+فطرات و جمعات طبلة و قداتها و مشات لبسات حوايجها و خرجات متوجهة لدارهم خدات طاكسي لي وصلها خلصات و نزلات مشات لدار دقات فلباب حلات ليها زاهية (طبعا غتحل ليها زاهية شكون غيحل ليها مثلا أنا راه نهار الإثنين هذا كلهم فقريناتهم الكحلة😐)
زاهية: مرحبا مرحبا ببنتي شفتك منورة ياك لباس
حورية: بلاتي غير ندخل اماما اويلي استغفر الله
زاهية: دخلي دخلي أنا نيت لي مسطية كنسولك
حورية: غير كنضحك معاك مالك كشرتي زيدي زيدي ندخلو لصالون و نعاود ليك
+دخلو لداخل لصالون ݣلسات حورية فالارض و نشرات رجليها و يديها و بقات تشوف فيها و ضحك
زاهية: بسم الله الرحمن الرحيم درية تسطات امالك البنت كضحكي غير بوحد
حورية: الحب ازاهية الحب 😌
زاهية(قرصاتها): دوي مقاد ولا نوضي حيدي من كمارتي
حورية: احح حشومة عليك دابة لبقا ليا لاطراس فرجلي يلاه و شافو😐
زاهية: اوا شوفلك لمدودة واش غدوي ولا لا
حورية: صافي صافي غندوي غير تهدني🙂
زاهية: يلاه طلقينا خلاص اش كاين
حورية: عتارف ليا اماما عتارف ليا لبارح
زاهية: كيفاش عتارف ليك شنو قاليك
حورية: دابة لبارح خديت بلاصت أية فالخدمة حيت ماماها مريضة(عودات ليها شنو طرا)
زاهية: اوا على سلامتك واخا فالحقيقة ما دار فيها ما يصلاح ملي ما شدكش عطاك شي قتلة دلكلاب😒
حورية: ياك اماما ياك و تعطيك خاطرك بنتك يزراق ليها لحمها بلعصا
زاهية: اوا لا درتي علاش تستاهلي أنت نيت راه كديريهم قد راسك😑
حورية: واخة أنا نيت لي مسطية كون بقيت غير فداري تا يوصل وقت خدمتي و نمشي نغبر زلافتي فيها😔
زاهية: اوا و أنا مالي سوقي أنت لي جاية فارعالي راسي
حورية: وا هاية غادة و عقلي عليها
+ناضت خرجات غادة لخدمتها و هي active (رجعات حليمة لعادتها القديمة نسيتها بدارجة🙂) ما علينا لي شافتو كضحك معاه و عندها لخاطر لكلشي هي أصلا من ديما هكا ماشي غير ليوم وقف عليها أمين
