عثمان: رجاء عفاك غير دقيقة نهضر معاك و كنواعدك يكون آخر نهار تشوفي وجهي
رجاء: واش كنبان ليك كإنسانة مسالية قبها تسمع هضرتك
عثمان: أنا عارف بلي غلطت و كنعتارف أنا بغيتك غير تسمحيلي و صافي تا لا ما قبلتيش بيا بعدا تكوني سمحتي ليا
رجاء: شوف اولد الناس أنا و الله تا سمحت ليك من كل قلبي أما ݣاعما نكونو واقفين هكا دابة حيت كنت يا إما غنقتلك يا إما غنقتل راسي صافي
عثمان: عطيني غير ساعة نهضرو و سيري
رجاء: ساعة منزيدكش عليها دقيقة وحدة يلاه دوي دغيا
عثمان: واش غندويو هنا يلاه نمشيو غير لشي كافي على الأقل
رجاء: هايا الكافي قدامك زيد و طلقني خلاص
+مشاو لكافي ݣلسو طلبات أتاي و هو قهوة و بقا شحال كيحاول يهضر و ما قادرش خاف يبدا يدوي و يطلع ليها دم و تمشي و تخليه حيت عارف طبيعتها صعيبة بزاف
رجاء: معنديش نهار كامل طلقنا دغيا
عثمان: نهار لي سمعتيني فيه كنهضر مع داك صاحبي مكنتش قاصد ديك الهضرة أنا انسان عشت واحد التجربة خايبة بزاف فحياتي مع الحب البنت لي كنت كنموت عليها حصلتها مع أعز صحابي طعنوني فضهري عشت فديبريشن واحد المدة طويلة بزاف من بعد مبقيتش كنتيق فالبنات و مقدرات تا وحدة تنسيني فيها من غيرك أنت ارجاء ولكن ما بغيتش نعتارف لراسي بهادشي مقديتش نتيق خفت نتصدم عوتاني ولكن ملي خليتيني عرفت بلي عمرني ما بغيت شي وحدة من غيرك أصلا البنت لولا مكنتش كنبغيها غير ولفتها و تصدمت فصاحبي داكشي علاش مقديتش ننسى أما أنت بغيتك بصح حيت كنت مختالفة على أي بنت عرفتها ݣاع البنات لي عرفت كانو كيختارو أغلى لبلايص و كيخسرو لفلوس فاغلى الماركات و كيفكرو غير فراسهم و شنو لي غينفعهم عكسك تماما انت انسان قاسح من برا و هشيش من لداخل اقسم بالله تا ندمان ارجاء ندير ليك لي بغيتي غير متخلينيش
رجاء: أنا عمري خليتك هضرتك القاسحة لي خلاتني نبعد عليك أنت سباب فاي حاجة طرات بيناتنا أنا ميمكنش نرجع ليك من بعد ديك الهضرة كاملة
عثمان(شد ايديها و كرز عليهم): عفاك ارجاء مستعد نفديك بروحي غير كوني فجنبي راني كنتقطع (نزلات دمعة من عينيه) ربي لي عالم بيا شحال كنتعدب
رجاء(مقداتش تصبر تشوفو هكاك مزال هزات يديها مسحات الدمعة لي هبطاتلو): شوت صافي سكت عندي شرط باش نوافق
عثمان: تشرطي عينيا نعطيهم ليك
رجاء: غتمشي تهضر مع خوتي اذا وافقو تا أنا موافقة
