل اعجاب صافي حيت كانت عندها شخصية قوية و غير متصنعة على خلاف العديد من لبنات طلبات منو يمثل انه خطيبها قدام سناء لمدة شهر من بعد يتفارقو بسبب بعض الخلافات و اليوم نهار لي غتخرج فيه رجاء من الخدمة كلهم كيبكيو إلا هي طبعا و سناء واقفة بعيد كتشوف فيها ملي تسالمات مع لبنات مشات عندها
سناء: غتبقى بلاصتك كبيرة أبنتي و تفكري بلي بابي محلول ليك فأي وقت
رجاء: اه أنا عارفة اش كاين امدام شكرا لهلا يخطيك
سناء: الله يسهل عليك و يحميك من شر يا ربي
رجاء: آمين يارب يلاه بسلامة نخليكم خاصني نمشي
+خرجات مشات لباركينݣ يلاه غتركب فطوموبيل و هي تلقا عثمان قدامها مخنزرات فيه ما عيراتو ما والو تعاملات عادي و هو كذلك بارد القلب
عثمان: رجاء شفتك غبرتي مبقيتيش كتعيطي كنصيفط ليك مكتجاوبيش واش عندك شي مشكل
رجاء: لا غير مشغولة كنوجد العرس ديالي إن شاء الله
عثمان: العرس ديالك بيمن
رجاء: الولد لي كنت قتلك بغيت نتفك منو صدق ولد الناس مشا لدار طلبني من عند ماما و درنا نديرو العرس من بعد شهراين
عثمان: اواه بهاد السرعة هادي
رجاء: اه باش خويا يكون حاضر و متخافش غنصيفط ليك دعوى باش تجي دابة سمح ليا بدر كيتسناني باش نتغداو مع بعضنا
+ركبات فطوموبيل ديمارات و زادت هو بقا حاضيها من لور تا غبرات كيحس نوعا ما بندم و الغيرة علاش تغدا مع غيرو خصوصا هو عارف أنه أول ذكر كتغدى معاه بوحدهم من بعد خوها عصام ولكن دغيا محى ديك الأفكار لي غير تخربيق بالنسبة ليه و مشا عند مو ندورو شوية جيهت حورية لي ناض ليها شيب فراس بسباب ريحان و نسيم دايرين عزة النفس واحد ما باغي يمشي عند لاخر و هي جات الوسط بحال مرسول الحب راسها غيطرطق طلع ليها دم دبصح
حورية: شوف أنت أنا عيت هذا الله سير قولها ليها ما تعرف تقبل بيك
نسيم: وا كيفاش غندير راه معنديش مع هادشي دلبنات
