+الغد ليه مجموعين كاملين فدار ديال نسيم و تزادت علبهم ريحان زينب و عثمان كيتسناو الماتش يبدا حاطين قدامهم عرام ديال سقاطة و مضاربين دراري مع لبنات
ياسين: أنا بغيت نفهم علاش مزاحمين معانا ملي مكتفهموش فكورة😑
ياقوت: و أنا بغيت نفهم واش نتا سوقك ياك دار خويا هو و مدواش😒
مرام: و أصلا بغينا نتفرجو و نعيشو مع لماتش وخا مفاهمينش الموهيم كنعرفو كاين 11 لاعب و فالشوط التاني كيتبادلو البلايص و كل شوط فيه 45 دقيقة و كاين الهجوم و الدفاع و هادشي كافي و ما تبقا تشرحو لينا رجاء
أمين: قويتي كان علك تعرفي غير شوية عرفتي بزاف😂
مرام: ديها فراسك نتايا🙄
فؤاد: أهم حاجة خاص تكونو عارفينها هي لعابة كتعرفوهوم
زينب: أنا كنعرف غير حكيمي و بونو و زياش
ريحان: أنا بحالها
ياقوت: تا أنا بحالهم
مرام: أنا زايدة عليهم بتاݣناوتي و عطية الله حيت كيلعبو فالوداد و زمر ديال أمين ودادي
حورية: و أنا كنعرف لزعر و تيسودالي واخة ملاعبينش
عثمان: لا كثرتو هادشي كامل و أنت ارجاء شكون كتعرفي😂
مرام: سكت سكت راه غاتحدهم لك هاديك غير سير تكمش مكينش لي يدعقها فكورة
رجاء: سكتونا دابة الماتش غيبدا لغوات ممنوع التحمس ممنوع غتفرجو بسكات فهمتوني يتحرك شي واحد نشرو
حورية: ما نعرف شكون لي كيدير حالا فقهوة كاطالونيا فدرب بصداع مع دراري أنا واقلة
رجاء: زمي درݣومك لماتش غيبدا
ياقوت: راه يلاه النشيد الوطني زمي فمك غير أنت 😑
+بدا لماتش كلشي متحمس كلشي كينقز الميطا لولة تقاتيل و العصاب تزݣل شحال من بيت و دخل على المغرب بيت ولكن متحسبش حيت قاس واحد الكرة بيديه الاجواء ديال العصاب بدات الميطا التانية لعابة داخلين مجهدين و هوبا تضرب بيت فالدقيقة 60 دخلو الزلزولي بمساعدة الصابري و تمهيد امرابط لطريق رجاء ناضات كتغوت و تجدب تما و هي لي كانت توصي زعما
رجاء: هريااااااااااااا أخيرا أخيرا اعباد الله أخيرا ݣوووووول الله يرضى عليك الزلزولي كون ما كنت صغر مني كون طرت بيك دوماج
عصام: ريحي غنخصرك ريحي بقالك غير زواج درتي تا العقل
رجاء: فرحانة برب ما نتصوق ليك
