+زينب كدور عينيها عليهم كاملين و هوما كيطلبو فيها مدات يديها لياقوت زعما بوسي ليا يدي شداتها ياقوت على وعدها و سعدها و دفلات فيها 🙂(اشنو كتسناوها تبوسها لا والله دة مش عندي طبعا)
زينب: اقسم بالله تا عرفتك غديريها غير حشمت أما نكدها عليكم😑
ياقوت: يا ربي بغيتها تنعس تفيق فالصباح و تلقى شعرها كلو طاح ناعس حداها
زينب: دعوة دور دور و ترجع لماليها
أدهم: باقي شي واحد كيقولها مالك قديمة😐
زينب:ديها فراسك ماشي سوقك نقول لي بغيت فمي هذا
رضوان: ضريتوني فراسي نوضو تحركو قدامي
ياقوت: سبقوني نعيط لماما نقولها ليها و نجي
+جبدات تيليفون عيطات فالفيكس مبغاتش تصوني فالتيليفون ديال مها ديريكت مكاينش شي سبب غير هي تافهة بحالي🙂
زاهية: الو اش كاين
ياقوت: شوفي زاهية راني مغنجيش دابة لدار بغيت نخرج أنا و زينب و جوج دراري كيقراو معانا
زاهية: بغيت ليك لخلا شفتك زعمتي تا أنت كيفاش زاهية و شكون هاد دراري و وقتاش غترجعي و واش عندك لفلوس ولا غا غادة
ياقوت: غير بشوية اماما هادي مزيانة ياك، و بنسبة لدراري أدهم و رضوان ديجا وريتهم ليك و اه عندي لفلوس عطاتني رجاء فصباح فاش وصلاتني ألف درهم و معرفتش معاش غنرجه لموهيم مغنتعطلش و مغنمشيش لشي بلاصة بعيدة ولا خاوية
زاهية: صافي ماشي موشكيل غير ردي لبال لراسك و صافي
ياقوت: صافي يلاه باي باي بيزو
+قطعات و مشات كتجري بانو ليها راكبين فطوموبيل ديال رضوان و ركبات تا هي لور حدا زينب
زينب: ديك ساعة باتي تما لاش جاية
ياقوت: و صافي راه غير خمسة دقايق فين غنمشيو بعدا
رضوان: سيدة زينب بغات تمشي المارينا مول من بعد نشوفو فين نمشيو عوتاني
ياقوت: سير على الله ديماري
أدهم: طلق معاك داك لبلوتوث خنتمزكو شوية
زينب: و صوݣ بشوية راه باقين باغين نعيشو
+ضد فيها زاد فالسرعة تا وصلوا بقاي كيدرور مارينا كلها شطبوها ما علينا نخليوهم تال شوية و نرجعو لعندهم نمشيو عند وحدة نسيناها مرام زغبية دابة 5 دالعشية الوقت لي كتخرج فيه جا أمين باش يوصلها مع وقف بطوموبيل مع بانت ليه خارجة كضحك مع واحد خينا قفرتها ليوم تعيش لاندوشين تسناها تا شافتو على خاطرها و مشات عندو مع غتسلم عليه ركب ديمارا مشا و خلاها كتشوف صونات ليه باش يرجع ولكن مجاوبهاش
