بنات الزاهية (مكتملة)

بارت 8

+شافت نسيم ݣالس هو و واحد دري جاها نفس داك الإحساس لغريب لي كتحسو فينما كتشوفو بغات تفسرو ولكن ما عرفاتش ولكن لي متأكدة منو أنه ماشي حب ماعلينا ݣلسات مقابلة معاه و حداها مروان

مروان: هذا صاحبي نسيم و هذا فؤاد هدو هما صحابي الوحيدين هذي...

نسيم: حورية مكنتش متوقها فصراحة

فؤاد: فين كتعرفها اصاط😳

نسيم: هي الفرملية المساعدة ليا فالكلنيك

مروان: معرفتش كيفاش مطاحش ليا فبالي و أنا وصلتها قدام الكلنيك ديالكم هاد صباح😐

حورية: بلاتي بلاتي كيفاش ديالهم

فؤاد: الأب ديال نسيم هو المالك ديال الكلينيك مهم تشرفت بيك احورية

حورية: شرف ليا اخويا 😊

+جا عندهم السيرفور طلبو شنو بغاو و بقاو مجمعين و مقشبين تما كتاشفات الجانب الحقيقي ديالو هو عكس لي كيقولو عليه تماما ضريف و ضحوكي بزااف كيفاش كيهضر مع صحابو و يتبادلو ذكريات شيء لي خلاها مستمتعة معاهم

مروان: واحد المرة نتفكر كنا فالسيزيام يلاه بداية السنة أنا و فؤاد كنا دايرين علوم تجريبية و نسيم كان داير علوم رياضية و كنا خارجين بثلاثة مع ستة بقينا كنتسناو نسيم و والو مخرجش ملي دخلنا نقلبو عليه لقيناه كيبكي فطواليطات ملي سقسيناه علاش قالك جاب 16 فمتيحان دلماط أنا و فؤاد تكرشخنا عليه بضحك حيت كنا جايبين غي 10 بلكشايف بجوج كان كيموت على لقراية

فؤاد: متفكرنيش ولكن لي مبغاش يتفهم ليا كيفاش كملتي هندسة مورا لباك و نت كنتي مجمك

حورية: الفلوس كدير طريق وسط لبحر اصاط تا أنا كنت باغة نولي طبيبة بلحق لفلوس لي غنقرا بيهم ما كاينينش جاوني منح لبرة ولكن مقديش نبعد على عائلتي داكشي علاش دعست على الحلم ديالي🙂

نسيم: متديهاش فيهم و بغيت نقولك مبروك تجوجتي اغبى كائن حي😏

فؤاد: فهادي ما كدبتيش معرفتش كيفاش قبلات عليه وحدة فالجمال و ذكاء ديالك اجي معندكش شي ختك جوجيها ليا😁

حورية: عندي ثلاثة دلخواتات بالحق تا وحدة فيهم ما تصلاح ليك و دابة سمحولي نمشي نغسل يدي و نرجع خفافي

+مشات حورية لطواليط تغسل يدها من بعد ما كلات و سالات عند دراري دار فؤاد شاف فنسيم

فؤاد: صاط ميمكنش شحال كتشبه ليك هاد البنت

نسيم: تا أنا تصدمت فاش شفتها أول مرة غير أنا قصير و عندي شعر😂