🌄أصبحنا و أصبح الملك لله🌄
+صباح جديد باحداث جديدة فاقت رجاء مخصرة سيفتها على صوت تيليفون كيصوني جاوبات بلامة تشوف شكون
رجاء: صبحنا على الله شكون مصدعني على صباح😡
عثمان: تهدني و انت باغة طيري بشوية علك😐
رجاء: صبحنا على الله باين صباح كيف داير غير ملي مصبحة عليك😑
عثمان: غيكون صباح رائع زائد أنك يلاه فايقة يعني معطلة على الخدمة🙂
+عاد ستوعبات شافت فساعة لاحت تيليفون بلامة تقطع و نقزت من فوق ناموسية ديريكت لماريو هزات حوايجها لبساتهم دغيا و فيقات خواتها لي كلهم طفاو l'alarme و نعسو (هادي غير أنا كنطفيها و فاللخر نبقا نزرب كنخرج بلا فطور بلا والو تا وجهي ما غاسلاهش🤦🏻♀️) ما علينا خرجو يتجاراو لكوزينة هزو لي بان ليهم و خرجو رجاء كتفكر كيفاش غتوصلهم فطريقها مع الخرجة لقات أمين قدامها
رجاء: لفردة وصلهم بجوج معاك سمعتي فخطر
أمين: سيري و أنت مرتاحة😁
مرام: ولا أنا ما موافقاش على هادشي😶
ياقوت: أمين خويا خليها تمشي فطرام و زيد وصلني و الله تا غتندمي الحيوانة😒
مرام: الله ياخد فيك الحق ارجاء كون ما كنت معطلة و الله تا نمشي فطرام😒
أمين: ركبي و سكتينا راه مغنبقاش حاضيك أنا😑
مرام: سير الله يغبر لك شقف قول آمين 😐
+نمشيو عند حورية لي من بعد ما رجعوا لدار خرجات شرات دوا و داكشي لي كانت محتاجة و رجعات صوبات حسوة بالشوفان و كباتها فجبانية و مشات لبيت لقات مروان هاز لوراق خدام حيداتهم ليه و ݣلسات قبالتو
حورية: ما كايناش الخدمة لمدة سيمانة و دابة تسنا نقاد ليك لمخاد موراك و نعطيك تشرب هادي
مروان: ما يمكنش ما نخدمش و زايدون راني غير مجروح
حورية: لا مش عليا قلنا سيمانة بلا خدمة يعني سيمانة بلامة تحلم تهز شي ورقة اوك و دابة حل فمك شرب🙂
مروان: راني مضروب لجنبي ماشي ليدي😐
حورية: حل فمك و هنينا من الهضور 😒
مروان: قالو ناس زمان ما عند الميت ما يدير قدام غسالو غندير فيك راسي و نخليك ديري لي بغيتي😐
