بنات الزاهية (مكتملة)

بارت 15

+و نرجعو عند رجاء الصݣعة لي باقة مربوطة و قدامها بدر مصدوم من آخر حاجة قالتها "بدر واش باقي باغي تزوج بيا" عمرو ما ضنها غتوافق ميمكنش حتى فاحلامو مكانش كيتخيلها معرف ما يقول

رجاء: علاش ساكت دوي واش متأكد بصح أنك كتبغيني واش كتقولها و أنت متيقن ولا غير داوي و صافي

+هو كيفكر خايف يقول شي حاجة يندم عليها كيحاول يفهم باش كيحس بضبط معارفش راسو كيدور معطاهش تا جواب الجسم ديالو في صراع ما بين قلبو و عقلو كل واحد فيهم كيلغي بلغاه و أخيرا قرر اشنو غيدير

بدر: أنا دابة غنفكلك يدك و غنوصلك لدار حيت فات لحال ل5 هادي و غدا نتلاقاو و نهضرو صافي

رجاء: فكر مزيان ابدر حيت إلا كنت بصح كتبغيني غتكون هضرة وحدا أخرى ديك ساعة

بدر: ولكن كيفاش ياك أنت مخطوبة لهداك عثمان

رجاء: عثمان نساه متبقاش تجبدو ليا نهائيا

+مشا حليها القنبة و خرجو ركبات معاه فطوموبيل ولكن وصلها لخدمة باقين مكيخرجوش دابة و عاد طوموبيلتها تما مشات نيشان لبيرو ديال سناء مدواتش مع سكرتير نيشان دقات و دخلات

رجاء: سلام سمحي ليا خرجت بلامة نعلمك

سناء: ماشي مشكيل عارفاها ماشي ديالك ضروري غيكون عندك مبرر

رجاء: اه عيط ليا واحد صديق قديم كان كيقرا معايا و قال بلي عندو مشكيل و ملي مشيت طلب مني زواج و أنا قبلت داكشي علاش امدام غنكمل غير هاد سيمانة و غنقدم استقالتي حيت غنمشي لمدينة أخرى

سناء: بلاتي كيفاش زربتي عليا بزاف ارجاء كيفاش زواج و استقالة و مدينة أخرى

رجاء: هادشي لي عطا الله متخافيش غنبقا نجي نشوفك و ضروري تحضري العرس

سناء: صدمتني أبنتي و الله مبقيت عارفة ما نقول الله يسهل عليك

رجاء: أمين يارب يلاه بسلامة خاصني نمشي

+غير خرجات رجاء هزات سناء تيليفون عيطات لولدها تفهم منو شنو واقع هي لي عارفة رجاء معاه هو كيفاش هدشي

سناء: الو عثمان ضاربتي أنت و رجاء

عثمان: لا الواليدة علاش

سناء: حيت جات عندي دابة و قالت ليا بلي غتزوج و غتقدم استقالتها حيت غتبدل لمدينة و أنا لي عارفة أنها معاك

عثمان: و أنا مالي كنت غا مدوز بيها الوقت أصلا واخة مخديتش شنو بغيت تفو سمعاتني كنقول لواحد عشيري راني غير ضاحك عليها