+فهاد اللحظة لي أنا كنعاود ليكم مرام كدور فالبيت قلبها غيسكت مقدراش تصبر كل شوية طل من الشرجم تشوف واش جايين
ياقوت: اوا شوفو المدودة البنت نهار خطبتها كتكون حشمانة كيباني أنت لي غدخلي بيه ماشي العكس😑
مرام: سكتي الله يعطيك شي موصيبة شفتهم تعطلو ناري
رجاء: لا متخافيش غير أمين تنادم معاه الحال و بان ليه راسو غيتزرف😂
مرام: الله يعطيك شي موصيبة تا أنت تفو عليكم
+دخلات حورية بحال العجاجة شادة فكرشها لي ولات بحال القنبولة و هي زادت غلاضت ولابسة قفطان دهبي مع شوية ديال المكياج ولات كتبان كيوت
حورية: نوضو التهزو راه الناس جاو نوضو عاونو ماما راني واحلة فراسي منقدرش
ياقوت: صافي غا سكتي دويتي بزاف بحالا أنت هي الوحيدة لي حاملة فالعالم مروان مسكين طيرتي ليه العقل
حورية: خرجي تقو.. من قدامي قبل منصفيها ليك
رجاء: متبقايش تخصري الهضرة اديك الحمارة بزعطة وليتي عصبية تعصبي على راجلك ماشي علينا😒
حورية: خرجي تقو.. تا أنت نيت الخرا كاين غا لي يعصب تفو
رجاء: تا تولدي و نوريك هاد التبرهيش لي كديري غا صبري ما بقاليك والو
+نهبطو لتحت عند هاداك لي ݣالس على الجمر كينغز فباه باش يدوي خلاص ما بقاش قادر يصبر
موسى: قتلتيني يا ولد الهم بالنغيز امالك
أمين: اوا راني زربان على رزقي شنو ندير
عنبر: الله يمسخك مبقيتي تحشم
موسى: اوا اختي الزاهية كيما كتشوفي الدري ملهوف على الدرية عندك و لي نطولوه نقصروه حنا جينا طالبين راغبين فيد بنتك مرام لهاد الحتروف ديال ولدي
زاهية: الله يا ودي أنت مول الخير و أمين ولدي و كابر على يدي ولكن لا وافقو خوتها و وافقات هي معندي منزيدكم من غير الخير
أمين: يوافقو علاش لي ميوافقوش غيلقاو حسن مني
خليل: سكت الخرا شوهتينا بحالا غتهرب
نسيم: شفتك تايق فراسك بزاف الزين الصافي
أمين: الله أودي الثقة فالله سبحانه أما أنا غا عبد فملوكو
نسيم: اوا على هاد لكلام اسيدي من جيهتي راني موافق نشوف راي الدرية و ما يكون غير الخير إن شاء الله
